શિયાળાની ઋતુમાં લીલા શાકભાજીની સાથે ગાજર પણ ખૂબ જ પસંદ કરવામાં આવે છે. ગાજરનો ઉપયોગ પુલાવ, શાક અને સૂપ બનાવવા તેમજ હલવો બનાવવામાં પણ થાય છે. ગાજરનો હલવો શિયાળાની ઋતુમાં સૌથી વધુ પસંદ કરવામાં આવતી મીઠાઈઓમાંની એક છે. આ એક મીઠી વાનગી છે જેન અલગ અલગ રીતે બનાવી શકાય છે.
ઘી અને ડ્રાય ફ્રુટથી બનાવામાં આવેલો ગાજરનો હલવો મો માં મુકતા જ પીગળી જાય છે અને તેનો સ્વાદ એટલો અદ્ભુત હોય છે કે રાત્રે જમ્યા પછી પુખ્ત વયના જ નહિ પણ બાળકો પણ ઉત્સાહથી તેને ખાય છે. પરંતુ શું તમે જાણો છો કે ખોરાકમાં સ્વાદિષ્ટ ગાજરનો હલવો તમારા સ્વાસ્થ્ય માટે પણ ખૂબ સારો છે. આપણા સ્વાસ્થ્ય માટે ગાજરનો હલવો ખરેખર સારો છે, ચાલો જોઈએ વિસ્તારમાં.
નિષ્ણાત મુજબ “ગાજરનો હલવો બનાવવા માટે વપરાતો મૂળ ઘટક ગાજર છે. ગાજરમાં વિટામિન એ, વિટામિન કે, વિટામિન સી અને ફાઈબર ભરપૂર માત્રામાં હોય છે. ગાજરમાં રહેલું વિટામિન એ દ્રષ્ટિ સુધારવામાં મદદ કરે છે. હલવામાં દૂધ ઉમેરવાથી વાનગીમાં કેલ્શિયમ અને પ્રોટીન ઉમેરાય છે.
કાજુ અને કિશમિશ હલવામાં પ્રોટીન અને એન્ટીઓકિસડન્ટ ઉમેરે છે. હલવામાં શુદ્ધ ઘી તમારા શરીરને શિયાળામાં દુખાવો ઓછો કરવા માટે જરૂરી ચરબી આપે છે. આ સિવાય, ગાજર ખાવાથી શરીરને સાજા કરવામાં અને છાતીના સંક્રમણને રોકવામાં પણ મદદ મળે છે.
ગાજરના ફાયદા : આપણામાંના ઘણા લોકો એવા છે, ખાસ કરીને બાળકો, જેમને ગાજર ખાવાનું પસંદ નથી આવતું. આવા લોકોએ તેને સ્વાદિષ્ટ, હલવા સ્વરૂપે ખાવું જોઈએ. તેને ખાવામાં કોઈ નુકસાન નથી થતું. ગાજર એ તંદુરસ્ત શાકભાજીમાંથી એક છે, જે આપણે ખાઈ શકીએ છીએ. તે વિટામિન A, C અને K થી ભરપૂર છે જે આપણા એકંદર સ્વાસ્થ્ય માટે સારું છે.
તેમાં ભરપૂર માત્રામાં ફાઇબર હોય છે જે વજન ઘટાડવામાં મદદ કરે છે. ગાજરમાં વિટામિન એ હોય છે જે આંખોનું સ્વાસ્થ્ય વધારે છે. ગાજર પાચનમાં મદદ કરે છે અને આંતરડાની ગતિ સુધારે છે. આ શાકભાજી કોલેસ્ટ્રોલ સામે લડે છે અને હૃદયની તંદુરસ્તી વધારે છે. ગાજર વિટામીન, મિનરલ્સ, એન્ટીઓક્સીડેન્ટથી ભરપૂર હોય છે, રોગપ્રતિકારક શક્તિ વધારવામાં મદદ કરે છે.
વિટામિન અને મિનરલ્સ થી ભરપૂર : ગાજરના હલવાની રેસીપી ડ્રાયફ્રુટ્સ વગર અધૂરી કહેવાય છે. ડ્રાયફ્રૂટમાં ભરપૂર માત્રામાં ફાઇબર, એન્ટીઓક્સીડેન્ટ, વિટામિન અને મિનરલ્સ હોય છે, જે શિયાળાની ઋતુમાં તમારા શરીર માટે ખાસ કરીને જરૂરી છે. જો તમને ડ્રાયફ્રુટ્સ પસંદ નથી તો પછી તેમને તમારા ગાજરના હલવામાં ઉમેરીને ખાવાની સારી રીત હોઈ શકે છે. આ હલવો અત્યંત પૌષ્ટિક છે જે તમારા એકંદર આરોગ્યમાં સુધારો કરે છે.
શિયાળામાં રાખે છે સ્વસ્થ : ગાજરના હલવા બનાવવામાં ઘીનો ઉપયોગ કરવામાં આવે છે જે શિયાળાની ઋતુમાં તમારા સ્વાસ્થ્ય માટે ખૂબ જ સારો છે. ઘી માં ચરબી હોય છે જે આ ઋતુમાં દુખાવો ઓછો કરવામાં મદદ કરે છે. ગાજરમાં રહેલા વિટામિન A દરેક ઋતુમાં થતા છાતીના સંક્રમણને રોકે છે અને ઇમ્યુનીટી વધારવામાં મદદ કરે છે.
ત્વચાને નુકસાનથી બચાવે છે : આપણી ત્વચાને સૂર્યના હાનિકારક યુવી કિરણોથી બચાવવા જરૂરી છે, જે શિયાળાની ઋતુમાં સક્રિય હોય છે. ગાજરમાં હાજર બીટા કેરોટિન હોય છે જે ત્વચાનું રક્ષણ કરે છે.
કેલ્શિયમથી ભરપૂર : ઉપર જણાવ્યા મુજબ, ગાજરના હલવા રેસીપીમાં દૂધનો ઉપયોગ કરીને તૈયાર કરવામાં આવે છે. દૂધ આ મીઠાઈને સંપૂર્ણ સ્વસ્થ બનાવે છે. દૂધ તમારા શરીર માટે જરૂરી કેલ્શિયમની માત્રામાં વધારો કરે છે.
લો ફેટ ગાજરના હલવા બનાવવાની રેસીપી : ગાજરના હલવો તમારા સ્વાસ્થ્ય માટે ખૂબ જ સારો છે, પરંતુ તે કેલરીથી ભરપૂર છે જે તમને વજનમાં વધારો કરી શકે છે. પરંતુ તમારે તમારી મનપસંદ મીઠાઈનો ભરપૂર આનંદ માણવો જોઈએ. એટલા માટે આજે અમે તમને ઓછી ચરબીવાળા ગાજરનો હલવો બનાવવાની રેસીપી જણાવી રહ્યા છીએ.
સામગ્રી: ગાજર – 2 કપ છીણેલું, લો ફેટ મિલ્ક (ચરબીવાળા દૂધ) – 1 કપ, સમારેલૂ ખજૂર – 1/2 કપ, ઘી – 1 ચમચી, એલચી પાવડર – 1/4 ચમચી
બનાવવાની રીત: પ્રેશર કૂકરમાં ઘી અને ગાજર નાખો. 5 મિનિટ માટે ફ્રાય કરો. પછી, કૂકરમાં દૂધ અને ખજૂર ઉમેરો અને સારી રીતે મિક્સ કરો. 2 સીટી વાગવા માટે પ્રેશર કૂકર બંધ કરો. ઈલાયચી પાવડર ઉમેરો અને સારી રીતે મિક્સ કરો. સતત હલાવતા રહો. ઓછી ચરબીવાળા ગાજરનો હલવો તૈયાર છે. ઓછી ચરબીવાળા દૂધ અને ખાંડની જગ્યાએ ખજૂરનો ઉપયોગ કરવાથી ગાજરના હલવામાં કેલરીનું પ્રમાણ ઘટાડવામાં મદદ મળે છે.
તમને અમારી આ રેસિપી પસંદ આવી હોય તો તમે પણ ઘરે જરૂરથી ટ્રાય કરજો અને તમારા અભિપ્રાય અમને કમેન્ટ બોક્સમાં જરૂરથી જણાવજો. ગુજરાતી ભાષામાં આવી અવનવી રેસિપી જોવા અને નવી- નવી રેસિપી ઘરે બેસી જાણવા અને શીખવા માટે અમારાં Page” રસોઈ ની દુનિયા ને Like & Follow કરો. Follow કરવાં માટે અહી Click કરો રસોઈ ની દુનિયા.
