જો તમને પૂછવામાં આવે કે છેલ્લે તમે ખુલ્લા પગે ચપ્પલ વગર ક્યારે ચાલ્યા હતા, તો કદાચ તમારો જવાબ હશે કે, એ યાદ નથી. તમને કદાચ યાદ પણ નહિ હોય કે તમે છેલ્લી વાર જમીન પર ક્યારે ખુલ્લા પગે ચાલ્યા હશો. આજે પણ તમે તમારા બાળકોને ખુલ્લા પગે ચાલવાની ના પાડતા હશો.
જો કે, આજકાલ મહિલાઓ પોતાના સ્વાસ્થ્યને લઈને ખૂબ જ સજાગ છે અને તેઓ મોર્નિંગ વોક અને ઈવનિંગ વોક જેવા તમામ ફેમસ ટ્રેન્ડ અપનાવે છે. પરંતુ આપણામાંથી ઘણી ઓછી એવી મહિલાઓ હશે જેઓ જાણતા હશે કે જમીન પર ખુલ્લા પગે ચાલવું તમારા માટે કેટલું ફાયદાકારક હોઈ શકે છે.
તો આજે આ આર્ટીકલમાં ખુલ્લા પગે ચાલવાના ઘણા ફાયદાઓ જાણીને તમે પણ ખુલ્લા પગે ચાલવાનું શરુ કરી દેશો. શું તમે હજુ પણ નથી જાણતા ખુલ્લા પગે ચાલવું તમારા માટે કેટલું ફાયદાકારક હોય છે, તો તમને જણાવીએ કે, જ્યારે તમે ખુલ્લા પગે ચાલો ત્યારે તમારી ત્વચા જમીનના સીધા સંપર્કમાં આવે છે ત્યારે જમીનની ઉર્જા પગ દ્વારા આપણા શરીર સુધી પહોંચે છે જે આપણા સ્વાસ્થ્ય માટે ખૂબ જ સારી છે.
આપણામાંથી ઘણા લોકોએ ક્યાંક તો વાંચ્યું કે સાંભળ્યું હશે કે આપણા શરીરમાં પ્રેશર પોઈન્ટ હોય છે. જ્યારે આપણે માટી અથવા ઘાસ પર ખુલ્લા પગે ચાલીએ છીએ ત્યારે આપણા પગ પરનું દબાણ એક્યુપંકચર બિંદુઓને એક્ટિવ કરે છે અને બદલામાં શરીરને ઉત્તેજિત કરીને આપણા સ્વાસ્થ્યમાં સુધારો થાય છે.
1. આંખોની રોશની સુધારે : પગમાં પ્રેસર પોઇન્ટ આંખોની ચેતા સાથે જોડાય છે. જ્યારે તમે સવારે ઘાસ પર ખુલ્લા પગે ચાલો છો ત્યારે પ્રેસર પોઇન્ટ ઉત્તેજિત થાય છે જે તમારી આંખોની રોશની સુધારવામાં મદદ કરે છે. એટલે કે જો ઘાસ પર ખુલ્લા પગે ચાલવાથી તમારી આંખોની રોશનીમાં વધારો થાય છે.
2. બ્લડપ્રેશર નિયંત્રિત રહે છે : જ્યારે આપણે ખુલ્લા પગે ઘાસ પણ ચાલો છો તો પગની ચેતા ઉત્તેજિત થાય છે, જે પગ દ્વારા શરીરમાં પ્રવેશીને તણાવ ઓછો થાય છે અને તણાવ દૂર થવાથી બ્લડ પ્રેશરને નિયંત્રિત કરવામાં તમને મદદ મળે છે.
3. ઊંઘ ના આવવાની સમસ્યા થાય છે દૂર : ઊંઘનો અભાવ જેને અનિદ્રા તરીકે પણ ઓળખવામાં આવે છે. નેશનલ સ્લીપ ફાઉન્ડેશન અનુસાર એક સ્વસ્થ સ્ત્રીને દરરોજ ઓછામાં ઓછા સાત કલાકની ઊંઘ લેવી જોઈએ, તેથી એવું માનવામાં આવે છે કે જે મહિલાઓને ઊંઘમાં તકલીફ છે તેમને ઘાસ પર ખુલ્લા પગે ચાલવાથી અનિદ્રા દૂર કરી શકાય છે.
4. નર્વસ સિસ્ટમમાં સુધારો કરે : ખુલ્લા પગે ચાલવાથી એક્યુપંક્ચર પોઈન્ટ્સ ઉત્તેજિત થાય છે અને તે ચેતાને ઉત્તેજીત કરવામાં મદદ કરે છે, જે આપણા શરીરની નર્વસ સિસ્ટમને સુધારે છે. કાયમની અતિશય ફૂલેલી નસોને કારણે થતો દુખાવો અને ખાસ કરીને ડાયાબિટીસના દર્દીઓમાં જો તે લોકો ખુલ્લા પગે ચાલે તો તે સરળતાથી ઘટાડી શકાય છે.
5. હોર્મોનલ અને પીરિયડ્સના લક્ષણોમાં ઘટાડો : હોર્મોનનું અસંતુલન થવાથી ઘણી માનસિક અને શારીરિક સમસ્યાઓ થઇ શકે છે. સ્ત્રીઓમાં પ્રિમેન્સ્ટ્રુઅલ સિન્ડ્રોમના કારણે પેટમાં દુખાવો, માથાનો દુખાવો, મૂડમાં ફેરફાર, વજનમાં વધારો, કબજિયાત, ખીલ વગેરે જેવા લક્ષણોનું કારણ બની શકે છે. ખુલ્લા પગે ચાલવાથી આ લક્ષણોમાં ઘટાડો થાય છે.
6. ઇમ્યુનીટી વધારે છે : ઉઘાડપગું ચાલતી વખતે નર્વસ સિસ્ટમની ઉત્તેજના વ્યક્તિની ઇમ્યુનીટી વધારે છે. મેં ઘણીવાર જોયું હશે કે બાળકો ખુલ્લા પગે રમવાનું પસંદ કરે છે. દરેકના ઘરે બાળકોને આ કરવાનું ગમે છે. શું તમે જાણો છો કે જ્યારે બાળકો રેતીમાં રમે છે ત્યારે તે તેમને મજબૂત બનાવવામાં મદદ કરે છે અને તેમની ઇમ્યુનીટી પણ વધે છે.
7. એનર્જી વધે છે : માટી, રેતી, રસ્તા અને નાના પથ્થર પર ચલાવથી પગના પ્રેસર પોઇન્ટ ઉત્તેજિત થાય છે. શરૂઆતમાં તમને ચાલવું મુશ્કેલ હોઈ શકે છે પરંતુ જેમ જેમ દિવસો પસાર થાય છે ધીમે ધીમે તે તમારા પગ અને શરીરને મજબૂત બનાવે છે. એનર્જી લેવલ વધે છે અને એક્ટિવ બનાવે છે.
8. સોજો ઓછો કરે : સેલ્સમાં થવાવાળા નુકસાનથી કેન્સર, હૃદય રોગ, ઉંમર વધવી જેવી બીજી ઘણી સમસ્યાઓ તરફ દોરી જાય છે. પરંતુ જમીન પર ખુલ્લા પગે ચાલવાથી જમીનમાં રહેલા ઈલેક્ટ્રોન એન્ટીઓક્સીડેન્ટ તરીકે કામ કરે છે જે સોજો ઘટાડવામાં મદદ કરે છે.
નિષ્કર્ષ : ઉગાડા પગે ચાલવાથી તમારા પગ, પગની ઘૂંટી, સોજો, અનિદ્રા, ચેતાતંત્રમાં સુધારો, આંખોની રોશની, રોગપ્રતિકારક શક્તિમાં સુધારો, બ્લડ પ્રેશરને નિયંત્રિત કરવામાં મદદ મળી શકે છે. તે તણાવ, હતાશામાં સુધારો કરવામાં પણ મદદ કરે છે. એટલે કે ખુલ્લા પગે ચાલવું માનસિક અને શારીરિક બંને રીતે ફાયદાકારક છે.
જો તમને આ માહિતી ગમી હોય તો આવી જ જીવનઉપયોગી માહિતી મેળવવા માટે રસોઈનીદુનિયા સાથે જોડાયેલા રહો, અહીંયા તમને કિચન ટિપ્સ, હોમ્સ ટિપ્સ અને અવનવી વાનગીઓની માહિતી મળતી રહેશે.
