આપણી આધુનિક જીવનશૈલી એવી બની ગઈ છે કે આપણે આપણા શરીરને આરામ આપવા અને સારું અનુભવવાના નામે કેટલીક ખરાબ આદતો અપનાવીએ છીએ. જેમ કે શારીરિક પ્રવૃત્તિનો અભાવ, ટેક્નોલોજીનો વધુ પડતો ઉપયોગ, ધૂમ્રપાન સેવન અને બિનઆરોગ્યપ્રદ આહાર જેવી આદતો.
પછી આ આદતો આપણા શરીર સાથે ખેલ રમી જાય છે. આ આદતોનો પહેલો હુમલો આપણા પાચનતંત્ર પર થાય છે. પાચન સંબંધી સમસ્યાઓ જેમ કે અપચો, પેટમાં ગેસ, પેટ ફૂલવું, અને કબજિયાત વગેરે ધીમે ધીમે શરીરમાં બીજા રોગોને આમંત્રણ આપવાનું શરૂ કરે છે.
પેટની બિમારીઓના શરૂઆતના તબક્કામાં આપણે OTC દવાઓ લઈએ છીએ. પરંતુ તબીબી સલાહ વિના આ દવાઓ આપણા શરીરને નુકસાન પહોંચાડી શકે છે. જ્યારે એક સત્ય એ છે કે આપણે પેટની ઘણી સમસ્યાઓનો ઈલાજ ઔષધિઓથી કરી શકીએ છીએ.જેનો ઉપયોગ પાચન સંબંધી ઘણી સમસ્યાઓમાં આરામ આપે છે.
સૂંઠ
ભારતીય રસોડામાં ઉપયોગમાં લેવામાં આવતી સૂંઠની ગંધ તીખી હોય છે અને ખોરાકમાં તેની અસર ગરમ હોય છે. તે અપચો માટેનો સારો ઘરેલું ઉપાય છે અને ગેસ્ટ્રિક એસિડ અને પાચન ઉત્સેચકોને ઉત્તેજિત કરે છે, જે પાચનતંત્રને મજબૂત કરે છે. સૂંઠ પાચન તંત્રમાંથી ગેસને બહાર પણ કાઢી શકે છે.
કાળા મરી
ભારતમાં વપરાતો આ સામાન્ય મસાલાનો ઉપયોગ વાનગીઓને ગાર્નિશ કરવા માટે અને સ્વાદ વધારવા માટે થાય છે. કાળા મરીમાં પીપરાઈન નામનું કમ્પાઉન્ડ હોય છે, જે પોષક તત્વોના અવશોષણમાં સુધારો કરે છે.
કાળા મરી પિત્ત રસ એટલે કે પિત્ત એસિડના સ્ત્રાવને સુધારે છે, જે ખોરાકના ભંગાણને સરળ બનાવે છે. કાળા મરી પાચનતંત્રમાંથી ગેસને દૂર કરે છે અને તેથી પેટ ફૂલવું, ઓડકાર આવવા વગેરેમાં ફાયદાકારક છે.
ત્રિફળા
ત્રિફળા તેના સ્વાસ્થ્ય લાભો માટે જાણીતું છે. ત્રિફળા પાચન તંત્રમાં ગેસના એકત્રિત થતા અટકાવે છે. તે પાચનતંત્રના સ્નાયુઓની સંકોચનક્ષમતામાં સુધારો કરે છે અને સમગ્ર પાચનતંત્રમાં ખોરાકને ખસેડવામાં મદદ કરે છે. ત્રિફળા અપચોને મટાડી શકે છે.
વરિયાળી
સામાન્ય રીતે મુખવાસ તરીકે લેવામાં આવે છે, તેમાં ઘણા પાચક ઔષધીય ગુણધર્મો છે. વરિયાળી આંતરડાના સંકુચિત સ્નાયુઓને આરામ આપીને એન્ટિસ્પાજમોડિક અસર ધરાવે છે. વરિયાળીના બીજ પણ પાચન તંત્રમાંથી ગેસને બહાર કાઢવામાં મદદરૂપ થાય છે.
શંખભસ્મ
શંખના છીપમાંથી બનેલી આયુર્વેદિક દવા, ભૂખ અને પાચનમાં સુધારો કરે છે, અને જઠરનો સોજો અને નાના આંતરડાના પહેલા ભાગમાં બળતરા જેવી પાચન સમસ્યાઓમાં રાહત આપે છે.
જ્યાં આ સામગ્રીનો ઉપયોગ પાચન સંબંધી સમસ્યાઓની સારી સારવાર માટે કરી શકાય છે. પરંતુ કોઈપણ પ્રકારની સારવાર શરૂ કરતા પહેલા ડૉક્ટરની સલાહ જરૂરી છે. આ સામાન્ય જાણકરી પ્રદાન કરવા માટે જ છે.
