દરેક સ્ત્રી એવું ઈચ્છે છે કે તે પોતાની વધતી ઉંમરમાં પણ યુવાન અને સુંદર દેખાય. આ માટે તે પાર્લરમાં જઈને ફેશિયલ અને વિવિધ પ્રકારની ટ્રીટમેન્ટ કરાવે છે અને મોંઘી બ્યુટી પ્રોડક્ટ્સનો પણ ઉપયોગ કરે છે.
આ બધું કરવાથી ચોક્કસ તેમના ચહેરા પર થોડા સમય માટે યુવાનીનો ગ્લો દેખાય જ છે, પરંતુ પછી ત્વચા ફરીથી નિસ્તેજ દેખાવા લાગે છે. આ સિવાય, બ્યુટી પ્રોડક્ટ્સમાં રહેલા કેમિકલ ત્વચાને નુકસાન પહોંચાડે છે. કેટલીક મહિલાઓ ખર્ચ વધુ થવાને કારણે આ બધી વસ્તુઓનો ઉપયોગ કરવાનું ટાળે છે.
જો તમે તમારી ઉંમર કરતા 10 વર્ષ જુવાન દેખાવા માંગો છો તો તમારે દરરોજ સવારે ઉઠ્યા પછી આ લેખમાં જણાવેલ 2 કામ કરવાના છે. કદાચ તમે વિચારતા હશો કે યુવાન દેખાવા માટે આ 2 કામના હજારો રૂપિયાનો ખર્ચ થશે, પરંતુ એવું બિલકુલ નથી.
આ 2 કામ તમે ઘરે સરળતાથી કરી શકો છો અને 1 પણ રૂપિયો ખર્ચવાની જરૂર નથી. તેમના વિશેની સૌથી સારી વાત એ છે કે તમે દરરોજ કરવાનું શરુ કરશો તો થોડા મહિના પછી તમને તમારામાં ફરક દેખાવા લાગશે. તો આવો જાણીએ કેવી રીતે.
પહેલું કામ માલસન : એક જ સ્થિતિમાં કલાકો સુધી પથારીમાં રહેવાથી પીઠમાં જડતા આવે છે અને તમે અકાળે ઘરડા દેખાવા લાગો છો, પરંતુ માલાસન યોગ દુખાવાને ઓછો કરતા પીઠના નીચેના તણાવને ઝડપથી દૂર કરવામાં મદદ કરે છે.
આ સિવાય દરરોજ આ યોગ કરવાથી પેટ સારી રીતે સાફ થાય છે અને તમારા ચહેરા પર લાંબા સમય સુધી ચમક જળવાઈ રહે છે અને તમે અકાળે ઘરડા દેખાતા નથી. આ યોગ કરવા માટે પહેલા સીધા ઊભા રહો. પછી બંને ઘૂંટણને વાળીને મળત્યાગની મુદ્રામાં બેસી જાઓ. બંને હાથને નમસ્કાર મુદ્રામાં લાવો. શ્વાસ લેતી વખતે થોડીવાર આ મુદ્રામાં રહો અને પછી મૂળ સ્થિતિમાં પાછા આવો.
Does Malasana (yogi squat) give you troubles? Try using yoga blocks or other items you have around the house to give you a little seat! #malasana #yogisquat #yogapose #yogaforeverybody #yoga #onlineyoga pic.twitter.com/DNbnhB9a7Q
— Asana at Home | Online Yoga (@AsanaAtHome) August 25, 2022
ફાયદા : આ કરવાથી હિપ્સ અને પેલ્વિક એરિયામાં સ્ટ્રેચ આવે છે, પેટના સ્નાયુઓ ટોન થાય છે અને મેટાબોલિઝમ સારું થાય છે. પાચન તંત્રને સક્રિય કરે છે અને કબજિયાત રાહત આપે છે. ઘૂંટણમાં લવચીકતા આવે છે અને દરરોજ કરવાથી ચહેરા પર ચમક આવે છે.
બીજું કામ ગરમ પાણી : ઊંઘ દરમિયાન શરીર રીપેર થાય છે. તે સેલ્યુલર સ્તરે એકઠા થતા ઘણા બધા ઝેરી તત્વોને દૂર કરવાનું કામ કરે છે. ગરમ પાણીનો મોટો ગ્લાસ પીવાથી સિસ્ટમમાંથી ઝેરી તત્વોને બહાર કાઢવામાં મદદ મળે છે જેનાથી નિયમિત શરીરની સફાઇ થાય છે.
હા, આપણે બધા જાણીએ છીએ કે પૂરતું પાણી પીવું અને હંમેશા હાઇડ્રેટેડ રહેવું જોઈએ. તમારા શરીરને સ્વસ્થ અને ઉર્જાવાન રાખવા માટે, ત્વચા અને વાળ કન્ડિશન્ડ અને સુંદર દેખાય તે માટે તે એક સરસ રીત છે.
પરંતુ શું તમે જાણો છો કે સાદું પાણી પીવાના બદલે ગરમ પાણીથી ઘણો ફરક પડે છે અને તેના અદ્ભુત ફાયદાઓ પણ થાય છે. ગરમ પાણી પીવાનો મુખ્ય ફાયદો એ છે કે તે તમારી સિસ્ટમને ચોખ્ખી કરવામાં મદદ કરે છે. સામાન્ય શબ્દોમાં,તમારા શરીરને અંદરથી સાફ કરે છે.
જેમ તમે તમારા ચહેરાને સાફ કરવા અને ગંદકી, મેકઅપ, તેલ, પરસેવો અને અશુદ્ધિઓથી છુટકારો મેળવવા માટે મેકઅપ રીમુવર અને ફેસ વોશનો ઉપયોગ કરો છો, તે રીતે આ પણ મહત્વપૂર્ણ છે કે તમે તમારી આંતરિક સિસ્ટમને પણ સાફ કરો.
તમારી સિસ્ટમમાં રહેલા ઝેરી તત્વો તમારી ત્વચાને નિસ્તેજ બનાવે છે, જેના કારણે તમારા ચહેરા પર વૃદ્ધત્વના ચિહ્નો દેખાય છે. જ્યારે તમે ગરમ પાણી પીઓ છો ત્યારે તે તમારા કોષોને ઠીક કરવામાં મદદ કરે છે, ઇલાસ્ટેન અને કોલેજનનું ઉત્પાદન વધારે છે અને તમારી ત્વચાની ગુણવત્તામાં સુધારો કરે છે.
શરીરમાંથી ઝેરી તત્વોને નીકળી જવાથી તમારો ચહેરો લાંબા સમય સુધી યુવાન અને સુંદર દેખાય છે. તમે પણ આ 2 કામ કરીને તમારી વધતી ઉંમરમાં ઓછામાં ઓછા 10 વર્ષ નાના દેખાઈ શકો છો. લેખ ખરેખર પસંદ આવ્યો હોય તો રસોઈનીદુનિયા જોડાયેલા રહો.
