મહિલાઓ પોતાને ફિટ રાખવા તો માંગે છે પરંતુ ઘર અને ઓફિસની જવાબદારીઓને કારણે તેઓ કસરત માટે સમય નથી કાઢી શકતા. એટલા માટે અમે તમારા માટે સમય સમય પર અમુક પ્રકારની કસરત અથવા યોગ લઈને આવીએ છીએ જે તમને ફિટ રાખવામાં મદદ કરી શકે છે.
આજે અમે તમને એવા જ એક યોગ કંધારાસન વિશે જણાવી રહ્યા છીએ જેને તમે ઘરે કરી શકો છો. સૌથી સારી વાત એ છે કે ફિટનેસ એક્સપર્ટ પ્રિયંકા ચૌધરી આ યોગ આસનના ફાયદા આપણને જણાવી રહી છે.
તેઓ કહે છે, ‘કંધા શબ્દ સંસ્કૃત શબ્દ પરથી આવ્યો છે જેનો અર્થ થાય છે ખભો અને આસનનો અર્થ થાય છે મુદ્રા. આ યોગ મહિલાઓ માટે ખૂબ જ ફાયદાકારક છે અને દરરોજ આ યોગાસન કરવાથી પ્રજનન અંગોને પણ ફાયદો થાય છે. તો ચાલો જાણીએ તેના ફાયદા અને કરવાની રીત વિશે.
View this post on Instagram
કંધારાસનના ફાયદા : તે માસિક સ્રાવની વિકૃતિઓ અને ગર્ભાશયની સમસ્યાઓ માટે બેસ્ટ છે. તે તમારી પીઠ, ગરદન અને ખભાને મજબૂત બનાવે છે અને પેટની સમસ્યાઓ અને પીઠના દુખાવા માટે ફાયદાકારક છે. તે પેટના તમામ અંગોને ટોન કરે છે અને અસ્થમાના દર્દીઓ માટે શ્રેષ્ઠ છે કારણ કે તે ફેફસાંને ખોલે છે.
અન્ય લાભો : પીઠના નીચેના ભાગે દુખાવાથી પીડાતા લોકો માટે તે અત્યંત ફાયદાકારક યોગ છે.
તેમાં થતું સ્ટ્રેચિંગ પાચનતંત્રને સુધારે છે. તે થાઇરોઇડ ગ્રંથિની સારી કામગીરીને પ્રોત્સાહન આપે છે અને મેટાબોલિઝમને વેગ આપે છે.
રક્ત પરિભ્રમણ સુધારવા માટે દરરોજ કંધારાસન કરવું દરેક માટે ફાયદાકારક છે. તે તમારા હિપ્સ, જાંઘ અને પગને ટોન કરવામાં મદદ કરે છે. તે લ્યુકોરિયાની સમસ્યામાં પણ ફાયદાકારક છે.
આંતરડાને સાફ અને શુદ્ધ રાખવા માટે આ એક ખૂબ જ ફાયદાકારક યોગ છે.
કંધારાસન કેવી રીતે કરવું : કંધારાસન કરવા માટે, સૌ પ્રથમ તમારી પીઠ પર જમીન પર સૂઈ જાઓ. તમારા બંને હાથને શરીરની બાજુમાં સીધી સ્થિતિમાં રાખો. બંને પગને ઘૂંટણ પર વાળો. હવે ધીમે ધીમે તમારા માથાના નીચેના ભાગને એટલે કે કમરથી ઉંચો કરો.
જ્યાં સુધી તમે કરી શકો ત્યાં સુધી ઉપર કરો. લગભગ 10 થી 15 સેકન્ડ સુધી આ સ્થિતિમાં રહો અને પછી મૂળ સ્થિતિમાં આવો. હવે આ યોગ કેવી રીતે કરવો તો તમે નીચે આપેલો વિડિઓ જોઈને ઘરે કરી શકો છો.
Namaste everyone 🙏
This asana is also known as Kandharasana.
Benefits: It massages and stretches the colon and abdominal organs, improving digestion. It is also useful for asthma and thyroid conditions.#ramdevbaba #Ayushministry #mylifemyyoga #hathayogi #tapasyogashala pic.twitter.com/6V6MlIoqNK— Tapas Yogini (@Ankasingh27) June 30, 2020
સાવધાની : શરૂઆતમાં ખૂબ જોરશોરથી યોગનો અભ્યાસ ન કરો. તમારા શ્વાસને સામાન્ય જ રાખો. જો ઘૂંટણ, કમર કે ખભાના દુખાવાની સમસ્યા હોય તો આ યોગ કરવાથી બચવું જોઈએ .
જો તમને શ્વાસ, હૃદય અથવા બ્લડ પ્રેશરની સમસ્યા હોય તો પણ કંધારાસન ન કરવું જોઈએ.
તમે પણ આ યોગ કરીને આ બધા સ્વાસ્થ્ય લાભો મફતમાં ઘરે મેળવી શકો છો. જો તમને આ માહિતી ઉપયોગી લાગી હોય તો બીજા ને પણ શેર કરો. આવી જ વધુ માહિતી મેળવવા રસોઈનીદુનિયા સાથે જોડાયેલા રહો.
