બોલિવૂડની ઘણી અભિનેત્રીઓ, જેમ કે માધુરી દીક્ષિત આજના સમયમાં પણ એટલી જ ફિટ અને યુવાન લાગે છે. માધુરી દીક્ષિતના ઘણા ફેન્સ છે જેઓ તેની ફિટનેસનું રહસ્ય જાણવા માંગે છે. બોલીવુડની રાણી, એક નૃત્ય પ્રેમી, એક પુત્રી, એક પત્ની, એક માતા અને અલબત્ત એક સુંદર સ્ત્રી છે.
તે માત્ર લાખો લોકોના દિલો પર રાજ કરતી નથી પરંતુ દરેક વ્યક્તિ માધુરી દીક્ષિતની સુંદરતા અને ફિટનેસના રહસ્યો જાણવા માંગે છે જે આ ઉંમરે પણ તેની ત્વચાને ચમકદાર અને ફિટ બનાવીને રાખે છે.
જો તમે પણ આવી મહિલાઓમાંથી એક છો, તો આજે અમે તમને આ લેખમાં કેટલીક એવી ટિપ્સ જણાવીશું જેનાથી વધતી ઉંમરમાં પણ સુંદર અને ફિટ રહી શકે છે. વધતી ઉંમર સાથે, સ્ત્રીના શરીરમાં ઘણા બાહ્ય અને આંતરિક ફેરફારો થતા હોય છે.
50 વર્ષની ઉંમર પછી, તેમનું મેટાબોલિજ્મ ઘટવાનું શરૂ થાય છે, તેઓ મેનોપોઝમાં પ્રવેશ કરે છે, મસલ્સ ગુમાવે છે. આ તમામ સ્વાસ્થ્ય સમસ્યાઓનો સામનો કરવા અને શરીરને સારા શેપમાં રહે તે માટે શરીરની જરૂરિયાત મુજબ ડાઈટ કરવું જરૂરી છે.
જીવનના આ તબક્કામાં, તમે જે ખાઓ છો અથવા કસરત કરો છો તે તમારા શરીર અને ત્વચા પર દેખાય છે. સારું પોષણ જીવનભર જરૂરી છે, પરંતુ તે 50 વર્ષ અને તેથી વધુ ઉંમરની આસપાસ વધારે મહત્વપૂર્ણ બની જાય છે.
હા, 50 વર્ષથી વધુ ઉંમરની સ્ત્રીઓ યુવાન સ્ત્રીઓ જેટલી જ સ્વસ્થ, ફિટ અને સક્રિય દેખાઈ શકે છે. જો કે, આ માટે થોડી વધુ મહેનત કરવી પડી શકે છે, પરંતુ સારી ડાઈટ અને નિયમિત કસરત તમને મજબૂત બનાવી શકે છે.
View this post on Instagram
પ્રોટીનથી ભરપૂર ડાઈટ : 50 વર્ષની ઉંમર પછી મસલ્સનું નુકસાન ખૂબ જ ઝડપથી થવા લાગે છે, જેના કારણે શરીરમાં નબળાઈ આવે છે. આ વાતને ધ્યાનમાં રાખીને તમારો ખોરાક પ્રોટીનથી ભરપૂર હોવો જોઈએ. જો તમારું યુરિક એસિડ એકદમ ઠીક છે, તો તમારે ઉચ્ચ પ્રોટીન આહાર લેવો જોઈએ, તે તમારું સ્વાસ્થ્ય સારું રાખે છે.
જો તમે શાકાહારી છો, તો તમારે તમારા આહારમાં દાળ અને પનીરનો સમાવેશ કરવો જોઈએ. માંસાહારી લોકોએ તેમના આહારમાં ઈંડા અને ચિકન ખાવું જોઈએ. વધતી ઉંમરની સાથે સ્નાયુઓને નુકસાન થઈ શકે છે.
ડેટા દર્શાવે છે કે 30 વર્ષની વય પછી મસલ્સ સમૂહ દર દાયકામાં લગભગ 3 થી 8 ટકા જેટલો ઘટાડો કરે છે અને 60 વર્ષની ઉંમર પછી ઘટાડોનો દર નાટકીય રીતે વધે છે. તેનું મુખ્ય કારણ, ઓછું શારીરિક હલનચલન અને ઓછું પ્રોટીનનું સેવન છે.
ઉંમર પ્રમાણે આહારમાં વધુ પ્રોટીન ઉમેરવાથી સ્નાયુઓની ખોટને અટકાવી શકાય છે અને કોઈપણ પ્રકારની ઈજા થવાના જોખમને ઘટાડી શકાય છે. 50 વર્ષથી વધુ ઉંમરની મહિલાઓને શરીરના વજનના કિલોગ્રામ દીઠ 1 થી 1.5 ગ્રામ પ્રોટીન લેવાની સલાહ આપવામાં આવે છે.
સારી ચરબીનો (ગુડ ફૈટ) સમાવેશ કરો : 50 વર્ષની ઉંમર પછી, તમારા આહારમાં સારી ચરબીનો સમાવેશ તમારા ઘૂંટણ અને તેમની ગ્રીસ માટે ખૂબ જ જરૂરી છે. આ માટે તમારે તમારા આહારમાં ઘીનો સમાવેશ કરીને તેનું સેવન કરવું જોઈએ. ઘી વિટામિન-કેથી ભરપૂર હોય છે, જે કેલ્શિયમના શોષણમાં મદદ કરે છે. તે દાંતના સડતા રોકવામાં મદદ કરે છે.
ઘીમાં ચરબીમાં દ્રાવ્ય વિટામિન હોય છે, જે વજન ઘટાડવામાં મદદ કરે છે. ઘી હોર્મોન્સનું સંતુલન અને સ્વસ્થ કોલેસ્ટ્રોલ જાળવવામાં પણ મહત્વની ભૂમિકા ભજવે છે. ઘીમાં ઉચ્ચ હીટિંગ પોઈન્ટ પણ હોય છે, જે તેને મુક્ત રેડિકલ ઉત્પન્ન કરતા અટકાવે છે જે કોષના કાર્યને નુકસાન પહોંચાડે છે.
ઉપરાંત, ઘીમાં વિટામીન-એની સાથે ઓમેગા-3 ફેટી એસિડ પણ ભરપૂર માત્રામાં હોય છે. તે આપણા સ્વાસ્થ્યની સાથે ત્વચા માટે પણ ખૂબ જ ફાયદાકારક છે. ઘી બ્યુટીરિક એસિડથી ભરપૂર હોય છે, જે શરીરને રોગ સામે લડતા ટી કોશિકાઓ ઉત્પન્ન કરવામાં મદદ કરે છે.
વજન ઉંચકવાની કસરત : ઉચ્ચ પ્રોટીન આહારની સાથે, તમારા માટે વર્કઆઉટ કરવું પણ મહત્વપૂર્ણ છે. આ માટે 50 વર્ષથી ઉપરની મહિલાઓએ વેઈટ ટ્રેનિંગ કરવી જોઈએ. વેઈટ ટ્રેઈનીંગ કરવાથી જે મસલ્સ પ્રાપ્ત થશે (ઉંમર પ્રમાણે થોડી ધીમી હોઈ શકે છે) તેનાથી શરીરમાં તાકાત આવશે અને નબળાઈ દૂર થાય છે.
જેમ જેમ તમારી ઉંમર વધે છે તેમ તેમ સારા શારીરિક અને માનસિક સ્વાસ્થ્ય જાળવવામાં ઘણા પરિબળો સામેલ છે. પરંતુ વધતી ઉંમરમાં સૌથી મહત્વની બાબત છે વેઇટ ટ્રેઇનિંગ. આ એટલા માટે છે કારણ કે જો આપણે નિયમિત વેંત ટ્રેનિંગ પર ધ્યાન કેન્દ્રિત ન કરીએ તો આપણું શરીર મસલ્સની નુકસાનમાંથી પસાર થાય છે.
50 વર્ષથી વધુ ઉંમરની મહિલાઓ માટે વેઇટ ટ્રેઇનિંગ એ શ્રેષ્ઠ કસરતોમાંની એક કસરત છે. આ 3 ટિપ્સની મદદથી તમે 50 વર્ષની ઉંમરમાં પણ તમારી જાતને ફિટ અને યુવાન રાખી શકો છો. આશા છે કે તમને અમારો આ લેખ ગમ્યો હશે.
