તમે ફ્રાઈડ રાઇસ, પુલાવ અથવા જીરા રાઇસ ઘણી વાર ખાધા હશે. પરંતુ જો તમે આ ભાતની આ બધી રેસિપી ખાઈને કંટાળી ગયા હોવ અને કંઈક નવું ટ્રાય કરવા માંગતા હોવ તો તમારે એકવાર મેંગો રાઈસની રેસિપી ટ્રાય કરવી જોઈએ.
ઉનાળાની ઋતુમાં તમને બજારમાં સરળતાથી કેરીઓ મળી જશે. કાચી કેરી અને પાકી કેરી બંને આ સિઝનમાં મળતી હોય છે. પરંતુ મેંગો રાઇસ બનાવવા માટે તમારે માત્ર કાચી કેરીની જરૂર પડશે.
સૌથી સારી વાત એ છે કે આ વાનગી ખૂબ ઓછા સમય અને ઓછી સામગ્રીમાં તૈયાર કરવામાં આવે છે અને આ વાનગી મોટાઓથી લઈને બાળકો સુધી દરેકને પસંદ આવે છે. તો આજે અમે તમને મેંગો રાઈસ બનાવવાની સરળ રીત જણાવીશું.
સામગ્રી
- 1 કપ રાંધેલા ભાત
- 1 કપ કાચી કેરી
- 8-10 મીઠા લીમડાના પાંદડા
- 1 ચમચી રાઈ
- 1 ચમચી અડદની દાળ
- 2-3 લીલા મરચાં
- 1 ચમચી ચણાની દાળ
- 1 ચમચી મગફળી
- જરૂર મુજબ તેલ
- સ્વાદ મુજબ મીઠું
મેન્ગો રાઇસ બનાવવાની રીત :
સૌપ્રથમ ચોખાને બાફી લો. મેન્ગો રાઇસ માટે જો તમે મોટા કદના બાસમતી ચોખા લેશો તો વધુ સારું રહેશે. જો કે ભાતને વધારે રાંધવાની જરૂર નથી. હવે આ સિઝનમાં તમને બજારમાં કાચી કેરી ખૂબ સરળતાથી મળી જશે. કાચી કેરીને છોલીને તેને સારી રીતે છીણી લો.
હવે એક પેનમાં તેલ ઉમેરો. મેંગો રાઈસ બનાવવા માટે તમે તલનું તેલ અથવા સરસવના તેલનો પણ ઉપયોગ કરી શકો છો. તેલને ગરમ કરો અને તેમાં રાઈના દાણા, અડદની દાળ, ચણાની દાળ, મીઠા લીમડાના પાંદડા અને લીલાં મરચાં ઉમેરીને સાંતળો. જો તમે ઇચ્છો તો તડકામાં હિંગ પાવડર પણ ઉમેરી શકો છો.
હવે આ તડકામાં છીણેલી કાચી કેરી ઉમેરીને સારી રીતે મિક્સ કરી લો. હવે આ તડકાને રાંધેલા ભાતમાં ઉમેરીને બરાબર મિક્ષ કરી લો. તમારા મેંગો રાઇસ પીરસવા માટે તૈયાર ગયા છે. છેને એકદમ સરળ રેસિપી.
- આ પણ વાંચો
સાંજે ચા સાથે નાસ્તામાં બનાવો ઘઉંની મસાલા ફરસી પુરી, જાણો તેને બનાવવાની સરળ રીત
99% મહિલાઓને ખબર નહીં હોય, દૂધમાંથી બ્રેડ કરતા મોટી મલાઈ જમાવવાની આ 3 ટિપ્સ
ગોટલામાંથી ગોટલી કાઢવામાં વધારે મહેનત કર્યા વગર, આ રીતે બનાવો કેરીની ગોટલીનો મુખવાસ
લગ્નપ્રસંગમાં બને એવું જ, ઘરે જ સ્વાદિષ્ટ, ખાટું-મીઠું વાલ નું શાક બનાવવાની રીત
