દહીં અને ભાત મિક્સ કરીને ખાવાની પરંપરા આપણા દક્ષિણ ભારતની છે, પરંતુ આ વાનગી એટલી સ્વાદિષ્ટ અને બનાવવામાં સરળ છે કે હવે તે ભારતના દરેક વિસ્તારમાં પ્રખ્યાત થઈ ગઈ છે. સેલિબ્રિટી ન્યુટ્રિશનિસ્ટ રૂજુતા દિવેકરે પણ તેની લેટેસ્ટ ઇન્સ્ટાગ્રામ પોસ્ટમાં દહીં અને ભાત ખાવાના ફાયદા જણાવેલ છે.
રુજુતા કહે છે, ‘જો તમને થાક લાગતો હોય અથવા તમને ભૂખ ન લાગી હોય અને એનર્જી લેવલ ડાઉન હોય તો તમારે દહીં-ભાત ખાવા.’ રુજુતા આ ભોજનને લંચ માટે બેસ્ટ ગણાવે છે અને તેના કેટલાક ફાયદા અને તેને કેવી રીતે બનાવવી તે પણ પોસ્ટમાં સમજાવે છે.
દહીં-ભાત ખાવાના ફાયદા-
દહીં અને ભાત ખાવાથી શરીર ઠંડુ રહે છે. પાચનક્રિયાને સ્વસ્થ રાખવા માટે દહી-ભાત પણ ખાવા જોઈએ. દહીં અને ભાત ખાવાથી વજન ઘટાડવામાં મદદ મળે છે. દહીં-ભાત રોગપ્રતિકારક શક્તિ વધારે છે. દહીં અને ભાત ખાવાથી આંતરડાની તંદુરસ્તી સારી રહે છે.
દહીં અને ભાત ખાવાથી રાત્રે ઊંઘ સરસ આવે છે.
દહીં ભાત કેવી રીતે બનાવશો-
સામગ્રી
- 1 વાટકી ભાત
- 1 વાટકી દહીં
- ચપટી મીઠું
વિધિ : રુજુતા કહે છે, ‘ઘરે રાંધેલા ભાત અને ઘરમાં જામેલું દહીં મિક્સ કરો અને તમારા સ્વાદ પ્રમાણે સેંધા મીઠું ઉમેરો. બસ આ વસ્તુઓને મિક્સ કરીને ખાઓ. તેનાથી તમારું પેટ પણ ભરાઈ જશે અને શરીરમાં શક્તિ પણ આવશે. જો તમે ઈચ્છો તો દહીં ભાતમાં હિંગ, રાઈ અને લાલ મરચાંનો તડકો પણ ઉમેરી શકો છો. જેનાથી તેનો સ્વાદ વધુ સારો બને છે.
આ જરૂર વાંચો :
વજન ઘટાડવા માટે દહીં-ભાત ખાઓ
જો તમે તમારું વજન ઓછું કરવા માંગતા હોય તો તમે ચોખાનો સ્ટાર્ચ કાઢીને તેને દહીંમાં મિક્સ કરીને ખાઈ શકો છો. જો તમે નિયમિતપણે બપોરના ભોજનમાં દહીં અને ભાત ખાઓ છો, તો તમને તેની અસર 2 મહિનામાં જ દેખાવા લાગશે.
શરીરને ફ્રેશ રાખવા માટે દહી-ભાત
ઉનાળાની ઋતુમાં શરીરને અંદરથી ઠંડુ રાખવા માટે દહીં-ભાત ખાવા ખૂબ સારો વિકલ્પ છે. તે પાચન પ્રક્રિયાને પણ સ્વસ્થ રાખે છે અને તેને ખાધા પછી ભૂખ પણ ઓછી લાગે છે.
દહીં અને ભાત ખાવાથી એનર્જી વધે છે
View this post on Instagram
જો તમે તમારા શરીરમાં ઉર્જાનો અભાવ અનુભવી રહ્યા છો, તો તમારે દહીં-ભાત જરૂરથી ખાવા જોઈએ. તમને જણાવી દઈએ કે દહીંમાં વધારે માત્રામાં કેલ્શિયમ અને પ્રોટીન હોય છે. જ્યારે ચોખામાં કાર્બોહાઇડ્રેટ હોય છે, જે શરીરમાં એનર્જી લાવે છે.
રોગપ્રતિકારક શક્તિ મજબૂત બને છે
આજકાલ, કોવિડ -19 ચેપના યુગમાં, દરેક વ્યક્તિ તેમની રોગપ્રતિકારક શક્તિ વધારવાનો પ્રયાસ કરે છે. આવી સ્થિતિમાં તમે દહીં અને ભાત ખાઈને પણ તમારી રોગપ્રતિકારક શક્તિને મજબૂત બનાવી શકો છો. આ રેસીપી એન્ટી-ઓક્સિડેન્ટથી ભરપૂર હોય છે.
દહીં-ભાત સ્ટ્રેસ બસ્ટર છે
જો તમે ખૂબ જ તણાવથી પીડાતા હોવ તો તમારે દહીં અને ભાત મિક્સ કરીને ખાવા જોઈએ, તેનાથી શરીરને કુદરતી પ્રોબાયોટિક મળે છે, જે તણાવ ઓછો કરે છે અને હેપ્પી હોર્મોન્સ પણ રિલીઝ કરે છે. આ ખાવાથી રાત્રે ઊંઘ પણ સરસ આવે છે.
જો તમને આ દહીં ભાત ખાવાના ફાયદા ગમ્યા હોય તો લેખને શેર કરો અને લાઈક જરૂર કરો અને આવા વધુ લેખો વાંચવા માટે રસોઈનીદુનિયા સાથે જોડાયેલા રહો.
