ભીંડી બધાને ગમે છે પણ શું તમે અચારી દહીં ભીંડી ખાધી છે? એકવાર તમે તેનો સ્વાદ ચાખી લો, પછી તમને આ રીતે જ ભીંડી બનાવવાની ઈચ્છા થશે. પંજાબના ફૂડમાં મસાલા અને તેલ ઘણું હોય છે, તેથી અચારી દહીં ભીંડી બનાવવાની આ રેસીપી પણ પંજાબી છે. તેને બનાવવામાં જેટલો લાંબો સમય લાગે છે તેટલો જ તેનો સ્વાદ વધુ સ્વાદિષ્ટ બને છે.
તમે તેને ઘણી વખત બહાર હોટેલમાં ખાધુ જ હશે, પરંતુ જો તમે તેને ઘરે રાંધવા માંગો છો, તો તેની રેસીપી જાણો. તમારે ફક્ત તે જાણવાની જરૂર છે કે તેને કેવી રીતે બનાવવું અને તેમાં કઈ સામગ્રીનો ઉપયોગ કરવામાં આવે છે.
અચારી દહીં ભીંડી નામથી જ તમે સમજી જ ગયા હશો કે તેનો સ્વાદ મસાલેદાર અથાણા જેવો હશે અને જ્યારે કોઈ પણ મસાલાને દહીં સાથે રાંધવામાં આવે, ત્યારે તે માત્ર સુગંધ જ નહીં પરંતુ તેનો સ્વાદ પણ અલગ જ હોય છે. તમે રોટલી, તંદૂરી રોટલી અને ભાત સાથે અચારી દહીં ભીંડી ખાઈ શકો છો.
અચારી દહીં ભીંડી માટેની સામગ્રી
- ભીંડા – 400 ગ્રામ
- સરસવનું તેલ – 4 ચમચી
- મીઠું – સ્વાદ મુજબ
- જીરું – 1/2 ચમચી
- રાઈ – 1 ચમચી (પાવડર)
- વરિયાળી – 2 ચમચી
- મેથીના દાણા – 1/2 ચમચી
- કલોંજી – 1/2 ચમચી
- હીંગ – 1 ચપટી
- આદુ – 2 ચમચી પેસ્ટ
- ડુંગળી – 1 બારીક સમારેલી
- ટામેટા – 1 બારીક સમારેલ
- લાલ મરચું – 2 ચમચી / સ્વાદ મુજબ
- હળદર – 1/2 ચમચી (પાઉડર)
- ધાણાજીરું – 2 ચમચી (પાઉડર)
- દહીં – 1/2 કપ
- કોથમીર – બારીક સમારેલી
અચારી દહીં ભીંડી બનાવવાની રીત
અચારી દહીં ભીંડી બનાવવા માટે, તમારે પહેલા ભીંડીને સારી રીતે ધોઈને સાફ કરવાની છે અને તેને સૂકવી લેવાની છે. પછી ભીંડીને વચ્ચેથી લંબાઈમાં કાપો. હવે એક પેનમાં 2 ચમચી તેલ નાખો. તેલ ગરમ થાય એટલે તેમાં ભીંડા અને મીઠું ઉમેરીને ધીમી આંચ પર 5-6 મિનિટ સુધી સાંતળો. જયારે તે ચડી જાય એટલે તેને પેનમાંથી બહાર કાઢી પ્લેટમાં રાખો.
હવે એ જ પેનમાં ફરીથી 2 ચમચી સરસવનું તેલ ઉમેરો. તેલ ગરમ થાય એટલે તેમાં જીરું, રાઈ, વરિયાળી, મેથીના દાણા, કલૌંજી, હિંગ નાખીને થોડીવાર પકાવો. હવે તેમાં આદુની પેસ્ટ નાખો, જ્યારે તે થોડીક શેકાઈ જાય, પછી તેમાં સમારેલી ડુંગળી ઉમેરો અને બ્રાઉન થાય ત્યાં સુધી તેને પેનમાં હલાવો.
જ્યારે ડુંગળીનો રંગ બદલાઈને બ્રાઉન થઈ જાય ત્યારે તેમાં ટામેટાં ઉમેરીને થોડી વાર મસાલામાં પકાવો. જ્યારે મસાલો થોડો શેકાઈ જાય ત્યારે તેમાં મસાલાઓ ઉમેરો. લાલ મરચું, હળદર, ધાણા પાવડર નાખીને મસાલામાંથી તેલ અલગ થવા લાગે ત્યાં સુધી પકાવો.
હવે આ મસાલામાં દહીં ઉમેરો. તેને સારી રીતે હલાવી, ગેસ પર 3-4 મિનિટ સુધી પકાવો. હવે જે ભીંડી તમે પહેલા પેનમાં રાંધી છે અને પ્લેટમાં રાખી છે, તેને આ મસાલામાં મિક્સ કરો, પછી બધું બરાબર મિક્સ કરો અને બીજી 3-4 મિનિટ પકાવો. તમારી અચારી દહીં ભીંડી બનીને તૈયાર છે, તમે તેને સર્વ કરી શકો છો. સર્વ કરતા પહેલા તમે તેને કોથમીરથી ગાર્નિશ કરી શકો છો.
નોંધઃ જો તમારે અચારી દહીં ભીંડી ને હજી વધુ મસાલેદાર બનાવવી હોય તો છેલ્લે જો તમે તેમાં 1-2 ચમચી અથાણાનો મસાલો નાખો તો સ્વાદ વધુ મસાલેદાર બની જશે.
જો ભીંડી વધારે ચીકણી થતી હોય તો રાંધતી વખતે 1 ચમચી લીંબુનો રસ પણ ઉમેરો. ભીંડી નોન-સ્ટીકી બની જશે. જો તમને આ રેસિપી પસંદ આવી હોય તો રસોઈનીદુનિયા સાથે જોડાયેલા રહો.
