ઉનાળાતુમાં ખૂબ પરસેવો થાય છે. આ દરમિયાન ત્વચા પર ફોલ્લીઓ પણ દેખાવા લાગે છે. એટલા માટે આ સિઝનમાં ત્વચાની બમણી કાળજી લેવી જોઈએ. શું તમે ક્યારેય ચહેરા પર ચણાના લોટનો ઉપયોગ કર્યો છે ખરા? ચણાનો લોટ ત્વચા માટે ખૂબ ફાયદાકારક છે. તમે ફેશિયલથી લઈને સ્ક્રબ સુધી કરી શકો છો. શું તમે જાણો છો કે ઉનાળામાં ચણાનો લોટ ચહેરા પર લગાવવાથી ઘણા ફાયદા થાય છે. આજે આ લેખમાં અમે તમને ચણાના લોટના ફાયદા અને તેના ઉપયોગ વિશે જણાવીશું.
ત્વચા નિસ્તેજ નહીં થાય
ઉનાળામાં સૂર્યપ્રકાશને કારણે ત્વચાનો રંગ નિસ્તેજ થવા લાગે છે. ઉનાળામાં ચહેરાની ચમક જાળવી રાખવા માટે તમે ચણાના લોટનો ઉપયોગ કરી શકો છો. ચણાના લોટનો પેક ચહેરા પર લગાવવાથી ફાયદો થશે.
શુ કરવુ?
- ચણાના લોટમાં દહીં અને એક ચપટી હળદર મિક્સ કરીને ચહેરા પર લગાવો.
- જ્યારે તે સુકાઈ જાય, પછી તમારા ચહેરાને સાફ કરો.
- તમે દરરોજ આ પેસ્ટનો ઉપયોગ પણ કરી શકો છો.
- જો તમે ઈચ્છો તો ચણાના લોટ અને દૂધની પેસ્ટ પણ ચહેરા પર લગાવી શકો છો. આ પેક તમારી નિસ્તેજ
- ત્વચાને નિખારવાનું કામ કરશે.
આ પણ વાંચો : બેસનમાં આ વસ્તુ ઉમેરીને કરો ફેસિયલ, માત્ર 10 મિનિટમાં તમારો ચહેરો ગોરો થઈને ચમકવા લાગશે
ખીલ ઓછા થશે
ઉનાળામાં ચહેરા પર પિમ્પલ્સ થતા હોય છે. તેનું કારણ તેલનું વધુ પડતું ઉત્પાદન છે. ખીલની સમસ્યાને દૂર કરવા માટે તમે ચણાના લોટનો ઉપયોગ કરી શકો છો. ચણાના લોટમાં ઝિંક જોવા મળે છે, જે ખીલના ચેપને અટકાવે છે. કાકડીમાં આવશ્યક પોષક તત્વો મળી આવે છે, જે ત્વચાને સ્વસ્થ રાખવાનું કામ કરે છે.
શુ કરવુ?
- એક કાકડીને છીણીને તેનો રસ કાઢો.
- હવે આ રસમાં એક ચમચી ચણાનો લોટ ઉમેરો.
- બંને વસ્તુઓને સારી રીતે મિક્સ કરો.
- આ પેસ્ટને ખીલ થવાની સંભાવનાવાળી જગ્યા પર લગાવો.
- લગભગ અડધા કલાક પછી ચહેરો ધોઈ લો.
આ પણ વાંચો : ચહેરા પર ચોખાનો લોટ લગાવવાથી થાય છે આટલા બધા ફાયદાઓ
ટેનિંગથી છુટકારો મેળવો
ઉનાળામાં ટેનિંગની સમસ્યા ખૂબ સામાન્ય છે. ટેનિંગથી છુટકારો મેળવવા માટે તમે ઘરેલુ ઉપચાર તરીકે ચણાના લોટનો ઉપયોગ કરી શકો છો.
શું જોઈએ ?
- 4 ચમચી ચણાનો લોટ
- 1/2 કપ ગુલાબજળ અને મલાઈ (સૂકી ત્વચા માટે)
- લીંબુનો રસ અને દહીં (ઓઈલી ત્વચા માટે)
- ચપટી હળદર
શુ કરવુ?
- 4 ચમચી ચણાના લોટમાં અડધો કપ ગુલાબજળ, મલાઈ અને ચપટી હળદર ઉમેરો.
- હવે બધી વસ્તુઓને સારી રીતે મિક્સ કરી લો.
- હવે ટેનિંગ એરિયા પર ચણાના લોટની પેસ્ટ લગાવો.
- થોડીવાર તેને ઘસો અને જ્યારે પેસ્ટ સુકાઈ જાય ત્યારે હાથ-પગ સાફ કરો.
- આ પેસ્ટનો રોજ ઉપયોગ કરવાથી ટેનિંગ ઓછું થવા લાગશે.
આશા છે કે તમને આ લેખ ગમ્યો હશે. આવા જ અન્ય લેખો વાંચવા માટે, કૃપા કરીને અમને કમેન્ટ કરીને જણાવો અને અમારી વેબસાઇટ રસોઈનીદુનિયા સાથે જોડાયેલા રહો.
