લગ્નમાં બને તેવું બટાકાનું શાક બનાવવાની રેસીપી : જેમ કે આપણે બધા જાણીએ છીએ કે બટાકાનું એક એવું શાક છે જેને તમે રોટલી, ભાત, પુલાવ કે પુરી કોઈપણ વસ્તુ સાથે ખાઈ શકો છો. આજે હું તમારા માટે બટાકાનું શાક બનાવવાની રીત લઈને આવ્યો છું.
તે જોવામાં જેટલું સારું છે તે ખાવામાં પણ એટલું સારું છે, તો તમે તેને ઘરે જ બનાવીને જરૂર ટ્રાય કરો. આ બટાકાનું શાક ખૂબ જ સરળ રીતે હું તમને જણાવીશ. પછી તમને ઘરે બનાવવામાં પણ સરળ રહેશે. તો ચાલો જોઈએ બટાકાનું શાક બનાવવાની રીત.
સામગ્રી : બાફેલા બટાકા – 4, ડુંગળી – 1, ટામેટા – 1, તેલ – 25 ગ્રામ, જીરું – અડધી ચમચી, ગરમ મસાલા – (લવિંગ, ઈલાયચી, તજ), લસણની પેસ્ટ – 5 કળી, મરચું પાવડર – 1 ચમચી, હળદર પાવડર – 1/2 ચમચી, ધાણાજીરું પાવડર – 1 ચમચી, મીઠું સ્વાદ અનુસાર.
વઘાર માટે : તેલ અથવા ઘી – 50 ગ્રામ, જીરું – અડધી ચમચી, મીઠો લીમડો – 5-6, લીલા મરચા – 2 અને કોથમીર.
બટાકાનું શાક બનાવવાની રીત : સૌ પ્રથમ કઢાઈને ગેસ પર મૂકી તેમાં તેલ નાખો. પછી તેમાં જીરું, અને લવિંગ, ઈલાયચી, તજ (ગરમ મસાલા) નાખીને થોડીવાર શેકી લો. પછી તેમાં લસણની પેસ્ટ નાખો. પછી તેમાં ડુંગળી નાખીને થોડીવાર સાંતળો.
આ પછી તેમાં મરચું પાવડર, હળદર અને ધાણાજીરું નાખી થોડી વાર સાંતળો. પછી તેમાં ટામેટા અને મીઠું નાખીને ધીમી આંચ પર 5 મિનિટ પકાવો. 5 મિનિટ પછી તેમાં પાણી ઉમેરો અને થોડી વાર ઉકળવા માટે છોડી દો.
મસાલા સારી રીતે ચડી જાય પછી તેમાં બાફેલા બટાકા નાખીને મિક્સ કરો, પછી કઢાઈને ઢાંકીને થોડીવાર પકાવો. હવે વઘાર કરવા માટે, બીજી પેનમાં ઘી અથવા તેલ ગરમ કરો અને તેમાં જીરું, મીઠો લીમડો અને લીલા મરચા નાખીને થોડીવાર સાંતળો.
આ પછી તરત જ વઘારને શાકમાં નાખીને બરાબર મિક્ષ કરી લો. તો આપણું બટાકાનું શાક તૈયાર છે. તમે તેને પુરી, પરાઠા, રોટલી સાથે ખાઈ શકો છો. તો તમારે પણ આ રીતે બનાવીને જરૂર ટ્રાય કરો.
સૂચના : ટામેટાંને મધ્યમ તાપ પર જ પકાવો. બાફેલા બટાકા ઉમેર્યા પછી, શાકને ખૂબ જ ધીરેથી હલાવો, નહીં તો બટાકા તૂટી જશે. જો તમે શાકને અલગથી વઘાર કરીને બનાવશો તો તેનો સ્વાદ વધુ આવે છે.