આપણે બધા ઘરને ઝડપથી સાફ કરવા માંગીએ છીએ. પરંતુ સાફ કરતા કરતા ઘણો સમય લાગી જાય છે. એક રૂમને પણ સાફ કરો છો તો પણ ઘણો સમય લાગે છે. તેથી જ અમે તમારા માટે આ લેખ લઈને આવ્યા છીએ. આ લેખમાં તમને જણાવીશું કે તમે તમારા બેડરૂમને ઝડપથી કેવી રીતે સાફ કરી શકો છો.
પહેલા ધાબળા અથવા ચાદર વાળી લો : શિયાળો શરૂ થયો હોવાથી બધાં ઘરોમાં ધાબળાનો ઉપયોગ થતો જ હશે. આમ તેમ પહેલા ધાબળા બિલકુલ સારા લાગતા નથી, તેથી જ્યારે તમે સવારે ઉઠો ત્યારે તમારે પહેલું કામ બધા ધાબળા કે ચાદર વાળવાનું કરો. પછી આ ધાબળા જ્યાં પણ રાખતા હોય ત્યાં મુકો.
વેરવિખેર પડેલો સામાન : આ પછી આખા રૂમમાં પડેલી વેરવિખેર વસ્તુઓને ભેગી કરી લો. પછી તે બાળકોના રમકડાં હોય કે ચોપડીઓ. આ વસ્તુઓને એવી જગ્યાએ રાખો જ્યાં બીજા કોઈ વ્યક્તિની નજર ના પડે. આ માટે તમે બેગ પણ લઇ શકો છો જેમાં આ સામાન સ્ટોર કરી શકાય.
બેડશીટ પાથરો : આ બે કામ પતાવી લીધા પછી બેડશીટનો વારો છે. રૂમમાં જ્યાં સુધી બેડશીટ ન પાથરવામાં આવે ત્યાં સુધી રૂમનો દેખાવ ખરાબ લાગે છે. બેડશીટ ઝડપથી પાથરવા માટે , સૌપ્રથમ પલંગની ચારેય બાજુથી ગાદલાની નીચે દબાવો. આમ કરવાથી ચાદર ઝડપથી પથરાઈ જશે. હવે ઓશીકાના કવરને ઠીક કરીને ઓશીકાને એકના ઉપર એક મૂકો.
સૂકા કપડાથી ધૂળ અને માટી સાફ કરો : ધૂળ અને માટીને સાફ કરવા માટે સૂકા કપડાનો ઉપયોગ કરવો સારો છે. સૂકું કપડું ફટાફટ ટેબલ, ખુરશી અને ડ્રેસિંગ ટેબલ અને કોઈપણ ફર્નિચરને ઝડપથી સાફ કરી લે છે.
કચરા પોતું : હવે તમારો આખો રૂમ સાફ થઇ ગયા પછી સાવરણી અને મોપ લગાવવાનો વારો આવે છે. આખો રૂમ સાફ કરવા માટે બેસીને સાવરણીથી કચરો વારો. આ ગંદકીને ઝડપથી સાફ કરે છે અને પછી પોતું કરો. હવે તમારો આખો રૂમ સંપૂર્ણ સાફ થઈ ગયો છે.
જો તમે આ રીતે તમારા આખા ઘરને સાફ કરશો તો તમારું ઘર જલ્દી સાફ થઈ જશે. એક જ વારમાં આખું ઘર સાફ કરવાનો પ્રયાસ કરો. ઘરની સફાઈ કરતી વખતે અડધું કામ પહેલાં અને અડધું કામ પછી કરશો નહીં, કારણ કે તેમાં વધુ સમય લાગે છે.
તો આ હતી કેટલીક ટિપ્સ જેની મદદથી તમે આખા રૂમને તરત જ ચમકાવી શકો છો. ઘણા લોકો પહેલા કચરો વારે છે જેથી ધૂળ અને માટી આખા ઘરમાં ફેલાઈ જાય છે, તેથી આ રીતે સ્ટેપ બાય સ્ટેપ આ રીતે સાફ કરો.
