બાફેલા બટાકા કુદરતી રીતે વિટામિન્સ અને મિનરલ્સથી ભરપૂર હોય છે અને ખાસ કરીને જોઈએ તો તેમાં પોટેશિયમ, ફોસ્ફરસ, બી-કોમ્પ્લેક્સ વિટામિન્સ અને વિટામિન-સીનો ખજાનો કહેવામાં આવે છે. તેમાં કેલરી અને ચરબી ઓછા પ્રમાણમાં હોય છે અને તેમાં ફાઈબરનું પ્રમાણ વધારે હોવાથી તમને લાંબા સમય સુધી પેટ ભરેલું લાગે છે.
લોકની માન્યતા છે બટાકાથી ચરબી વધે છે પણ હકીકતમાં બટાકા કુદરતી રીતે ચરબીયુક્ત નથી. પરંતુ જ્યારે તમે બટાકાને ડીપ ફ્રાય કરીને તેની કોઈ એવી વાનગી બનાવીને ખાઓ છો કે જેમાં ઘી અથવા માખણનો ઉપયોગ કરવામાં આવેલો છે તો તે ચરબીના સ્ત્રોત તરીકે કામ કરે છે.
તેથી તમારે વજન નિયંત્રિત કરવા માટે બાફેલા બટાકાને સાદું મીઠું અથવા હળવા શેકીને જ ખાવા જોઈએ. પોષક તત્વોથી ભરપૂર હોવાને કારણે બાફેલા બટાકા આપણા સ્વાસ્થ્ય માટે ઘણા ફાયદાકારક છે. તો ચાલો જાણીએ બાફેલા બટાકાના સ્વાસ્થ્ય લાભો વિશે અને તમારે તેને તમારા આહારનો ભાગ કેમ બનાવવો જોઈએ.
પોષક તત્વોથી ભરપૂર : મોટા બાફેલા લગભગ 300 ગ્રામ વજનવાળા બટાકામાં 261 કેલરી, 6 ગ્રામ પ્રોટીન અને 3 ગ્રામ ચરબી હોય છે. જો તમે બટાકાને છોલીને બાફતા હોય તો તમે લગભગ અડધો ગ્રામ પ્રોટીનનો નાશ કરો છો અને કેલરી અને ચરબીનું પ્રમાણ સમાન રહે છે.
છોલવાળા કે છાલ વગરના બટાકામાં 5 ગ્રામ ફાઈબર હોય છે. જેનો અર્થ છે કે તેને ઉકાળીને તેની છાલ સાથે ખાવાથી શરીરને વધુ પોષક તત્વોને શોષવામાં મદદ મળે છે.
વિટામિન બી-કોમ્પ્લેક્સ અને વિટામિન સીનો સારો સ્ત્રોત : છાલ વગરના બાફેલા બટાકામાં ભરપૂર માત્રામાં બી-કોમ્પ્લેક્સ વિટામિન-સી હોય છે જે તમારા શરીરને રક્ત કોશિકાઓ બનાવવામાં મદદ કરે છે. તમે જે ખાવ છો તેમાંથી પ્રોટીન, કાર્બોહાઇડ્રેટ્સ અને ચરબીમાંથી ઊર્જા બનાવે છે.
એક બાફેલું બટાકુ તમને દિવસ દરમિયાન જરૂરી વિટામિન B-6 પણ પૂરું પાડે છે. વધુમાં, તે તમારા દૈનિક સેવનના 30 ટકા થિયામિન અને નિયાસિન માટે પ્રદાન કરે છે. તેમાં વિટામિન સી પણ વધારે હોય છે. બાફેલા બટાકા તમને વિટામિન સી ની દૈનિક જરૂરિયાતના 25 ટકા આ બાફેલા બટાકા જ પૂરું પાડે છે.
મેગ્નેશિયમ, ફોસ્ફરસ અને પોટેશિયમથી ભરપૂર : બટેટા એ મૂળવાળી શાકભાજી છે. તે જરૂરી ખનિજોથી ભરપૂર છે જે તમને મજબૂત હાડકાં બનાવવામાં મદદ કરે છે અને તમારા ચેતા અને સ્નાયુઓના કાર્યને ફાયદો કરે છે. બાફેલા બટાકાનું કોઈપણ સ્વરૂપમાં સેવન કરવાથી તમને દરરોજ જરૂરી મેગ્નેશિયમ અને ફોસ્ફરસનો પાંચમો ભાગ પૂરો પાડે છે.
જો તમે બટાકાને બાફતા પહેલા તેની છાલ કાઢી નાખો છો તો બટાટા તેના કેટલાક ખનિજ તત્વો ગુમાવે છે જેનાથી તમને દરરોજ જરૂરી પોટેશિયમનો એક ક્વાર્ટર અને ફોસ્ફરસનો ચોથો ભાગ મળે છે. તેથી બટાકાને બાફતા પહેલા તેની છાલ ઉતારવી ના જોઈએ અને ઉકાળ્યા પછી જ તેની છાલ કાઢીને તેનો ઉપયોગ કરવો જોઈએ.
ફોસ્ફરસથી ભરપૂર : બાફેલા બટાકા પોષક તત્વોથી ભરેલા હોય છે. જે તમને 6 ગ્રામ પ્રોટીન અને 6 ગ્રામ ફાઈબર આપે છે. બાફેલા બટાકામાં લગભગ 25 ટકા વધારે મેગ્નેશિયમ હોય છે. તેમાં ફોલેટની પણ ભરપૂર માત્રા હોય છે તેથી તે ગર્ભાવસ્થા દરમિયાન બાળકના મગજના વિકાસમાં પણ મદદ કરે છે. પરંતુ ગર્ભાવસ્થા દરમિયાન તેનું સેવન કરતા પહેલા કૃપા કરીને ડોક્ટરની સલાહ જરૂર લો.
મોઢાના ચાંદા માટે ફાયદાકારક : જો તમારા મોઢામાં છાલા પડી ગયા હોય તો બાફેલા બટાકાનું સેવન કરવાથી તેમાંથી છુટકારો મળે છે. બાફેલા બટાકા ખાવાથી તમારી આ સમસ્યા દૂર થાય છે. મોઢામાં અલ્સરની સમસ્યામાં બટાકા ખૂબ જ ફાયદાકારક છે તેથી બટાકા ચોક્કસ ખાઓ.
બટાકાનું સેવન તમારા મનને ફિટ રાખવામાં પણ મદદ કરે છે અને શરીરમાં ગ્લુકોઝ લેવલ, ઓક્સિજન સપ્લાય, હોર્મોન્સ, એમિનો એસિડ અને ફેટી એસિડ્સ અને ઓમેગા-3 ભરપૂર હોવાને કારણે તે સ્વાસ્થ્ય માટે ખુબ જ ફાયદાકારક છે. આ રીતે બાફેલા બટાકાને તમારા આહારમાં સામેલ કરવું સ્વાસ્થ્ય માટે ઘણી રીતે ફાયદાકારક છે.
પરંતુ જો તમને કોઈ સ્વાસ્થ્ય સમસ્યા હોય તો તેનું સેવન કરતા પહેલા ડોક્ટરની સલાહ લેવાનું ભૂલશો નહીં. જો તમને આ જાણકારી પસંદ આવી હોય તો તેને આગળ મોકલો, આવી જ બીજી જીવનઉપયોગી માહિતી, કિચન ટિપ્સ અને બ્યુટી ટિપ્સ માટે રસોઈનીદુનિયા સાથે જોડાયેલા રહો.
