ઘણી વખત આપણે કબજિયાતની સમસ્યાને નજરઅંદાજ કરીએ છીએ અથવા તેને મજાકનો વિષય બનાવીએ છીએ, પરંતુ વાસ્તવમાં આ સમસ્યા ઘણી મોટી હોય છે. જે લોકો આ સમસ્યાથી પરેશાન છે તેઓ આ વાતને સારી રીતે સમજે છે. કબજિયાત થવા પાછળ ઘણા કારણો હોઈ શકે છે, પરંતુ ખોરાકનું યોગ્ય રીતે પાચન ન થવુ અને તમારી પાચન તંત્રમાં કેટલીક ગરબડ કબજિયાત થવાના મુખ્ય કારણો હોય છે. કબજિયાતને કારણે પેટ બરાબર સાફ નથી થતું. ગેસ, પેટનું ફૂલવું અને ભૂખ ન લાગવી જેવી સમસ્યાઓ થઈ શકે છે.
જ્યારે ખાવામાં કેટલીક ગરબડ કબજિયાતનું કારણ બની શકે છે, ત્યારે કેટલાક એવા ખોરાક છે જેને તમે તમારા આહારમાં સામેલ કરીને કબજિયાતથી રાહત મેળવી શકો છો. ચાલો જાણીએ આ ફૂડ્સ વિશે.
ઓટ્સ : ઓટ્સમાં દ્રાવ્ય ફાયબર વધુ માત્રામાં જોવા મળે છે. જેના કારણે આપણા સ્ટૂલમાં પાણીની કમી નથી રહેતી અને સ્ટૂલ સરળતાથી પસાર થઈ જાય છે. તેનાથી કબજિયાતની સમસ્યા થતી નથી. તમે ઓટ્સ ચિલ્લા, ઓટ્સ ઈડલી અથવા દલિયા પણ ખાઈ શકો છો.
ઘી અથવા નાળિયેર તેલ : બ્યુટીરિક એસિડ ઘીમાં વધુ માત્રામાં જોવા મળે છે જે કબજિયાતમાં રાહત આપે છે. આ સાથે, તે પેટમાં દુખાવો, પેટનું ફૂલવું અને કબજિયાતના અન્ય લક્ષણોને ઘટાડે છે. નાળિયેર તેલમાં ફેટી એસિડ્સ ભરપૂર માત્રામાં હોય છે જે સ્ટૂલને નરમ બનાવવામાં મદદ કરે છે. તમે સવારે એક ચમચી ઘી અથવા નારિયેળનું તેલ હૂંફાળા પાણી સાથે લો, મોશન સારું રહેશે અને તમને કબજિયાતમાં રાહત મળશે.
ચિયા બીજ : ચિયાના બીજ દ્રાવ્ય ફાઇબરથી ભરપૂર હોય છે જે આપણા પાચનતંત્રમાં જેલ જેવી સુસંગતતા બનાવવામાં મદદ કરે છે, જે સ્ટૂલ પસાર કરવાનું સરળ બનાવે છે. તમે 1-2 ચમચી પલાળેલા ચિયા બીજને ફળ, પાણી અથવા નારિયેળ પાણી સાથે લઈ શકો છો .
ત્રિફળા : ત્રિફળા ચૂર્ણ એ ત્રણ મુખ્ય ઔષધિઓ આમળા, હરડ અને બહેડાનું મિશ્રણ હોય છે. આ ત્રણેય કબજિયાતમાં રાહત આપે છે. તમે સૂતા પહેલા અડધીથી એક ચમચી ત્રિફળા પાવડરને હુંફાળા પાણી સાથે લઈ શકો છો .
જો તમને આ લેખ પસંદ આવ્યો હોય તો શેર કરજો. આવી વધુ માહિતી ઘરે બેઠા જણાવ માટે રસોઈનીદુનિયા પેજને ફોલો કરો.
આ પણ વાંચો
- જુના માં જૂની ગમે તેવી કબજિયાત મટી જશે, બસ કરી લો આટલું કામ, એકદમ કુદરતી ઉપાય
- સવારે મળત્યાગ કરવામાં તકલીફ પડતી હોય તો આ વસ્તુઓ બિલકુલ ન ખાઓ, કબજિયાતની સમસ્યા વધી શકે છે
- આ 4 વસ્તુઓ ખાતા હોય તો બંધ કરી દેજો, નહીંતર કબજિયાતની સમસ્યા વધી શકે છે
- કબજીયાત હોય તો આ વસ્તુઓ બિલકુલ ના ખાશો, નહીંતર સમસ્યા વધી શકે છે
