ચોમાસા પછી શિયાળાની સિઝન શરૂ થઈ ગઈ છે. આપણે જાણીએ છીએ કે આ ઋતુ ખાવા-પીવા માટે ખૂબ જ પ્રિય માનવામાં આવે છે. આ સીઝનમાં બજારમાં ઘણા એવા ફળ અને શાકભાજી જોવા મળે છે, જેની લોકો આખું વર્ષ રાહ જોતા હોય છે.
સીતાફળ પણ એક એવું ફળ છે જે લોકોને ખૂબ જ ગમે છે અને આ ફળની લોકો ખુબજ રાહ જોઈ રહે છે. સીતાફળ સ્વાદ સિવાય સ્વાસ્થ્ય માટે પણ ખૂબ જ ફાયદાકારક માનવામાં આવે છે. સામાન્ય રીતે કસ્ટર્ડ એપલ તરીકે ઓળખાતું આ ફળ શિયાળાની શરૂઆતમાં પુષ્કળ પ્રમાણમાં જોવા મળે છે.
સીતાફળ વિવિધ પ્રકારના વિટામિન્સ, મિનરલ્સ, એન્ટીઑકિસડન્ટ્સ અને અન્ય આવશ્યક પોષક તત્વોથી ભરપૂર છે, જેનું સેવન સ્વાસ્થ્ય માટે ખૂબ જ ફાયદાકારક હોઈ શકે છે. જે લોકોને ડાયાબિટીસ હોય તેમના માટે હંમેશા પોતાના માટે ફળો પસંદ કરવો એ એક મોટો પડકાર છે, તેમના માટે સીતાફળ એક સારો વિકલ્પ હોઈ શકે છે.
તેમાં રહેલા પોષક તત્વો તમારા માટે ઘણી રીતે ફાયદાકારક સાબિત થઈ શકે છે. તો ચાલો જાણીએ બીજા સીતાફળ ના ફાયદા વિષે. પાચનમાં સુધારો કરે : તમને જણાવી દઈએ કે સીતાફળ ફાઇબરનો ભરપૂર સ્ત્રોત છે. આ જ કારણ છે કે તેનું સેવન પાચનક્રિયાને યોગ્ય રાખવામાં મદદ કરી શકે છે.
તે આંતરડાની ગતિને સરળ બનાવવાની સાથે પાચન તંત્રને સારું રાખવામાં મદદરૂપ થાય છે. આ ઉપરાંત તે આંતરડાના માઇક્રોબાયોમને નિયંત્રિત કરે છે જેથી આંતરડાના સ્વાસ્થ્યમાં સુધારો થાય છે.
આંખો માટે ફાયદાકારક: સ્વાસ્થ્ય નિષ્ણાતોના મતે સીતાફળ ખાવાથી આંખો માટે ફાયદાકારક સાબિત થઈ શકે છે.સીતાફળમાં લ્યુટીન નામનું એન્ટીઓક્સીડેન્ટ જોવા મળે છે, જે આંખોને સ્વસ્થ રાખવામાં મદદરૂપ થઈ શકે છે. જે લોકો સીતાફળ ખાય છે તેમને મેક્યુલર ડીજનરેશનને કારણે આંખની સમસ્યાઓ થવાનું જોખમ ઓછું હોય છે.
ડાયાબિટીસના દર્દીઓ સીતાફળનું સેવન કરી શકે: સીતાફળ ખાવું ડાયાબિટીસના દર્દીઓ માટે સલામત અને ફાયદાકારક હોઈ શકે છે. સીતાફળનો ગ્લાયસેમિક ઈન્ડેક્સ ઓછો હોય છે, સાથે જ તેમાં રહેલા પોષક તત્વો સ્વાસ્થ્ય માટે ફાયદાકારક સાબિત થઈ શકે છે. આ ઉપરાંત તે બ્લડ સુગરમાં અચાનક વધારો થતો અટકાવે છે.
માટે સીતાફળ શિયાળાની ઋતુમાં ડાયાબિટીસના દર્દીઓ માટે ખાવાનો સારો વિકલ્પ બનાવી શકે છે. સીતાફળમાં મેગ્નેશિયમ, પોટેશિયમ અને અન્ય પોષક તત્ત્વો પુષ્કળ પ્રમાણમાં ઉપલબ્ધ છે જે હૃદય માટે ફાયદાકારક છે . આ સિવાય તેમાં બળતરા વિરોધી ગુણ પણ હોય છે જે હૃદયને સ્વસ્થ રાખવામાં મદદરૂપ થઈ શકે છે.
તેમાં વિટામિન-સી પણ સારી માત્રામાં હોય છે, જે શરીરની રોગપ્રતિકારક શક્તિને મજબૂત રાખવામાં મદદરૂપ થઈ શકે છે. જો તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
