મોટા ભાગના ઘરોમાં જોવામાં આવે છે કે જો કોઈ વસ્તુ ગંદી દેખાય તો તે તરત જ વાસણ ધોવાના સાબુ લઈને ધોઈ કાઢે છે અને ઘણી વખત આપણને ખ્યાલ પણ નથી હોતો કે આપણે તેનો ઉપયોગ કરીને કેટલું બગાડી રહ્યા છીએ. સાચી વાત એમ છે કે ડીશવોશિંગ સાબુનો ઉપયોગ વાસણ ધોવા સિવાય બીજી કોઈ વસ્તુ માટે ના કરવો જોઈએ.
કેટલીકવાર આપણે કોઈ પણ વસ્તુને સાબુથી સાફ કરાવથી કંઈક ખરાબ કરી નાખીએ છીએ. આ સ્થિતિમાં શા માટે આપણે આપણી ભૂલો સુધારી ના શકીએ અને જાણી લો કે કેમ ડીશ વોશ સાબુથી ના ધોવા જોઈએ.
1. વોશિંગ મશીન : વિશ્વાસ કરો કે ડિશ વોશ સાબુથી વોશિંગ મશીન સાફ કરવું બિલકુલ સારું નથી. ડિશ વોશ હંમેશા પરપોટા બનાવે છે અને તે કપડાં સાફ કરવાવાળા લોન્ડ્રી ડિટર્જન્ટથી અલગ છે અને જો તમે વોશિંગ મશીનમાં તેનો ઉપયોગ કરો છો તો તે બબલ બાથ બની જશે અને ત્યાં એટલું ફીણ થશે કે તમે તેને સાફ કરી શકશો નહીં.
કેવી રીતે ધોવું – વોશિંગ મશીનને સાફ કરવા માટે ક્લિનીંગ લીકવીડનો ઉપયોગ કરો. આ સિવાય, તમે ઘરે બનાવેલા બેકિંગ સોડા અને સફેદ વિનેગર અથવા લીંબુ અને પાણીનો ઉપયોગ કરી શકો છો. તેમાં કપડાં ધોવાવાળા ડિટર્જન્ટ સિવાય બીજી કોઈ પણ વસ્તુ ક્યારેય ના ઉમેરો.
2. કોફી પોટ : તમે ભલે વિચારતા હોય કે કોફીના વાસણો સરળતાથી ડીશ વોશથી સાફ કરી શકાય છે પણ એવું નથી. વિશ્વાસ કરો કે આ રીત યોગ્ય નથી અને તેનું મુખ્ય કારણ એ છે કે કોફીનો સ્વાદ ખૂબ જ સરળતાથી બદલાય છે. ડિશ વોશ હંમેશા તેને અવશેષો છોડે છે અને આ કોફીના સ્વાદન પર સૌથી વધુ અસર કરી શકે છે.
કેવી રીતે ધોવું – નોર્મલ સ્ક્રબરથી સ્ક્રબ કરો અને પાણીમાં જરૂરી થોડા ટીપા એસેસિયલ ઓઇલ મિક્સ કરીને તેને સાફ કરો. આ કોફીનો ટેસ્ટને સુધારશે તેમજ કોફીના વાસણને કાટ લાગતો બચાવશે.
3. ગાડી ધોવા માટે : ગાડી ધોવા માટે ડીશ વોશનો બિલકુલ ઉપયોગ ના કરશો. અહીંયા પણ પરપોટા બનવાનું કારણ તો છે સાથે સાથે ડીશ વોશ સાબુ કારના પેઇન્ટને પણ બગાડી શકે છે અને જો તમને તમારી ગાડી પર કોઈ પ્રોટેક્ટિવ વેક્સ કોટિંગ કરાવી રાખી હોય તો તે પણ તેના કારણે નીકળી જશે અને જો ભૂલથી તમારી ગાડી સારી રીતે ધોવાઇ નથી અને ડીશ વોશ રહી ગયું છે, તો તે સુકાઇ જાય ત્યારે ગાડી પર નિશાન છોડી દેશે.
કેવી રીતે ધોવું – તમે આ માટે કપડાં ધોવાનો સાબુનો પણ ઉપયોગ કરી શકો છો અથવા પ્રોફેશનલ કાર વોશ કરવો, હંમેશા કારના બાહ્ય કોટિંગને સુરક્ષિત રાખવા માટે સારું માનવામાં આવે છે.
4. વાળ અને ચહેરો : ભલે ગમે તેટલી કટોકટી કેમ ના હોય. તમારા વાળ અને ચહેરાને ક્યારેય ડીશ વોશથી ના ધોશો, તે તમારા માટે સારું રહેશે. તમારા વાળ અને ચહેરામાં એસેન્શીયલ ઓઇલ હોય છે જે ડીશ વોશના ખરાબ કેમિકલ્સને કારણે ત્વચામાંથી બહાર નીકળી જાય છે.
એવામાં તમારી ખોપરી ઉપરની ચામડી અને સ્ક્રેલ્પ બંને ફ્લેકી થઈ જશે. ડીશ વોશમાં સોડિયમ લૌરિયલ સલ્ફેટ હોય છે જે ત્વચાને નુકસાન કરી શકે છે. કેવી રીતે ધોવું – ફક્ત તમારી સ્કિન કેયર અને હેર કેયર નિયમિત રૂટિન પ્રોડક્ટનો જ ઉપયોગ કરો.
5. બારી અને દરવાજાના કાચ : ડિશ વોશ હંમેશા તેના નિશાન છોડી દે છે અને આ જ કારણ છે કે જો તમે બારીઓ અને દરવાજા સાફ કરો તો સાબુના ડાઘ રહી જશે અને આ કાચ અને લાકડા બંને માટે છે. કેવી રીતે ધોવું – કાપડ પર કોલીન અથવા એવું જ કોઈ ક્લિનીંગ એજન્ટ લઈને બારીઓ અને દરવાજા સાફ કરો.
6. લોખંડના વાસણો : હવે તમે વિચારતા જ હશો કે જો લોખંડના વાસણોને ડીશ સાબુથી ના ધોઈ શકાય તો પછી તમે તેને બીજી કઈ વસ્તુથી ધોશો પણ તમને ખબર નહિ હોય કે લોખંડના વાસણોને કાટ લાગવા માટે ડીશ ધોવાનું એક મહત્વનું કારણ છે.
કેવી રીતે ધોવું– ગરમ વાસણમાં થોડું મીઠું અને પાણી ઉમેરીને તેને સાફ કરશો તો તમારું કામ થઇ જશે. તમે તેને કાટ ના લાગે તે માટે થોડું તેલ પણ ઉમેરી શકો છો.
7. ચામડું : જેમ રીતે તમે તમારા પેન્ટ્સને ડીશ વોશથી ધોઈ શકતા નથી તેવી જ રીતે ચામડાની પણ કાળજી લો. ડીશ વોશનું એક ટીપું પણ તમારા ચામડાને નુકસાન કરી શકે છે. પગરખાં, કપડાં અને બેગ વગેરેને ડીશ વોશથી દૂર રાખો તેટલું સારું છે.
કેવી રીતે ધોવું – એક મોઇશ્ચરાઇઝિંગ લીકવીડ પસંદ કરો કારણ કે ચામડાને પણ ચામડી છે, તેથી ડીશ વોશ તમારી ત્વચા જેવું જ સમાન અસર કરશે અથવા તેને વધુ ખરાબ કરી શકે છે. તેથી જો તમે અત્યાર સુધી આ બધી વસ્તુઓ ડીશ વોશથી ધોઈ રહ્યા છો, તો તેને છોડી દેજો.
