જો તમને ખાવા પીવાની વાનગીઓમાંથી પોષણ જોઈએ છે તો તમારે ઘણી વખત સ્વાદ સાથે કોમ્પ્રોમાઇઝ કરવું પડશે એટલે કે ઉદાહરણ તરીકે જોઈએ તો દૂધ કે ગોળ ખાવામાં એટલું સ્વાદિષ્ટ નથી હોતા, ઘણા લોકોને પસંદ પણ નથી પરંતુ તે પોષણથી ભરપૂર હોય છે.
એવી જ રીતે બાળકોને દૂધી ખવડાવવી એક માટે મોટું કામ છે, પરંતુ જો તેની કોઈ વાનગી બનાવીને તૈયાર કરવામાં આવે તો તે ખૂબ જ સ્વાદિષ્ટ અને પૌષ્ટિક વાનગી બની શકે છે અને બાળકો પણ હસતા હસતા ખાઈ શકે છે.
તો આજે અમે તમને જણાવવા જઈ રહયા છીએ કે દૂધીમાંથી બનેલી આવી જ એક સ્વાદિષ્ટ અને પૌષ્ટિક વાનગી, દૂધિની ચટણી છે. આજે અમે તમારી સાથે દૂધી ચટણીની રેસીપી શેર કરવા જઈ રહ્યા છીએ તો ચાલો જાણીયે તેને બનાવવાની રીત.
સામગ્રી : 300 ગ્રામ દૂધી, 1/4 નાની ચમચી હળદર પાવડર, 1 કપ તાજી કોથમીર, 1/4 કપ તાજુ છીણેલું નારિયેળ, 2-3 લસણની કળી, 3 લીલા મરચા, થોડી આમલી, 1 ચમચી તેલ, 1 નાની ચમચી રાઈ દાણા, 1 નાની ચમચી કાળી ધોયેલી અડદની દાળ, 1 નાની ચમચી ચણા દાળ, 10-11 મીઠા લીમડાના પાન, 2 સૂકા લાલ મરચા અને સ્વાદ મુજબ મીઠું.
દૂધી ચટણી બનાવવાની રીત : આ ચટણી બનાવવા માટે સૌથી પહેલા દૂધીને રંધાવી પડશે. બરાબર, તેવી જ રીતે, જેમ દૂધીના રાયતું બનાવતી વખતે પહેલા તેને બાફી લો છો. એક નૉન-સ્ટીક પૅનમાં પાણી ગરમ કરો અને તેમાં દૂધી, મીઠું અને હળદર નાખીને બરાબર પકાવો અને તેને ઓછામાં ઓછા 10 મિનિટ સુધી ચડવા દો.
પછી તેને ગાળી લો અને ઠંડુ થવા માટે બાજુ પર રાખો. આ રેસીપીનો સૌથી વધારે સમય આ બાફવાની પ્રક્રિયા છે. હવે આ ઠંડું કરેલ દૂધીને એક મિક્સર જારમાં નાખો અને તેમાં કોથમીર, નારિયેળ, લસણ, લીલા મરચાં, આમલી, મીઠું, થોડું પાણી ઉમેરીને બરાબર પીસી લો.
હવે આ ચટણીને ઉપરથી તડકો લાગવાની જરૂર છે, તો ટેમ્પરિંગ માટે, તમારે રાઈના દાણા, કાળી અડદની દાળ, ચણાની દાળ વગેરેને એક કડાઈમાં ગોલ્ડન બ્રાઉન થાય ત્યાં સુધી પકાવાનું છે. આ સામગ્રીની સાથે તેમાં મીઠા લીમડાના પાન અને સૂકા લાલ મરચા પણ ઉમેરો.
જો તમે તડકામાં દાળ ઉમેરવા નથી માંગતા તો તમે તેને છોડી શકો છો, પરંતુ તેને ઉમેરવાથી તેનો સ્વાદ વધુ સારો આવે છે. હવે આ ટેમ્પરિંગને ચટણીમાં નાખો. તો તૈયાર છે દૂધી ની ચટણી.
જો તમને આ માહિતી સારી લાગી હોય અને આવી જ માહિતી જો તમને વાંચવાની ગમતી હોય તો તમે રસોઈનીદુનિયા સાથે જોડાયેલા રહો, અહીંયા તમને યોગા, હેલ્થ સબંધિત માહિતી મળતી રહેશે.
