જ્યારે પણ આપણે બહાર હોટેલમાં જમવા જઈએ છીએ ત્યારે ત્યાંની વ્યવસ્થા અને બેઠક જોઈને અદ્ભુત લાગે છે. આપણી અંદર એવી ફીલિંગ આવે છે કે, કાશ આપણે પણ આપણા ઘરે આવી વ્યવસ્થા કરી શકીએ અથવા આપણા ઘરને પણ આવો જ દેખાવ આપી શકીએ.
જો તમારા મનમાં પણ આવો જ પ્રશ્ન આવે તો ખુશ થઈ જાવ કારણ કે આજે આ લેખમાં અમે તમને એવી જ કેટલીક ટિપ્સ વિશે જણાવવા જઈ રહ્યા છીએ જેની મદદથી તમે ઘરે બેઠા ઢાબા અને રેસ્ટોરન્ટની મજા લઇ શકો છો. તો ચાલો જાણીએ કેટલીક ટિપ્સ.
બધા સાથે ભેગા મળીને ખાઓ : આપણે જયારે પણ રેસ્ટોરન્ટમાં જમવા જઈએ ત્યારે પરિવાર સાથે જઈએ છીએ અને સાથે જ જમીએ છીએ. રેસ્ટોરન્ટ અને ઢાબાનો અહેસાસ મેળવવા માટે, તમારે પણ ઘરે બધા લોકોએ સાથે બેસીને ખાવું જોઈએ અને બીજું, તમે જ્યાં બેસીને ભોજન ખાઓ છો, તેને સારી રીતે સજાવીને પીરસો. જ્યારે ભોજન ગાર્નિશ કરીને પીરસવામાં આવે ત્યારે ખાનારનું હૃદય ખુશ થઈ જાય છે.
તમારી જાતને રાખો ટીપ ટોપ : જે રીતે આપણે બહાર જવા માટે તૈયાર થઈને જઈએ છીએ, તે જ રીતે ઘરે પણ જામતી વખતે તૈયાર થઇ શકાય છે. લોકડાઉનમાં આપણે ઘરમાં જ કેદ થઈ ગયા હતા, ત્યારે પણ આ ટિપ્સ અપનાવતા હતા. એટલે જ્યારે તમે જમવા બેસો ત્યારે બધાએ તૈયાર થઈને બેસવું જોઈએ.
આનાથી તમને ખાવાનું ખાવાની મજા પણ આવશે, સાથે જ જ્યારે તમે એકબીજાને જોશો તો તમને એવું લાગશે કે તમે ક્યાંક રેસ્ટોરન્ટમાં ભોજન કરી રહ્યા છો. આ નાની-નાની રીતોથી તમે રેસ્ટોરન્ટ અને ઢાબાની ફીલિંગ મેળવી શકો છો.
એક્સ્ટ્રા વસ્તુઓને ભૂલશો નહીં : તમે જોયું હશે કે જ્યારે પણ આપણે બહાર જમવા જઈએ છીએ ત્યારે કેટલીક વસ્તુઓ એવી હોય છે જે આપણને એક્સ્ટ્રા મળે છે, જેમ કે વરિયાળી, સલાડ, અથાણું, ચટણી વગેરે.
ઘરે ઢાબા અને રેસ્ટોરન્ટનો અહેસાસ મેળવવા માટે તમે આ વસ્તુઓને ભોજન સાથે સર્વ કરી શકો છો. એવું જરૂરી નથી કે તમે રેસ્ટોરન્ટમાં મળતી દરેક વસ્તુને બનાવો. પરંતુ જે વસ્તુઓ ગોઠવી શકાય તેને ભૂલશો નહીં. તમે નાના બાઉલમાં સુગર કેન્ડી અને વરિયાળી, લીલી અને લાલ ચટણી અને અથાણું સર્વ કરી શકો છો.
શું તમે ક્યારેય ઘરે આવી રીતે જમ્યા છે? કોમેન્ટ કરીને અમને જણાવો. અમે તમારા માટે આવા નવા લેખો લાવતા રહીશું તેથી આવી જ માહિતી મેળવવા રસોઈનીદુનિયા સાથે જોડાયેલા રહો.
