ઓઈલી ત્વચાની સંભાળ રાખવી ખૂબ જ મુશ્કેલ હોય છે કારણ કે ચહેરો હંમેશા ઓઈલી દેખાતો હોય છે. પરંતુ તમે ચિંતા કરશો નહીં કારણ કે ઓઈલી સ્કિનને ચમકતી રાખવા માટે ફેસિયલ એક સારો ઉપાય છે. તે વધારાનું તેલ અને જમા થયેલી ગંદકીને દૂર કરે છે અને મૃત ત્વચા કોષોને બહાર કાઢવામાં મદદ કરે છે.
ફેસિયલ ચામડી પરના છિદ્રોનું કદ ઘટાડે છે અને ત્વચાને શાંત કરે છે. અઠવાડિયામાં એક વખત ઓઈલી ત્વચા માટે કરવામાં આવતું ફેશિયલ તમારા ચહેરા પર ચમક લાવે છે અને તમને યુવાન દેખાડે છે. ફેશિયલ એ એક પ્રક્રિયા છે જેમાં ચહેરાને સાફ કરવો, ચહેરાને સ્ટીમ આપવી, ફેસિયલ માસ્ક લગાવવા, ટોનિંગ અને મોઇશ્ચરાઇઝિંગના 5 મૂળભૂત પગલાઓનો સમાવેશ કરવામાં આવે છે.
આ બધા સ્ટેપને કુદરતી વસ્તુઓની મદદથી સરળતાથી ઘરે કરી શકાય છે. તમે દિવાળીના તહેવાર પર ઓઈલી ત્વચાને ચમકદાર બનાવવા માટે માત્ર 10 મિનિટમાં આ ફેશિયલ ઘરે કરી શકો છો.
(1) ચહેરો સાફ કરવા માટે : ઓઈલી ત્વચા માટે ફેશિયલ કરવા પહેલું સ્ટેપ ચહેરાની સફાઇનો સમાવેશ થાય છે. આ સ્ટેપ કરવાથી તમારી ત્વચા સારી રીતે સાફ થાય છે અને ત્વચાના મૃત કોષો દૂર થાય છે.
વિધિ : આ માટે 1 ચમચી ઓટ્સ લો અને તેમાં દૂધ અથવા દહીં ઉમેરીને એક પેસ્ટ બનાવો. આ પેસ્ટને ચહેરા અને ગરદન બંને પર લગાવો. આંગળીના ટેરવાથી ઓછામાં ઓછી 5 મિનિટ સુધી ગોળ ગોળ ગતિમાં હળવા હાથથી મસાજ કરો. પછી ચહેરાને હૂંફાળા પાણીથી ધોઈ લો અને થપથપાવીને ચહેરાને સારી રીતે સૂકાવો.
(2) સ્ટીમ લેવું : ચહેરા માટે ફેશિયલમાં બીજા પગલામાં સ્ટીમ લેવું છે. વરાળ લેવાથી છિદ્રો ખુલી જાય છે જે ફેસ માસ્કમાં રહેલા તત્વોના પોષક તત્વોને ત્વચામાં પ્રવેશવામાં મદદ કરે છે.
વિધિ : એક વાસણ લો અને તેમાં ગરમ પાણીથી ભરો. હવે તમે પાણીમાં થોડી સુખદાયક સુગંધ ઉમેરી શકો છો. હવે એક ટુવાલથી માથાને ઢાંકીને ચહેરા પર 5 મિનિટ સુધી તે વરાળ લો.
(3) ફેસ માસ્ક : ઓઈલી સ્કિન માટે તમે ઘરે જ સરળતાથી ટમેટાનો રસ, મુલ્તાની માટી અને દહીંનું ફેસ માસ્ક બનાવીને લગાવી શકો છો અને તેને લગાવવાથી ત્વચા પર એકદમ ચમક આવી જાય છે.
વિધિ : એક મોટી ચમચી મુલ્તાની માટી લો. હવે તેની પેસ્ટ બનાવવા માટે તેમાં દહીં, ટામેટાનો રસ અથવા લીંબુના રસને ઉમેરો. હવે આ પેસ્ટને આંખો સિવાય ચહેરા અને ગરદન પર લગાવો. પછી રેફ્રિજરેટેડ કાકડીને બે સ્લાઇસમાં કાપીને તેને આંખો પર લગાવો. પછી તેને 15 મિનિટ સુધી આમ જ રહેવા દો અને પછી ચહેરો ઠંડા પાણીથી ધોઈ લો.
મુલ્તાની માટીથી બનેલો ફેસ માસ્ક લાંબા સમય સુધી રાખવાથી ચહેરા પર દંડ રેખાઓ એટલે કે લાઈનો થઈ શકે છે તેથી આ વાતને ખાસ ધ્યાનમાં રાખો.
(4) ટોનિંગ : ગુલાબજળ એક ખૂબ જ સારું નેચરલ ટોનર છે. તેનાથી ખુલ્લા છિદ્રો બંધ થઇ જાય છે અને સ્કિન ટાઈટ થઇ જાય છે અને તમારી ત્વચામાં એક અલગ ચમક આવે છે.
વિધિ : થોડું કપાસના રૂ ને ગુલાબજળમાં ડુબાડો અને તેને ચહેરા પર અને ગરદન પર હળવા હાથેથી થપથપાવો.
(5) મોઇશ્ચરાઇઝીંગ : એક સારી ગુણવત્તાનું વોટર બેસ મોઇશ્ચરાઇઝર લો અને તેને ચહેરા અને ગરદન પર હળવા હાથેથી લગાવો. ઉપર જણાવેલ બધા સ્ટેપ કર્યા પછી ત્વચાને મોઇશ્ચરાઇઝ કરવું ખુબ મહત્વનું છે અને તેને ક્યારેય અવગણવું ના જોઇએ.
તો ચાલો તમારા ચહેરાને ચમકતો બનાવવા માટે આ પગલાંઓને અનુસરો. જો કે આ ફેશિયલ સંપૂર્ણપણે કુદરતી વસ્તુઓથી કરવામાં આવે છે અને તેની કોઈપણ પ્રકારની આડઅસર નથી. પણ આ કરતા પહેલા એકવાર નાનો ટેસ્ટ કરો, કારણ કે દરેક વ્યક્તિની ત્વચા પર કુદરતી વસ્તુઓ પ્રત્યે અલગ રીતે પ્રતિક્રિયા આપે છે. બ્યુટી સંબંધિત આવી જ વધારે માહિતી મેળવવા માટે રસોઈનીદુનિયા સાથે જોડાયેલા રહો.
