લસણનું સેવન આપણા બધા જ ઘરોમાં વર્ષોથી કરવામાં આવે છે. પ્રાચીન સમયથી લસણને ભોજનનો સ્વાદ વધારવાથી લઈને અનેક સ્વાસ્થ્ય લાભો માટે અત્યંત ફાયદાકારક માનવામાં આવે છે. પ્રાચીન ઔષધમાં લસણનો ઉપયોગ વર્ષોથી ઔષધ તરીકે કરવામાં આવે છે.
સ્વાસ્થ્ય નિષ્ણાતોના મતે શરદી, ઉધરસ, હાઈ બ્લડ પ્રેશર, દાંતનો દુખાવો, કબજિયાત અને ઈન્ફેક્શન જેવી સ્વાસ્થ્ય સમસ્યાઓમાં લસણનું સેવન ખૂબ જ ફાયદાકારક માનવામાં આવે છે. નિષ્ણાતોના મતે સવારે ખાલી પેટે લસણનું સેવન કરવું સ્વાસ્થ્ય માટે ખાસ ફાયદાકારક સાબિત થઈ શકે છે.
તમને જણાવી દઈએ કે આયુર્વેદ પ્રમાણે લસણમાં એવા અનેક ઔષધીય ગુણો રહેલા છે, જે શરીરને અનેક ગંભીર બીમારીઓથી સુરક્ષિત રાખવામાં મદદરૂપ થઈ શકે છે. આયુર્વેદ પ્રમાણે ખાલી પેટે લસણની 3-4 કળી ખાવાથી સ્વાસ્થ્યને અદ્ભુત લાભ મળે છે. તો ચાલો જાણીએ તેના ફાયદા વિષે.
લોહી માટે ફાયદાકારક: સવારના સમયે ખાલી પેટ લસણની 1-2 કળી ખાવાથી જે લોકોને લોહી જાડું થવાની સમસ્યા હોય તેમના માટે લસણ બ્લડ ક્લૉટિંગને અટકાવે છે એટલા માટે સવારના સમયે ખાલી પેટ લસણની 1-2 કળી ખાવી જોઇએ.
લસણ ઘણા પોષક તત્વોથી ભરપૂર છે: લસણને ઘણા પ્રકારના પોષક તત્વોથી ભરપૂર માનવામાં આવે છે. સામાન્ય મસાલાઓની સરખામણીમાં તેમાં કેલરી ઓછી હોય છે જ્યારે તે વિટામિન સી, વિટામિન બી6 અને મેંગેનીઝથી ભરપૂર માનવામાં આવે છે. લસણના મોટાભાગના સ્વાસ્થ્ય લાભો સલ્ફર સંયોજનોને કારણે છે.
લસણની કળી ચાવવાથી, આ સંયોજન પાચનતંત્રમાં અને પછી આખા શરીરમાં પ્રવેશે છે. તે સ્વાસ્થ્ય માટે વિશેષ ફાયદાકારક માનવામાં આવે છે. રોગપ્રતિકાર શક્તિ વધારવા માટે: લસણની 3-4 કળીઓ સવારે ચાવવાથી તમારી રોગપ્રતિકારક શક્તિ વધારવામાં મદદ મળે છે.
શિયાળાની ઋતુમાં શરીરને ગરમ રાખવામાં પણ તે ફાયદાકારક માનવામાં આવે છે. લસણમાં એવા સંયોજનો હોય છે જે રોગપ્રતિકારક તંત્રને મુક્ત રેડિકલ અને રોગ પેદા કરતા પેથોજેન્સ સામે લડવામાં મદદ કરે છે. લસણમાં એલિસિન હોય છે, જે આંતરિક સંરક્ષણ પ્રણાલીને સુધારે છે.
આંતરડાને સ્વસ્થ રાખે છે: સ્વસ્થ આંતરડા હોવું પાચન અને વજન બંને માટે ફાયદાકારક માનવામાં આવે છે. આંતરડામાં સારા બેક્ટેરિયાની સંખ્યા વધારવા માટે લસણ સિવાય બીજું કંઈ નથી. આંતરડાને સ્વસ્થ રાખવાથી વજન ઘટાડવાની પ્રક્રિયા ઝડપી બને છે અને પેટ સંબંધિત સમસ્યાઓ જેમ કે ઝાડા અને કબજિયાતને રોકવામાં પણ મદદરૂપ થાય છે.
શરીરને ડિટોક્સ કરે : કાચા લસણનું સેવન શરીરમાંથી ઝેરી તત્વોને બહાર કાઢવા માટે વધુ સારું માનવામાં આવે છે. તેમાં રહેલા સલ્ફાઈડ્રિલ સંયોજનો શરીરમાંથી ઝેરી તત્વોને દૂર કરે છે, જેનાથી ડાયાબિટીસ, ડિપ્રેશન અને કેટલાક પ્રકારના કેન્સર જેવા રોગોનું જોખમ ઓછું થાય છે.
જો તમને શરદી-ઉધરસ અને અસ્થમા વગેરે થવાની શક્યતાઓ હોય તો લસણની સાથે પાણી પીવાથી સામાન્ય સ્વાસ્થ્ય સમસ્યાઓ થવાની શક્યતાઓ ઘટી જાય છે. લસણ આ સમસ્યાઓની સારવાર કરવાનો સામાન્ય નુસ્ખો છે.
તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
