વર્ષ 2021માં પણ કોરોના આપણને ડરાવતો રહ્યો અને સાથે જ આપણે એ વાતનું પણ ધ્યાન રાખ્યું કે આપણે આપણા સ્વાસ્થ્યનું પણ ધ્યાન રાખીએ. આ મુશ્કેલ સમયએ આપણા સ્વાસ્થ્ય વિશે વધારે જાગૃત બનાવ્યા કારણ કે તેણે આપણને આપણા જીવનની કિંમત વિષે શીખવ્યું છે.
જો કે, આ વર્ષ ટૂંક સમયમાં સમાપ્ત થવા જઈ રહ્યું છે અને તેથી જ અમે તમારા માટે આ વર્ષે સૌથી વધારે શોધી રહેલા ઘરેલું ઉપચાર લઈને આવ્યા છીએ. તમે આ ઘરગથ્થુ ઉપાયોને ગૂગલ પર પણ સર્ચ કર્યા હશે. અને જો ના કર્યા હોય તો પણ તમે 2021 ના સૌથી વધુ સર્ચ કરાયેલા ઘરેલું ઉપચાર વિશે જાણી શકો છો કારણ કે કોરોનાના સમયમાં ઘરેલુ ઉપાયમાં લોકોની શ્રદ્ધા થોડી વધી ગઈ છે.
પેટમાં દુખાવો : પેટમાં દુખાવો સૌથી સામાન્ય છે અને આ વર્ષે લોકો ખૂબ પીડાતા હોય તેવું લાગે છે, કારણ કે પેટના દુખાવાના ઘરેલું ઉપચાર 2021 માં સૌથી વધુ સર્ચ કરવામાં આવ્યા છે. જો તમને પેટમાં દુખાવો હોય તો તમારે તાત્કાલિક દવા લેવાનું ટાળવું જોઈએ. તેના બદલે તમે કેટલાક ઘરેલું ઉપચાર કરી શકો છો.
પેટના દુખાવા માટે ઘરેલું ઉપાય : જો તમને પેટના દુખાવામાં રાહત જોઈતી હોય તો તમારે દહીં ખાવું જોઈએ અને દૂધ પીવું જોઈએ, મસાલેદાર ખોરાક ખાવાનો ટાળવો જોઈએ અને આદુની ચા પીવી જોઈએ. ફાઈબરનું સેવન વધારવું જોઈએ અને ગેસ પેદા કરતી શાકભાજી ખાવાનું ટાળવી જોઈએ. ફુદીનો અને બીજા કેટલાક હર્બલ ડ્રિંક્સ પીવું જોઈએ.
દાંતનો દુઃખાવા : ગૂગલ પર પછીનો સૌથી વધારે સર્ચ કરવામાં આવેલ દાંતનો દુખાવો ઘરેલું ઉપાય છે. જો તમને દાંતમાં દુખાવો થતો હોય તો તમારે સૌથી પહેલા તમારી સમસ્યાનું મૂળ કારણ શું છે તે શોધવાનું છે.
દાંતના દુઃખાવા માટે ઘરેલું ઉપચાર : જો દાંતના દુઃખાવો ઓછો હોય તો તમે મીઠાના પાણીના કોગળા, પેપરમિન્ટ ટી બેગ્સ, લસણ, લવિંગ, જામફળના પાનનો અપનાવી કરી શકો છો. પરંતુ જો તમને વધારે દાંતનો દુખાવો હોય તો ડૉક્ટરને મળવું જોઈએ.
તાવ : તાવ એવી સ્થિતિ છે જ્યારે વ્યક્તિના શરીરનું તાપમાન સામાન્ય કરતાં વધી જાય છે. આ એક સૌથી સામાન્ય સ્થિતિ છે અને તાવની ગભરાટ કોરોના સમયગાળામાં જ વધી છે. તેથી તમારે તેની તાત્કાલિક સારવાર કરવાની જરૂર છે.
તાવ માટે ઘરેલું ઉપાય : જો તમને તાવ આવે છે તો તમારે આરામ કરવો જોઈએ. પુષ્કળ પ્રમાણમાં પ્રવાહી પીવો અને ઠંડા અથવા ગરમ સેક કરવાનો પ્રયત્ન કરો. તમે એપલ સાઇડર વિનેગર અને બીજા કેટલાક ઉપાયો પણ કરી શકો છો. વધારે તાવ આવે તો તરત જ ડૉક્ટરનો સંપર્ક કરવો જોઈએ.
પેટમાં ગેસ : વર્ષ 2021માં લોકોએ ગેસની સમસ્યા માટે સૌથી વધારે ઘરેલું ઉપાય શોધવાનો પ્રયત્ન કર્યો છે. જ્યારે ગેસ અંદર ફસાઈ જાય છે ત્યારે પીડા તદ્દન અસહ્ય હોય છે. આવી સ્થિતિમાં તમે શક્ય તેટલી વહેલી તકે રાહત મેળવવા માટે આ ઉપાય કરી શકો છો.
પેટમાં ગેસ માટે ઘરગથ્થુ ઉપચાર : એક ચમચી લીંબુનો રસ અને એક ચમચી આદુ લો અને પછી તેમાં થોડું કાળું મીઠું નાખીને જમ્યા પછી ખાઓ. આના કારણે પાચનક્રિયા સારી રહે છે અને ગેસની સમસ્યા દૂર થાય છે. અજમાને ગરમ પાણી સાથે ખાવાથી ગેસ અને અપચોથી રાહત મળે છે.
એક ચમચી એપલ સીડર વિનેગરને હુંફાળા પાણીમાં ભેળવીને પીવાથી ગેસથી તરત જ રાહત મળી જાય છે.
પાઈલ્સ : પાઈલ્સ ઘણી બધી સમસ્યાઓ લાવે છે જેમાં પીડા, બ્લીડીંગ અને ખંજવાળ જેવી અગવડતા થઈ શકે છે. વર્ષ 2021માં સૌથી વધુ સર્ચ કરાયેલા ઘરેલું ઉપાયમાં પાઈલ્સ માટેના ઘરેલું ઉપચાર પણ છે.
પાઈલ્સ માટે ઘરેલું ઉપચાર : પાઇલ્સથી બચવા માટે ગુગલ પર સૌથી વધુ કઠોળ, અનાજ, બ્રોકોલી, કેપ્સિકમ, કાકડી, તરબૂચ, નાસપતી, સફરજન, રાસબેરી, કેળા અને કેટલાક બીજા ખોરાક સર્ચ કરવામાં આવ્યા છે.
એલોવેરાના બળતરા વિરોધી અને ઔષધીય ગુણો પાઈલ્સની બળતરા ઘટાડે છે અને કબજિયાતની સમસ્યા થતી નથી. 1 અંજીરને 1 ગ્લાસ પાણીમાં પલાળી રાખો અને સવારે ખાલી પેટ તેનું સેવન કરો અને આ પાણી પણ પી જાઓ.
ઉપરોક્ત આપેલ ઘરેલું ઉપચાર આ વર્ષે 2021 માં ઇન્ટરનેટ પર સૌથી વધારે સર્ચ કરવામાં આવ્યા હતા. પરંતુ તેનો એકવાર ઉપયોગ આર્ટ પહેલા એકવાર નિષ્ણાતની સલાહ જરૂર લો. આવા જ વધારે લેખો વાંચવા માટે રસોઈનીદુનિયા સાથે જોડાયેલા રહો.
