આજના સમયમાં આપણી ખરાબ જીવનશૈલી, ધૂળ-પ્રદૂષણ અને કેમિકલ પ્રોડક્ટનો વધુ પડતો ઉપયોગ કરવાથી વાળને અનેક સમસ્યાઓ થવી ખૂબ જ સામાન્ય બની ગઈ છે. વાળ ખરવાના ઘણા કારણો છે અને તે પુખ્ત વયના લોકોને અને બાળકોને પણ ખરે છે.
તે પોશાક તત્વોની ઉણપને કારણે પણ હોઈ શકે છે. જ્યારે તમારી પાસે પૂરતું આયર્ન નથી હોતું ત્યારે તમારું શરીર લોહીમાં હિમોગ્લોબિન ઉત્પન્ન કરી શકતું નથી. હિમોગ્લોબિન તમારા શરીરના કોશિકાઓના વિકાસ અને સમારકામ માટે ઓક્સિજનનું વહન કરે છે, જેમાં વાળના વિકાસને પ્રોત્સાહિત કરતા કોષોનો પણ સમાવેશ થાય છે.
પરંતુ તમારે ચિંતા કરવાની જરૂર નથી કારણ કે આજે અમે તમને એવા જ કેટલાક ફૂડ્સ વિશે જણાવી રહ્યા છીએ જેને તમે તમારા આહારમાં સમાવેશ કરીને આયર્નની ઉણપ અને વાળ ખરવા બંનેને દૂર કરવામાં મદદ કરી શકે છે. જે તમારા વાળ માટે ખૂબ જ ફાયદાકારક છે.
આ માહિતી આયુર્વેદિક નિષ્ણાત ડૉક્ટર ચેતાલીજીએ તેમના ઈન્સ્ટાગ્રામ (eterny_ayurveda) પર શેર કરી છે. તેઓ કેપ્શનમાં લખે છે કે આ 5 સુપરફૂડ્સ તમારા વાળને પોષણ આપવા અને વિટામિન સી, કેલ્શિયમ અને અન્ય ઘણા પોષક તત્વોની સાથે તમારા આયર્નને શોષીને હિમોગ્લોબિનનું સ્તર વધારવા માટે દરરોજ લઈ શકો છો.
ખજૂર છે લાજવાબ : ખજૂરની સાથે તમારા દિવસની શરૂઆત કરો. એનિમિયા માટે ખજૂર ખાવાની ભલામણ કરવામાં આવે છે અને તે તમારા એનર્જી લેવલને પણ વધારે છે. તેમાં ઘણા પોષક મૂલ્ય હોય છે જે પિત્ત દોષને સંતુલિત કરે છે અને ઠંડક પ્રદાન કરે છે.
વાળ માટે આમળા : નાનકડું દેખાતું આ ફળ અસંખ્ય સ્વાસ્થ્ય લાભોથી ભરપૂર છે જેની ક્યારેય કલ્પના પણ કરી શકાતી નથી. આમળાને વાળની દવા તરીકે પણ ઓળખવા આવે છે. આયુર્વેદમાં વિટામિન-સીથી ભરપૂર હોવાને કારણે આમળા આયર્નને શોષક તરીકે પણ કામ કરે છે.
વાળ માટે નાળિયેર : જો તમે કેલ્શિયમના સારા સ્ત્રોતની સાથે વાળ સારા રાખવા માંગતા હોય તો આ ખોરાકને તમારી દિનચર્યામાં અલગ અલગ રીતે સમાવેશ કરો. તમે નારિયેળ તેલ, કાચું નારિયેળ, નારિયેળની ચટણી તરીકે તેનું સેવન કરી શકો છો.
નાના તલના બીજ પણ છે કમાલ : તલના બીજ નાના અને તેલથી ભરપૂર હોય છે જેના ઘણા સ્વાસ્થ્ય લાભો છે અને તેનો ઉપયોગ આયુર્વેદિક દવામાં ઘણી ફોર્મ્યુલેશનમાં થાય છે. તલનું તેલ વાત સંતુલન માટે શ્રેષ્ઠ છે. તલ ખાવાની ઘણી બધી રીતો છે પરંતુ સૌથી સારી રીત છે તેને શેકીને દિવસમાં 1 ચમચી ચાવીને ખાઓ.
લીલા પાંદડાવાળા શાકભાજી : છેલ્લું રાખવામાં આવેલું છે પરંતુ તે કોઈપણ સુપરફૂડથી ઓછું નથી. લીલા પાંદડાવાળા શાકભાજી પોષણ વધારવા માટે કોઈપણ રૂપમાં જરૂરી છે. પાલક જેવી લીલા શાકભાજીમાં આયર્ન, વિટામીન C અને E, પોટેશિયમ અને મેગ્નેશિયમ અને બીજા ઘણા પોષક તત્વોથી ભરપૂર હોય છે.
તેથી તમારા આહારમાં પાલકનો સમાવેશ કરો અને તમારી હેલ્દી ખોરાક પર ધ્યાન આપો. આ યાદી તે મહિલાઓ માટે છે જે તેને ખાધા પછી પચાવી શકે છે. જો તમારું પાચન સારું નથી તો આ માટે આયુર્વેદિક ડૉક્ટરની સલાહ જરૂર લો.
તમે પણ તમારા આહારમાં આ સુપરફૂડ્સનો સમાવેશ કરીને તમારા વાળને સ્વસ્થ રાખી શકો છો અને તમારા ઓછા હિમોગ્લોબિનનું સ્તર વધારી શકો છો. આહાર સંબંધિત આવા વધુ લેખો વાંચવા માટે રસોઈનીદુનિયા સાથે હંમેશા જોડાયેલા રહો.
