ઘણી વખત એવું બને છે કે આપણે દૂધને ગેસ પર ઉકળવા માટે મૂકીને ભૂલી જઈએ છીએ અને તેના કારણે દૂધ બળી જાય છે અને વાસણમાં જ ચોંટી જાય છે. હવે કાળા પડેલા પડને દૂર કરવામાં મુશ્કેલી પડે છે. તમે સ્ક્રબરથી ગમે તેટલું સાફ કરો તો પણ વાસણ સાફ થતું નથી.
આવી સ્થિતિમાં, અમે તમને કેટલીક ટિપ્સ જણાવીશું, જેની મદદથી તમે બળી ગયેલી તપેલી, વાસણ વગેરે જલ્દીથી સાફ થઇ જશે. તમે તમારી દાદી પાસેથી આ પદ્ધતિ વિશે સાંભળ્યું હશે. રાખથી વાસણો સાફ કરવાની પધ્ધતિ આજથી નથી પરંતુ ઘણા વર્ષોથી ચાલી આવે છે.
મારી દાદી હંમેશા લાકડામાંથી બચેલી રાખથી વાસણો સાફ કરતી હતી. તેનાથી વાસણો સારી રીતે સાફ થાય છે અને તેમાં ચમક પણ આવે છે. આજે, રાખનું સ્થાન ડીશ વોશએ લઈ લીધું છે, પરંતુ જો તમારે બળી ગયેલા વાસણને ચમકાવવું હોય, તો એક વખત રાખથી વાસણ ધોઈ જુઓ.
રાખ વાસણો કેવી રીતે સાફ કરે છે? લાકડું બાળ્યા પછી જે બને છે તેને રાખ કહેવાય છે. જૂના જમાનામાં લાકડાથી ચૂલો સળગાવવામાં આવતો હતો, તેમાંથી રાખ બનતી હતી અને તેનો ઉપયોગ બીજી વસ્તુઓમાં થતો હતો.
રાખ્ય ક્લીનર તરીકે કામ કરે છે અને તે મેટલ, કાચ વગેરેને સારી રીતે સાફ કરવા માટે જાણીતી છે. તે હઠીલા તેલ અને ગ્રીસના ડાઘને અસરકારક રીતે સાફ કરે છે, ગંધ દૂર કરે છે અને તમારા વાસણોને ચમકદાર બનાવે છે. તમે પણ થોડું લાકડું બાળીને રાખ મેળવીને બોક્સમાં રાખી શકો છો.
બળેલા વાસણને રાખથી સાફ કરવા માટે, 1 ચમચી રાખ, 1 ચમચી પાણી અને સ્ક્રબની જરૂર પડશે. સૌ પ્રથમ બળેલા વાસણને થોડા સમય માટે હુંફાળા પાણીમાં પલાળી રાખો. પછી રાખ અને પાણી ભેળવીને પેસ્ટ બનાવો અને તમારા વાસણોને સ્ક્રબથી સ્ક્રબ કરો.
તમે જોશો કે બળી ગયેલો ભાગ અને ગ્રીસ સાફ થઈ જશે. આ પછી હાથમાં રાખ વડે વાસણને ફરી એકવાર સાફ કરો. હવે તેને સામાન્ય પાણીથી ધોઈને સૂકવી લો. જો વાસણ વધારે બળી ગયું હોય તો 2 થી 3 વાર સ્ક્રબ કરવાથી વાસણ સાફ થઈ જશે.
રાખ અને ખાવાના સોડાથી સાફ કરો : 1 ચમચી રાખ, અડધી ચમચી ખાવાનો સોડા, 1 ચમચી પાણી અને સ્ક્રબ લો. સૌથી પહેલા તમારા તપેલીને સ્ક્રબથી સાફ કરો. હવે એક બાઉલમાં રાખ, ખાવાનો સોડા અને પાણી ઉમેરીને પેસ્ટ બનાવો. આ પેસ્ટમાં સ્ક્રબને બોળીને તમારા વાસણને સારી રીતે સ્ક્રબ કરો.
પછી ફરી એકવાર વાસણને ડીશ સોપથી સાફ કરો અને ધોઈ લો. તમે જોયું, બળેલા વાસણને રાખથી સાફ કરવું કેટલું સરળ છે. જો તમે તમારા વાસણોને રાખથી સાફ કરશો તો તે તરત જ તદ્દન નવા જેવા દેખાવા લાગશે.
