દેશના લગભગ તમામ ભાગોમાં દિવાળીની તૈયારીની શરૂઆત થઈ ગઈ છે. નવરાત્રી પૂરી થઈ ગઈ હોવા છતાં હવે ધનતેરસ, દિવાળી, બેસતું વર્ષ અને છઠ પૂજા જેવા તહેવારો આવવાના છે. એવામાં ઘરની સફાઈ પણ કરવાનું શરુ થઇ ગઈ છે.
ઘરની સફાઈ કરતી વખતે મંદિરની સફાઈ પણ કરવામાં આવે છે. કહેવાય છે કે જો મંદિરને સ્વચ્છ હોય તો જ ભગવાનનો વાસ હોય છે. જો તમે પણ તમારા ઘરમાં માર્બલનું મંદિર છે અને તેને એકદમ નવું બનાવવા માંગતા હોય તો ઘરે બનાવી શકો છો.
હા આ લેખમાં અમે તમને કેટલીક ઉપયોગી ટિપ્સ જણાવવા જઈ રહ્યા છીએ, જેને અનુસરીને તમે માર્બલના મંદિરને વધુ મહેનત વગર સરળતાથી ચમકાવી શકો છો. આવો જાણીએ કેવી રીતે.
સૌ પ્રથમ આ કામ કરો : આરસપહાણના મંદિરની સફાઈ કરતી વખતે તમારે કેટલીક બાબતો પર ધ્યાન આપવાની જરૂર છે. ઉદાહરણ તરીકે, મંદિરમાં સ્થાપિત મૂર્તિ અથવા ફોટોને બહાર કાઢી લો. મંદિરની સફાઈ કરવા માટે એક જગ્યાએ થી બીજી જગ્યાએ ના લઇ જાઓ કારણ કે આરસ ગમે ત્યારે તૂટી શકે છે.
ખાવાનો સોડા વાપરો : તમે ઘરની સફાઈ માટે બેકિંગ સોડાનો ઉપયોગ એક વાર તો કર્યો જ હશે. અમે તમને જણાવી દઈએ કે તેના ઉપયોગથી તમે આરસપહાણનાં મંદિરમાં ગુલાલ, ચંદન, તેલ અથવા ધૂપના ડાઘને સાફ કરી શકો છો. આ માટે નીચે પ્રમાણે સ્ટેપ ફોલો કરો.
મંદિરની સફાઈ કરવા માટેની સામગ્રી : ખાવાનો સોડા – 5 ચમચી, પાણી – 1 લિટર, સફાઈ કરવા માટે બ્રશ, લીંબુનો રસ અને સેન્ડપેપર.
સ્પ્રે કેવી રીતે બનાવવો : સૌથી પહેલા 1 લીટર પાણીમાં બેકિંગ સોડા નાખીને સારી રીતે મિક્ષ કરી લો. હવે તેમાં લીંબુનો રસ ઉમેરો અને તેને સારી રીતે મિક્સ કરીને 10 મિનિટ માટે સેટ થવા રાખો.
10 મિનિટ પછી તેને સ્પ્રે બોટલમાં ભરી લો.
મંદિરમાંથી ચંદન કે ગુલાલના ડાઘ દૂર કરવા માટે : ઘરે બનાવેલા આ સ્પ્રે ની મદદથી તમે થોડીવારમાં ચંદન અથવા ગુલાલના ડાઘા સાફ કરી શકો છો. આ માટે, ડાઘવાળી જગ્યા પર સ્પ્રે છાંટીને લગભગ 5 મિનિટ રહેવા દો, તેનાથી ડાઘ નરમ પડી જાય છે.
પછી, ડાઘ પર ફરીથી સ્પ્રે કરીને સેન્ડપેપરથી અથવા જુના બ્રશથી ડાઘને ઘસીને સાફ કરી લો. ગુલાબના ડાઘ સરળતાથી દૂર હશે. ડાઘ સાફ કર્યા પછી મંદિરને પાણીથી જરૂર ધોઈ લો.
ઘણીવાર એવું બને છે કે જ્યારે મંદિરમાં દીવા પ્રગટાવવામાં આવે છે ત્યારે ધુમાડાને કારણે મંદિર કાળું પડી જાય છે અથવા ક્યારેક કાળા નિશાન પણ પડી જાય છે. આવી સ્થિતિમાં મંદિરને સાફ કરવા માટે નીચેના સ્ટેપ ફોલો કરો.
મંદિરના ધુમાડાથી પડેલા ડાઘને દૂર કરવા માટે જે રીતે ચાંડાલ અને ગુલાલના ડાઘ સાફ કર્યા છે તે રીતે જ સાફ કરવાનું છે. આ માટે ધુમાડાવાળી જગ્યા પર સ્પ્રે કરીને 10 મિનિટ રહેવા દો. પછી બ્રશથી સાફ કરો અને મંદિરને પાણીથી ધોઈ લો.
હવે જો તમે પણ દિવાળી પહેલાની ઘરની સફાઈ કરી રહયા છો તો આ રીતે માર્બલના મંદિર ને સાફ કરો, વધુ મહેનત પણ નહીં લાગે. જો આ માહિતી પસંદ આવી હોય તો અમારી સાથે જોડાયેલા રહો, આવી જ માહિતી તમને મફતમાં મળતી રહેશે.
