વાળ જ્યારે ચમકદાર હોય ત્યારે જ વધુ સુંદર લાગે છે. ચમકદાર વાળ ચહેરાની સુંદરતામાં વધારો કરે છે. વાળની સુંદરતા જાળવવા આપણે, વિવિધ પ્રકારના શેમ્પૂનો ઉપયોગ અને નવા કન્ડિશનર નો ઉપયોગ કરીએ છીએ. કેટલાક લોકો કેરાટિન અને રિબોન્ડિંગ જેવી હેર ટ્રીટમેન્ટ પણ કરાવે છે.
આ બધી વસ્તુઓ થોડા સમય પછી પોતાની અસર છોડી દે છે અને આપણા વાળને પણ નુકસાન પહોંચાડી શકે છે. આ પછી વાળની કુદરતી ચમક પણ ઘટી જાય છે. આજે અમે તમને એવી જ કેટલીક મહત્વની વાતો જણાવીશું, જે તમારા વાળની ચમક ઓછી નહીં થવા દે. આવો જાણીએ ચમકદાર વાળ માટેની ટિપ્સ.
દરરોજ વાળ ન ધોવા : શું તમે પણ એવું વિચારો છો કે રોજ વાળ ધોવાથી વાળ હેલ્ધી અને ચમકદાર રહે છે? જો તમને પણ આ આદત છે તો તેને આજે જ બદલી નાખો. આમ કરવાથી વાળ પણ બેજાન થઇ જાય છે અને વાળ શુષ્ક થવા લાગે છે. આ સાથે વાળની ચમક પણ ઓછી થવા લાગે છે.
એટલા માટે તમારે દરરોજ વાળ ન ધોવા જોઈએ. તમે અઠવાડિયામાં માત્ર બે વાર માથું ધોઈ શકો છો. જો કે, આ તમારા વાળના પ્રકાર પર પણ આધાર રાખે છે. પરંતુ, વારંવાર વાળ ન ધોવાનો પ્રયાસ કરો.
સીરમને કહો ના : જો કે, બજારમાં ઘણી એવી પ્રોડક્ટ્સ છે જે તમારા વાળને ચમકદાર બનાવવાનો દાવો કરે છે. આ પ્રોડક્ટમાં એક હેર સીરમ પણ છે. આજકાલ વાળમાં તેલની જગ્યાએ સીરમનો ઉપયોગ થાય છે. સીરમ ભીના વાળ પર લગાવી શકાય છે. આનાથી ફ્રઝીનેસની સમસ્યા નથી થતી અને વાળમાં તરત જ ચમક આવે છે.
પરંતુ તમારે હેર સીરમનો ઉપયોગ ટાળવો જોઈએ. તેના બદલે તમે રસોડામાં હાજર તેલનો ઉપયોગ કરી શકો છો. વાળ ધોવાના લગભગ 1 કલાક પહેલા તેલ લગાવો અને એક કલાક પછી ધોઈ લો. તેલ વાળને મજબૂત બનાવે છે અને વાળની કુદરતી ચમક આપવામાં પણ મદદ કરે છે.
ભીના વાળમાં કાંસકો ન કરો : ઘણીવાર આપણે ભીના વાળને કાંસકો કરીએ છીએ જેથી કરીને આપણા વાળ સીધા રહે અને સુકાઈ ગયા પછી ગુંચવાઈ ન જાય, પરંતુ આ યોગ્ય રીત નથી. ધ્યાન રાખો કે તમારે ભીના વાળમાં કાંસકો ન કરવો.
પહેલા વાળને કુદરતી રીતે સુકાવા દો અને જ્યારે વાળ સુકાઈ જાય ત્યારે મૂળમાંથી કાંસકો કરવાને બદલે છેડાથી શરૂ કરો. જ્યારે તમે વાળના છેડાથી કાંસકો કરો છો અને ગૂંચ કાઢી શકો છો ત્યારે વાળમાં વધુ ગાંઠો થતી નથી અને પછી મૂળમાંથી કાંસકો કરવાથી વાળ પણ સારી રીતે છુટા પડી જાય છે.
ચમકદાર વાળ માટેના ઉપાયો : ચમકદાર વાળ મેળવવા માટે તમારે કોઈ મોંઘા શેમ્પૂની જરૂર નથી. ઘરગથ્થુ ઉપચારની મદદથી તમે સરળતાથી તમારા વાળની ખોવાયેલી ચમક પાછી લાવી શકો છો. આ માટે તમારે વાળમાં ઈંડું અને દહીં લગાવવાનું છે.
આશા છે કે તમને અમારો આ લેખ જરૂર ગમ્યો હશે. જો તમે આવા વાળ માટેના અને બ્યુટી સબંધિત વધુ લેખો વાંચવા માંગતા હોય તો રસોઈનીદુનિયા સાથે જોડાયેલા રહો.
