પહેલાના સમયમાં વ્યક્તિની 40 વર્ષની ઉંમર થયા પછી વાળ સફેદ થઈ જતા હતા. જે વૃદ્ધાવસ્થા સાથે સરખાવવામાં આવતું હતું. પરંતુ હવે નાની ઉંમરમાં જ વાળ સફેદ થવા લાગે છે. જો કે, આ માટે ઘણા કારણો જવાબદાર હોઈ શકે છે.
આપણી ખરાબ જીવનશૈલી અને તણાવપૂર્ણ જીવન તેનું મુખ્ય કારણ છે. આ સિવાય વાળની યોગ્ય કાળજી ન લેવાથી અને પોષણના અભાવે વાળ પાકી જાય છે. આ સમસ્યાથી છુટકારો મેળવવા માટે મહિલાઓ વિવિધ પ્રકારના હેર કેર પ્રોડક્ટ્સ અને ઉપાયો અજમાવે છે. પરંતુ તેની કોઈ ખાસ અસર થતી નથી.
જો તમારા વાળ પણ ઉંમર પહેલા સફેદ થવા લાગ્યા હોય અને તમે તેને કાળા કરવા માંગો છો તો તમારે હર્બલ ઓઈલનો ઉપયોગ કરવો જોઈએ. પરંતુ તમારે તેને બજારમાંથી ખરીદવાની કોઈ જરૂર નહીં પડે. કારણ કે આજે ઘરે તેલ બનાવવાની રીત અને ફાયદા જણાવીશું.
વાળ સફેદ થવાના કારણો? વાળના ફોલિકલ્સમાં પિંગમેન્ટ સેલ્સ હોય છે જે મેલાનિન બનાવે છે. આ તે રસાયણ છે જે આપણા વાળને કાળા રાખવાનું કામ કરે છે. પિંગમેન્ટ વિના નવા વાળ હળવા રંગમાં ઉગે છે. જેને આપણે સફેદ વાળ નામથી ઓળખીએ છીએ.
જ્યારે મેલાનિન ખતમ થવા લાગે છે અથવા શરીરમાં બનતું બંધ થઈ જાય છે, ત્યારે આપણા વાળ સફેદ થવા લાગે છે. મેલાનિનની ઉણપના ઘણા કારણો છે, જેમ કે પ્રદૂષણ, આજની ખરાબ જીવનશૈલી, પૌષ્ટિક આહાર ન લેવો, તણાવ અને કેમિકલ પ્રોડક્ટનો વધુ પડતો ઉપયોગ.
સફેદ વાળ માટે હર્બલ તેલ : આમળામાં ભરપૂર માત્રામાં વિટામિન-સી જોવા મળે છે. તેમાં રહેલા એન્ટીઓક્સીડેન્ટ વાળને સફેદ થતા અટકાવે છે. આ સિવાય આમળાનું તેલ પણ વાળ માટે ખૂબ જ ફાયદાકારક માનવામાં આવે છે. તેથી જ તેનો ઉપયોગ વર્ષોથી કરવામાં આવે છે.
જ્યારે નાળિયેર તેલ વાળમાં મોઈશ્ચરને લોક કરે છે. મેથીના દાણામાં આયર્ન અને પ્રોટીન મળી આવે છે, જે સફેદ વાળની સાથે સાથે વાળના વિકાસ માટે પણ ફાયદાકારક છે. આથી આ ત્રણેયનું મિશ્રણ તેલ માટે વાળ માટે અસરકારક સાબિત થઇ શકે છે.
જરૂરી સામગ્રી : 100 ગ્રામ નાળિયેર તેલ, 50 ગ્રામ મેથીના દાણા, 100 ગ્રામ આમળા
કેવી રીતે બનાવવું : સૌથી પહેલા 100 ગ્રામ નારિયેળ તેલમાં 50 ગ્રામ મેથી અને 100 ગ્રામ આમળા નાખીને આખી રાત પલાળીને રાખો. બીજા દિવસે, તેને ધીમી આંચ પર સારી રીતે ઉકાળો. હવે આ તેલને ગાળીને કોઈપણ શીશીમાં નાખો. લો તમારું ઘરે બનાવેલું હર્બલ તેલ તૈયાર છે .
લગાવવાની રીત : આ તેલને તમારા વાળમાં સારી રીતે લગાવો. વાળના મૂળ અને વાળની લંબાઈ પર લગાવવાનું ભૂલશો નહીં. લગભગ અડધા કલાક પછી તમારા વાળને સામાન્ય શેમ્પૂથી ધોઈ લો. આ તેલ તમે અઠવાડિયામાં બે વાર વાળમાં લગાવો.
હર્બલ ઓઈલ લગાવવાના ફાયદા : આ તેલ લગાવવાથી સફેદ વાળ કાળા થાય છે અને વાળનો ગ્રોથ પણ વધે છે. જે મહિલાઓના વાળ ઓછા થતા હોય તેમના માટે આ તેલ ફાયદાકારક થઈ શકે છે. તેનાથી માથાની ચામડીને પોષણ મળે છે જેનાથી ખંજવાળ ઓછી થાય છે. નાળિયેર તેલ વાળમાં ચમક લાવે છે અને વાળને મુલાયમ બનાવે છે.
આ બાબતો ધ્યાનમાં રાખો : સફેદ વાળ ન થાય તે માટે સારો અને પોષણથી ભરપૂર આહાર લો. આયર્ન, કોપર, સેલેનિયમ અને ફોસ્ફરસ ધરાવતા ખોરાક લો. તમારા વાળમાં તેલ જરૂર લગાવો. આ વાળને પોષણ આપે છે અને મજબૂત બનાવે છે.
વાળમાં કેમીકલવાળી પ્રોડક્ટનો ઉપયોગ ઓછો કરો. તેનાથી વાળને ખૂબ નુકસાન થાય છે. વાળને હેલ્દી રાખવા માટે, ફક્ત ઘરે બનાવેલી પ્રોડક્ટનો ઉપયોગ કરવાનો પ્રયાસ કરો. તમે પ્રાચીન સમયના ઘરેલુ ઉપાય અપનાવી શકો છો.
જો તમારા વાળ પણ સફેદ થઇ રહયા છે તો તમે પણ એકવાર આ તેલનો ઉપયોગ કરો. આશા છે કે તમને અમારી આ હર્બલ તેલની માહિતી પસંદ આવી હશે. જો તમે આવી જ માહિતી ઘરે બેઠા જાણવા માંગતા હોય તો રસોઈનીદુનિયા સાથે જોડાયેલા રહો.
