ઘણીવાર આપણે બધા જ ઠંડીની ઋતુમાં આપણા ચહેરા અને ત્વચાની ખાસ કાળજી લેતા હોઈએ છીએ. પરંતુ ત્વચાની સાથે પગ પર પણ એટલું જ ધ્યાન આપવું જરૂરી છે. આ સિઝનમાં એડીમાં તિરાડ પડવી જેવી સમસ્યા ખૂબ જ વધી જાય છે. જેના કારણે પગમાં ખૂબ દુખાવો થાય છે.
આ સ્થિતિમાં આપણે વારંવાર પગ ધોતા હોઈએ છીએ. પરંતુ જ્યારે પગ વારંવાર ગરમ પાણીના સંપર્કમાં આવે છે, ત્યારે તેમાં શુષ્કતા વધુ વધવા લાગે છે. આવી સ્થિતિમાં, શ્રેષ્ઠ ઉપાય એ છે કે ફુટ સ્ક્રબથી પગની મસાજ કરવી.
તેનાથી પગની ઊંડી સફાઈ થાય છે અને ત્વચાના મૃત કોષો પણ દૂર થાય છે. જેના કારણે પગ ખૂબ જ સોફ્ટ થઈ જાય છે. તો આજે આ લેખમાં અમે તમને એવા જ કેટલાક ફૂટ સ્ક્રબ વિશે જણાવી રહ્યા છીએ, જેને તમે શિયાળામાં તમારા પગની સંભાળ રાખી શકો છો.
વિટામીન-ઈ અને મીઠાનો ફુટ સ્ક્રબ : શિયાળામાં જ્યાં પગની ડેડસ્કિન દૂર કરવાની જરૂર હોય છે, તો બીજી તરફ તેને પોષણ આપવું પણ એટલું જ જરૂરી છે. આ સ્થિતિમાં, વિટામીન E, નારિયેળ તેલ અને મીઠાની મદદથી ફૂટ સ્ક્રબ બનાવી શકાય છે.
2 વિટામિન ઈ કેપ્સ્યુલ્સ, 1/4 કપ મીઠું, 2-3 ચમચી નારિયેળ તેલ અને એસેન્સિયલ ઓઇલના એકથી બે ટીપાં. સૌપ્રથમ વિટામીન E ઓઈલ કેપ્સ્યુલ તોડીને એક બાઉલમાં નાખો. હવે તેમાં બાકીની બધી સામગ્રી નાખી મિક્સ કરો. હવે તેને તમારા પગ પર લગાવો અને હળવો મસાજ કરો. તમે થોડા સમય માટે આ રીતે છોડી દો. છેલ્લે પાણીથી પગ સાફ કરો.
દૂધ અને ખાંડનો ફુટ સ્ક્રબ : દૂધમાં લૈક્ટિક એસિડ હોય છે, જે ત્વચાના મૃત કોષોને દૂર કરવામાં મદદ કરે છે. આ સ્ક્રબ તમારા પગને એક્સફોલિયેટ કરે છે. તે જ સમયે, ફુટ સ્ક્રબમાં નાળિયેર તેલ ઉમેરવાથી પગને મોઈશ્ચર પણ મળે છે.
સામગ્રી : 2 કપ દૂધ, 2 કપ નવશેકું પાણી, 3 ચમચી ખાંડ અને 1 ચમચી નારિયેળ તેલ. સૌથી પહેલા પેડિક્યોર બેસિનમાં દૂધ અને પાણી નાખીને તેમાં તમારા પગને 15 મિનિટ સુધી પલાળી રાખો. હવે ખાંડ અને તેલ મિક્સ કરો. આ પછી આ મિશ્રણને તમારા પગ પર લગાવો અને હળવા હાથે મસાજ કરો. થોડીવાર આ રીતે રહેવા દો અને પછી તમારા પગને પાણીથી સાફ કરો. પછી નાળિયેર તેલથી માલિશ કરીને મોજાં પહેરો.
તમે પણ શિયાળામાં આ રીતે ઘરે પગને સાફ રાખી શકો છો. જો તમને આ ઉપાય પસંદ આવ્યો હોય તો આવી જ વધુ ટિપ્સ જાણવા માટે રસોઈનીદુનિયા સાથે જોડાયેલા રહો.
