કેટલાક લોકોને લસણ ખાવામાં ખૂબ જ સ્વાદિષ્ટ લાગે છે પરંતુ ઘણા ઓછા લોકો જાણે છે કે લસણને ઘરે પણ ઉગાડી શકાય છે. તેથી જ અમે તમારા માટે આ માહિતી લઈને આવ્યા છીએ. લસણ ઘરે ખૂબ જ સરળતાથી ઉગાડી શકાય છે.
બીજી બાજુ, વાસણની જગ્યાએ, તમે ઘરમાં રાખેલા જૂના પ્લાસ્ટિકના ડબ્બાનો પણ ઉપયોગ કરી શકો છો. આ સાથે, તમારા જુના ડબ્બાનો પણ ઉપયોગ થઇ જશે અને તમારે વધુ ખર્ચ પણ કરવો નહીં પડે. ચાલો જાણીએ કે કેવી રીતે લસણને ઘરે જુના ડબ્બામાં ઉગાડી શકાય છે.
લસણ ઉગાડવા માટેની જરૂરિયાતો શું છે? જૂનું બોક્સ કે જૂનો ડબ્બો, બીજ, માટી, ખાતર અને પાણી.
લસણ કેવી રીતે ઉગાડવું? ઘરે લસણનો છોડ ઉગાડવો ખૂબ જ સરળ છે. સૌ પ્રથમ, પ્લાસ્ટિકના બોક્સમાં સાફ માટી નાખો. ધ્યાનમાં રાખો કે માટી સંપૂર્ણપણે સાફ હોવી જોઈએ. માટીમાં કોઈપણ પ્રકારના પથ્થર હોવાથી છોડનો વિકાસ અટકી જાય છે.
બોક્સમાં માટી નાખો અને ઉપરથી બીજ નાખી દો. આ પછી બીજ પર થોડી માટી અને ખાતર નાખો અને પાણી રેડો. બીજને સારી રીતે દબાવી દીધા પછી, થોડા દિવસો રાહ જુઓ. તમને છોડનો વિકાસ આપોઆપ જોવા મળશે.
બીજ ક્યાંથી ખરીદવું : લસણના છોડના બીજ તમને કોઈપણ નર્સરીમાંથી મળી જશે. તે જ સમયે, નર્સરી સિવાય, તમે ઑનલાઇન પ્લેટફોર્મ પરથી પણ લસણ ખરીદી શકો છો.
આ બાબતો ધ્યાનમાં રાખો : લસણ ઉગાડવા માટે ઠંડુ હવામાન સારું હોય છે આ કિસ્સામાં, તમે શિયાળામાં તેનું વાવેતર કરી શકો છો. આ સાથે છોડને સતત પાણી આપો. રોજ થોડું પાણી આપવાથી છોડનો વિકાસ સારો થાય છે.
આ સાથે ખાતરનું પણ ધ્યાન રાખો. ખાતર જેટલું સારું અને વધુ પ્રાકૃતિક હશે તેટલો જ છોડને વધુ ફાયદો થશે. તો આ કેટલાક સ્ટેપ્સ હતા જેને અનુસરીને તમે લસણને ઘરે વાવી શકો છો. તમને આ માહિતી પસંદ આવી હોય તો રસોઈનીદુનિયા સાથે જોડાયેલા રહો.
