નૌકરી કરતી મહિલા, બેચલર, ગૃહિણીઓ બધાને એક સમસ્યાનો સામનો કરવો પડે છે અને તે પ્રશ્નનો જવાબ સરળતાથી મળતો નથી કે ટિફિન માટે શું બનાવવું. જો કે આપણે ઘણીવાર એક જ રેસિપી ખાઈએ છીએ, પરંતુ જો તમે એક જ રેસિપી બનાવીને કંટાળી ગયા હોય તો, આજે અમે તમને તમારા મનપસંદ લંચ બોક્સની અલગ અલગ 5 રેસિપી જણાવીશું, જે ફટાફટ બનીને તૈયાર થઇ જશે.
તમે તમારા ટિફિનમાં દરરોજ આ વિવિધ વાનગીઓ અજમાવી શકો છો જે તૈયાર કરવામાં માત્ર 15 મિનિટનો સમય લાગશે અને તમારા માટે ઉત્તમ નાસ્તો બનાવશે.
(1) દડપે પૌહા : આ મહારાષ્ટ્રીયન વાનગીને રાંધવાની જરૂર નથી હોતી. અહીં પૌહાને તેમાં રહેલા મિશ્રણથી નરમ કરવામાં આવે છે. સામગ્રી – 2 કપ પોહા, 1 મોટી ડુંગળી સમારેલી, 1/2 કપ મગફળી, 2 ચમચી તેલ, 1/4 કપ બાફેલા વટાણા, થોડા મીઠા લીમડાના પાન, 2 ચમચી ધાણાજીરું, 1/2 ચમચી રાઈ, 3-4 લીલા મરચાં (ઝીણા સમારેલા), 1 ચમચી લીંબુનો રસ, ખાંડ અને સ્વાદ મુજબ મીઠું.
કેવી રીતે બનાવવું : એક વાસણમાં પોહાને ધોઈને અલગ કરો. આ પછી એક વાસણમાં ઝીણી સમારેલી ડુંગળીને મીઠું મિક્સ કરીને બાજુ પર રાખો. હવે બાફેલા વટાણા, મરચાં અને ધોયેલા પોહાને ડુંગળી સાથે મિક્સ કરો. તેની સાથે થોડી ખાંડ અને મીઠું ઉમેરો. એક પેનમાં થોડું તેલ ગરમ કરો, તેમાં રાઈ, મગફળી, મીઠા લીમડાના પાન ઉમેરો. હવે આ તડકાને પોહામાં નાખો અને તેની ઉપર લીલી કોથમીર અને છીણેલું નારિયેળ ઉમેરો. બધું બરાબર મિક્સ કરો અને મહારાષ્ટ્રીયન વાનગી દડપે પૌહા તૈયાર છે.
આ જરૂર વાંચો : કાચા કેળા નું શાક બનાવવાની રીત
(2) ખાખરા ચુડા : આ રેસીપી સામાન્ય રોટલી શાક કરતા ઝડપથી બનાવી શકાય છે. તેને બનાવવામાં માત્ર 9-10 મિનિટનો સમય લાગે છે. સામગ્રી – 4 ખાખરા, 1 ચમચી રસોઈ તેલ, 1/2 ચમચી તલ, 1 ચમચી સીંગદાણા, 1 ચમચી ચાટ મસાલો, 1 ચમચી ખાંડ (સ્વાદ મુજબ), 1 ચમચી લાલ મરચું પાવડર, મીઠું સ્વાદ મુજબ
કેવી રીતે બનાવવું : ખાખરાનો ભૂકો કરી એક વાસણમાં રાખો. એક અલગ પેનમાં તેલ ગરમ કરો અને હવે આ તેલમાં મગફળીને શેકી લો. જ્યારે તે શેકાઈ જાય ત્યારે તેમાં તલ ઉમેરો, જ્યારે તે થઈ જાય ત્યારે તેમાં ખાખરા ઉમેરો. ખાખરાને 1 મિનિટ માટે મિક્સ થવા દો અને પછી બાકીની સામગ્રી ઉમેરો. તૈયાર છે ગુજરાતી વાનગી ખાખરા ચુડા.
(3) ઉત્તપમ : જો તમને ઉત્તપમ ખાવાનું મન થાય અને તમારી પાસે સામગ્રી ન હોય તો તમે ઘઉંના લોટનું ઉત્તપમ પણ બનાવી શકો છો. સામગ્રી – 1 કપ ઘઉંનો લોટ, 1 ડુંગળી ઝીણી સમારેલી, 1 નાનું કેપ્સીકમ બારીક સમારેલ, 1 નાનું ટામેટું બારીક સમારેલ, 3-4 ચમચા વાટેલું દહીં, 1 પેકેટ ઈનો, 2 ચમચી સ્વીટ કોર્ન (બાફેલી), 1/2 ટીસ્પૂન જીરું પાવડર, 2. ટીસ્પૂન કોથમીર, 1/4 ટીસ્પૂન હળદર પાવડર, 1/2 ટીસ્પૂન ચીલી ફ્લેક્સ, લાલ મરચું પાવડર, સ્વાદ મુજબ મીઠું
કેવી રીતે બનાવવું : એક વાસણમાં લોટ, મીઠું, જીરું પાવડર , હળદર પાવડર, ચિલી ફ્લેક્સ, ઈનો નાખીને સારી રીતે મિક્સ કરો. હવે તેમાં દહીં અને થોડું પાણી ઉમેરો. બેટર ઉત્તપમ જેવું જાડું હોવું જોઈએ. આ સાથે એક પેન ગરમ કરો, તેલ ઉમેરો અને તેમાં બેટર ઉમેરો. હવે તેને થોડું પકવા દો અને ઉપર બધા વેજીટેબલ ટોપીંગ્સ ઉમેરો. ઉત્તપમ રાંધવામાં આવે છે તેવી જ રીતે તેને રાંધો. જો તમે ઈચ્છો તો ઉપરથી ઢાંકી દો. 1 મિનિટ પછી તેને પલટાવો. બીજી બાજુથી અડધી મિનિટ પકાવો અને પછી તેને પ્લેટમાં કાઢી લો.
આ જરૂર વાંચો : વધેલી રસોઈને ફેંકી દેવાને બદલે, વધેલા ખોરાકમાંથી બનાવો કેટલીક નવી વાનગી, જાણો 21 કુકીંગ ટિપ્સ
(4) કાચા કેળાના પરાઠા : તમે અનેક પ્રકારના પરાઠા તો ખાધા હશે, પરંતુ શું તમે ક્યારેય કાચા કેળાના પરાઠા ખાધા છે? તમે તમારી ટિફિન રેસિપીમાં કાચા કેળાના પરાઠા પણ અજમાવી શકો છો. સામગ્રી – 3 બાફેલા કાચા કેળા, પરોઠા માટેનો લોટ, 1/2 ચમચી જીરું, 1/2 ચમચી તલ, 1/4 ચમચી હિંગ, 1/2 ચમચી લાલ મરચું, 3-4 લીલા મરચાં, 1/4 ચમચી હળદર પાવડર, 1/4 2 ચમચી ગરમ મસાલો, 1/2 ચમચી સૂકી કેરીનો પાવડર, બે ચમચી ઝીણી સમારેલી કોથમીર, સ્વાદ મુજબ મીઠું
કેવી રીતે બનાવવું : કાચા કેળાને એક વાસણમાં મેશ કરો, તે જ સમયે સૂકી કેરી પાવડર, મીઠું વગેરે ઉમેરો. હવે એક તડકા પેનમાં જીરું, તલ, હિંગ, લીલા મરચાંને શેકી લો. આ પછી તેમાં હળદર અને લાલ મરચું મિક્સ કરો અને ગેસ બંધ કરી દો. આ બધું કાચા કેળાના મિશ્રણમાં મિક્સ કરો. તેમાં સમારેલી કોથમીર પણ ઉમેરો. હવે પરાઠા બનાવવા માટે જે રીતે તમે લોટ બાંધો છો તેવી જ રીતે લોટ બાંધી લો. આ સાથે જ પરાઠામાં કાચા કેળાના બેટરને બટાકાના પરાઠા બનાવતી વખતે જે રીતે ભરવામાં આવે છે તે રીતે ભરો. તેને થોડું તેલ નાખીને વણો અને પછી તેને તવી પર શેકી લો.
(5) બ્રેડ ચિલ્લા : તમે ચણાના લોટના ચિલ્લા વિશે તો સાંભળ્યું જ હશે પરંતુ શું તમે બ્રેડ ચિલ્લા વિશે સાંભળ્યું છે? ના સાંભળ્યું હોય તો જાણી લો. સામગ્રી – 4-5 બ્રેડ સ્લાઈસ, 1/4 કપ મૈંદા લોટ, 1/4 કપ દહીં, 1 નાનું કેપ્સિકમ છીણેલું, 1 મધ્યમ કદનું ગાજર, 1 મધ્યમ કદની ડુંગળી, 2 ચમચી ચોખાનો લોટ, 1 ચમચી ટોમેટો કેચપ, ચિલી ફ્લેક્સ, 2 લીલા મરચાં બારીક સમારેલ, 1 ચમચી કોથમીર, સ્વાદ મુજબ મીઠું
કેવી રીતે બનાવવું : સૌ પ્રથમ બ્રેડની સ્લાઈસને મિક્સરમાં નાખીને પીસી લો. આ પછી મૈંદા, ચોખાનો લોટ, ગાજર, કેપ્સિકમ, ડુંગળી, મરચું, ચીલી ફ્લેક્સ, કોથમીર, મીઠું, દહીં અને બધી સામગ્રી મિક્સ કરો. બાદમાં ટોમેટો કેચપ ઉમેરો. તેને મિક્સ કરો જ્યાં સુધી તેની સુસંગતતા ઉત્તપમ જેવી ન થઈ જાય. જેમ તમે ચીલાને શેકતા હોવ તેવી જ રીતે ગ્રીલ પર બેક કરો.
જો તમને પણ આ બધી રેસિપી ગમી હોય તો આગળ શેર કરજો. આવી વધુ અવનવી રેસિપી જાણવા માટે રસોઈનીદુનિયા સાથે જોડાયેલા રહો.
