ઉનાળાની ગરમીમાં શરીર ને રિફ્રેશિંગ કરતું આ શરબત ઘરે બનાવવુ એકદમ શહેલું છે. આ શરબત કાચી કેરી માંથી બનાવવામા આવે છે. જ્યારે પણ ગરમીમાં કઈક ઠંડું પીવાનુ મન થાય તો આ શરબત માં પાણી ઉમેરી તમે પી શકો છો. તો એકદમ સહેલી રીત થી કાચી કેરીનુ શરબત કઈ રીતે બનાવી શકાય તે જોઈલો.
સામગ્રી:
- ૨ કાચી કેરી( ૪૦૦ ગ્રામ)
- પાણી
- ૧ ચમચી એલચી પાઉડર
- ૧ ચમચી શેકેલા જીરાનો પાઉડર
- સંચળ / મીઠુ
- અડધી ચમચી મરી પાઉડર
- ચાસણી માટે
- ૨૨૫ ગ્રામ ખાંડ( દોઢ કપ)
- ૨૦૦ ML પાણી
કાચી કેરી નો શરબત બનાવાની રીત:
સૌ પ્રથમ કાચી કેરી લઈ તેને છોલી લો. કેરી છોલાઈ ગયાં પછી તેના નાના નાના ટૂકડાં કરી લો.
કાચી કેરી નાં ટુકડાં બાફવા માટે
ગેસ પર એક કુકર મા ૨ કપ પાણી એડ કરી તેમાં કેરી નાં ટુકડાં એડ કરો. અહિયાં તમારે વધુ પડતું પાણી નો ઉપયોગ નથી કરવાનો. હવે કુકર નું ઢાંકણ બંધ કરી બે વિશલ થવા દો. ૨ વિશલ થયા પછી ગેસ ને બંધ કરી બાફેલાં ટુકડાઓને ઠંડાં થવા દો.
બાફેલાં ટુકડાઓ ઠંડાં થાય પછી તેને મિક્સર બાઉલમાં લઇ લો. હવે તેમાં એલચી પાઉડર, જીરાનો પાઉડર, સંચળ અથવા તો મીઠુ, અને મરી પાઉડર એડ કરો. હવે મિક્સર બાઉલમાં ગ્રાઇન્ડ કરી લો. અહિયાં તમારી સ્મુથ પેસ્ટ તૈયાર થઇ ગઇ છે.
શરબત માટે ચાસણી બનાવાની રીત
એક પેન મા ખાંડ એડ કરી તેમાં પાણી ઉમેરી ખાંડ ને સારી રીતે ઓગળી લો. સારી રીતે ખાંડ ઓગળી જાય અને ચાસણી થોડી ઘટ્ટ થાય ત્યા સુધી થવા દો. ચાસણી થઈ ગયાં પછી ગેસ બંધ કરી મિશ્રણ ને ૪-૭ મીનીટ માટે ઠરવા દો.
હવે તૈયાર કરેલા કેરીના પલ્પ ને ચારણી ની મદદ થી ગાળી ચાસણી માં એડ કરો. હવે બરાબર બન્ને ને મિક્ષ કરી લો. જો મિક્ષ કર્યાં પછી પાણી નો ભાગ દેખાતો હોય તો પેન ને ફરીથી ગેસ પર ગરમી કરવા મુકી મિશ્રણ ને ઘટ્ટ કરી લો. ૧ તાર ની ચાસણી થાય ત્યાં સુધી મિશ્રણ ને ગરમ થવા દો.
તો અહિયાં તમારું કાચી કેરીનુ શરબત તૈયાર થઇ ગયું છે. હવે એક કાચની બરણી લઇ તેમાં આ તૈયાર થયેલા સરબત ને ભરી લો. આ શરબત તમે ફ્રીઝ મા ૧ વર્ષ સુધી અને બહાર ૪-૫ મહિના સુધી રાખી શકો છો. હવે જ્યારે શરબત નો ઉપયોગ કરવો હોય ત્યારે તમારે એક ગ્લાસ માં થોડાં બરફ નાં ટુકડાં એડ કરી, ૩-૪ ચમચી આ તૈયાર કરેલો શરબત અને ઠંડું પાણી એડ કરી તમે પી શકો છો.
આમ થોડાક જ ખર્ચા માં એકદમ સસ્તામાં આ કાચી કેરીનો શરબત બનાવવો એકદમ સરળ છે.
તમને અમારી આ રેસિપી પસંદ આવી હોય તો તમે પણ ઘરે જરૂરથી ટ્રાય કરજો અને તમારા અભિપ્રાય અમને કમેન્ટ બોક્સમાં જરૂરથી જણાવજો. ગુજરાતી ભાષામાં આવી અવનવી રેસિપી જોવા અને નવી- નવી રેસિપી ઘરે બેસી જાણવા અને શીખવા માટે અમારાં Page” રસોઈ ની દુનિયા ને Like & Follow કરો. Follow કરવાં માટે અહી Click કરો રસોઈ ની દુનિયા.
