ઘણીવાર, લાંબા સમય સુધી એક જગ્યા પર બેસી રહેવાથી પીઠનો દુખાવો શરૂ થાય છે. જો કે, કમરના દુખાવાના ઘણા બધા કારણો હોય છે. પણ આ દર્દ ક્યારે વધી જાય છે અને આપણા કામ પર અસર થવા લાગે છે. મોટાભાગના લોકો દર્દને ઓછું કરવા માટે દવાઓનો સહારો લે છે.
જો કે, તે અમુક અંશે પીડા ઘટાડે છે પરંતુ તેની આડઅસર પણ હોય છે. આવી સ્થિતિમાં તમારે ટેમ્પરરી ઉપાયને બદલે લાંબા ગાળાના ઉકેલ શોધવો જોઈએ. પીઠનો દુખાવો ઓછો કરવા માટે, તમારે તમારા આહારમાં ફેરફાર કરવો જોઈએ.
પીઠના દુખાવાનું એક કારણ બળતરા છે, તેથી તમારે તમારા આહારમાં બળતરા વિરોધી ખોરાકનો સમાવેશ કરવો જોઈએ. આ સિવાય બીજા પણ ઘણા ફૂડ છે જેના ઉપયોગથી કમરનો દુખાવો ઓછો કરી શકાય છે.
ઓમેગા 3 : જો તમે કમરના દુખાવાની સમસ્યાથી પરેશાન થઇ રહયા છો તો તમારે તમારા આહારમાં ઓમેગા-3 ખોરાકનો સમાવેશ કરવો જોઈએ. માછલી અથવા ચિયા બીજની સિવાય તમે સૅલ્મોન માછલી ખાઈ શકો છો. બીજી ઘણી માછલીઓમાં ઓમેગા-3 ફેટી એસિડ ભરપૂર છે. માછલીનું સેવન કરવાથી પીઠમાં રક્ત પરિભ્રમણ સુધરે છે અને પીઠનો દુખાવો ઓછો થવા લાગશે.
શાકભાજી ખાઓ : તમારે લીલા પાંદડાવાળા શાકભાજી જેવા કે બ્રોકોલી, કોબીજ અને પાલક ખાવા જોઈએ. તેમાં વિટામિન A, C અને K હોય છે જે બળતરા ઘટાડવામાં મદદ કરે છે. લીલા પાંદડાવાળા શાકભાજી ખાવાથી શરીર સ્વસ્થ રહે છે અને આ માટે ગાજર, બીટ અને કોળા જેવા મૂળવાળા શાકભાજી પણ ખાઈ શકો છો. તેમાં બીટા કેરોટીન હોય છે જે એન્ટીઑકિસડન્ટ છે. તમારે સલાડમાં ગાજર અને બીટનું પણ દરરોજ સેવન કરો.
આ ફળોને પણ ખાઓ : જે લોકોને કમરના દુખાવાની સમસ્યા છે તેમણે રસદાર ફળો ખાવા જોઈએ. સફરજન, અનાનસ, બેરી, ચેરી, દ્રાક્ષ અને નારંગી જેવા ખાટાં ફળોમાં પણ એન્ટીઓક્સીડેન્ટ જોવા મળે છે અને વધારે સારું ફાયદો થાય તે માટે ફળની છાલ પણ ખાઓ.
મસાલાથી મળશે ફાયદા : મસાલામાં ઔષધીય ગુણ છે. આ સમસ્યાથી છુટકારો મેળવવા માટે તમારે આદુ અને તજ ખાવા જોઈએ જેને તમે કોઈપણ સ્વરૂપમાં ખાઈ શકો છો. આદુમાં બળતરા વિરોધી ગુણ હોય છે જે દુખાવાને ઓછો કરે છે.
હળદરવાળું દૂધ પીવો : દૂધમાં હળદર ભેળવીને દૂધ પીવું સ્વાસ્થ્ય માટે ખૂબ ફાયદાકારક છે. ઘણા સંશોધનમાં એ પણ જાણવા મળ્યું છે કે હળદરના સેવનથી શરીરમાં દુખાવો ઓછો કરી શકાય છે. હળદરમાં એન્ટીઓક્સીડેન્ટ જોવા મળે છે. જો કે દૂધમાં તે બધા જ જરૂરી પોષક તત્વો મળી આવે છે.
