લો બીપી છે પણ ખૂબ જ ખતરનાક, જાણો લક્ષણો અને નિયંત્રિત કરવાના ઉપાયો

આપણે ઘણીવાર લો બીપી એટલે કે હાઈપોટેન્શનને નજરઅંદાજ કરીએ છીએ, પરંતુ લો બીપી રહેવું ઓછું ખતરનાક નથી હોતું. લો બીપીના લક્ષણોને સમયસર ઓળખવું અને તેને નિયંત્રિત કરવા માટે જીવનશૈલીમાં કેટલાક ફેરફારો કરવા ખૂબ જ મહત્વપૂર્ણ છે.

ઘણીવાર લો બીપીના લક્ષણો આપણને ઝડપથી દેખાતા નથી, જેના કારણે શરૂઆતમાં તેને ઓળખવું મુશ્કેલ હોય છે. તંદુરસ્ત પુખ્ત વયના લોકોમાં, BP સ્તર 120/80 mmHg અથવા તેની આસપાસ હોવું જોઈએ.

જો તમારું BP 90/60 mmHg કરતા ઓછું હોય તો તેને લો BP ગણવામાં આવે છે. મેડિકલની ભાષામાં તેને હાયપોટેન્શન કહેવામાં આવે છે. લો બીપીના ઘણા કારણો હોઈ શકે છે. આ લેખમાં અમે તમને લો બીપીના લક્ષણો, કારણો અને તેને નિયંત્રિત કરવાની રીતો વિશે જણાવીશું.

લો બીપીના કારણો

લો બીપીના કારણો શોધવાનું ક્યારેક ખૂબ મુશ્કેલ હોય છે. જેના કારણે શરૂઆતના તબક્કામાં તેને પકડવામાં સમસ્યા છે. શરીરમાં પાણીની ઉણપ, વધુ તણાવ, લાંબા સમય સુધી ભૂખ્યા રહેવું, અમુક મેડિકલ પરિસ્થિતિ, બિનઆરોગ્યપ્રદ જીવનશૈલી, ગંભીર ઈજા અથવા સર્જરી વગેરે.

લો બીપીના લક્ષણો

ઘણી વખત લો બીપીના કોઈ લક્ષણો વ્યક્તિમાં જોવા મળતા નથી, પરંતુ સમય જતાં કેટલાક લક્ષણો દેખાય છે જે લો બીપી તરફ નિર્દેશ કરે છે જેમ કે, ચક્કર આવવા, ઝાંખી દ્રષ્ટિ, બેભાન થઇ જવું, હાથ પગ ઠંડા થવા, ખૂબ જ નબળાઈ અથવા થાક અનુભવવો.

લો બીપી ખતરનાક હોય છે

જો તમારું બીપી લાંબા સમય સુધી સામાન્ય સ્તરથી નીચે રહેવાનું શરૂ કરે છે, તો તમારે સાવચેત રહેવું જોઈએ. લો બીપી એ હાઈ બીપી જેટલું જ ખતરનાક હોય છે. જ્યારે બીપી લો હોય ત્યારે શરીરના અંગો સુધી લોહી યોગ્ય રીતે પહોંચી શકતું નથી. આવી સ્થિતિમાં હાર્ટ એટેક, સ્ટ્રોક અને બીજી ઘણી ગંભીર સમસ્યાઓ થવાનું જોખમ હોય છે.

કેવી રીતે મેનેજ કરવું

બ્લડ પ્રેશરને યોગ્ય રીતે નિયંત્રિત કરવામાં આપણો આહાર અને જીવનશૈલી પણ મહત્વપૂર્ણ ભૂમિકા ભજવે છે. જો તમારું બીપી ઓછું રહે છે, તો તમારે કેટલીક બાબતોનું ખાસ ધ્યાન રાખવું જોઈએ જેથી કરીને બ્લડ પ્રેશરના સ્તરને નિયંત્રિત કરી શકાય.

શરીરને હંમેશા હાઇડ્રેટેડ રાખો. દિવસમાં ઓછામાં ઓછું 7-8 ગ્લાસ પાણી જરૂર પીવો. બીપી લેવલને યોગ્ય રાખવા માટે મીઠું ખૂબ જ જરૂરી છે. જો તમારું બીપી ઓછું રહે છે, તો ખોરાકમાં સોડિયમની માત્રા વધારવી જોઈએ.

તમારા આહારમાં કેફીન ધરાવતી વસ્તુઓનો સમાવેશ કરો. તેનાથી તરત જ બીપી વધે છે. મોસમી ફળો અને શાકભાજી જરૂર ખાવા જોઈએ. જો તમારું બીપી મોટાભાગે ઓછું રહેતું હોય તો ડૉક્ટરની સલાહ જરૂર લો.

જો તમને આ જાણકરી જીવનમાં ઉપયોગી લાગે છે તો આવી વધુ માહિતી મેળવવા માંગતા હોય તો રસોઈનીદુનિયા સાથે જોડાયેલા રહો.