શું તમે પણ ઘરે નાસ્તામાં સ્ટફ્ડ મગની દાળના ચીલા બનાવવા માંગો છો? જો હા, તો તમારે આ રેસિપી છેલ્લે સુધી જરૂર વાંચવી જોઈએ. આજે અમે તમને સ્ટફ્ડ મગની દાળના ચીલા બનાવવાની રીત સ્ટેપ બાય સ્ટેપ રેસીપી જણાવીશું, જેથી તમે કોઈપણ ભૂલ વગર તમારા ઘરે બનાવી શકશો.
સામગ્રી
- પીળી મગની દાળ – 1 કપ
- ચણાની દાળ – 1/4 કપ
- હીંગ – 2 ચપટી
- સ્વાદ મુજબ મીઠું
- હળદર પાવડર – 1/4 ચમચી
- જીરું પાવડર- 1/2 ટીસ્પૂન
- પનીર – 200 ગ્રામ
- સમારેલા ગાજર – 4 ચમચી
- સમારેલા કેપ્સીકમ – 3 થી 4 ચમચી
- સમારેલી ડુંગળી – 3 થી 4 ચમચી
- સમારેલા લીલા મરચા – 3 થી 4
- છીણેલું આદુ – 2 ચમચી
- સમારેલી કોથમીર
- કાળા મરી પાવડર – 1/2 ચમચી
- સ્વાદ મુજબ મીઠું
સ્ટફ્ડ મગની દાળના ચીલા
સ્ટફ્ડ ચીલા બનાવવા માટે, એક બાઉલ લો અને તેમાં 1 કપ મગની દાળ અને 1/4 કપ ચણાની દાળ ઉમેરો. બંને દાળને ધોઈ લો અને વધારાનું પાણી કાઢી નાખો. મગની દાળ અને ચણાની દાળને ગરમ પાણીમાં 1/2 કલાક પલાળી રાખો.
એક બાઉલમાં 200 ગ્રામ પનીર લો અને તેને છીણીની મદદથી છીણી લો. હવે તેમાં 4 ચમચી સમારેલા ગાજર, 3-4 ચમચી સમારેલા કેપ્સિકમ અને 3-4 ચમચી સમારેલી ડુંગળી, 3-4 સમારેલા લીલા મરચાં, 2 ચમચી છીણેલું આદુ અને 2 ચમચી સમારેલી કોથમીર ઉમેરો અને સારી રીતે મિક્સ કરો. 1/2 ચમચી કાળા મરી પાવડર, સ્વાદ મુજબ મીઠું ઉમેરીને બરાબર મિક્ષ કરો.
હવે 30 મિનિટ પછી દાળને ચેક કરો અને વધારાનું પાણી કાઢી લો. પલાળેલી દાળને ગ્રાઇન્ડર જારનો ઉપયોગ કરીને પીસી લો અને સ્મૂધ પેસ્ટ બનાવો. આ બેટરને બાઉલમાં કાઢી લો. બેટરમાં 1 ચમચી રવો, 2 ચપટી હિંગ, સ્વાદ મુજબ મીઠું, 1/4 ચમચી હળદર, 1/2 ચમચી જીરું પાવડર ઉમેરો અને બધું બરાબર મિક્સ કરો.
ગેસ પર એક તવા મૂકો, તેમાં બે ચમચા બેટર ઉમેરો અને તેને ઘડિયાળની દિશામાં સારી રીતે ફેલાવો. હવે તેના ઉપર તૈયાર કરેલું સ્ટફિંગ ઉમેરીને ચીલા પર ફેલાવો. ચીલા પર 1 ચમચી ઘી રેડો. ડા સમય પછી, ચીલાને ફેરવો અને તેને ગોલ્ડન થાય ત્યાં સુધી સારી રીતે ફ્રાય કરો.
ચીલા સોનેરી થઈ જાય પછી ચાટ મસાલો છાંટી, ચીલાને ફોલ્ડ કરીને પ્લેટમાં કાઢી લો. હવે તમારા સ્ટફ્ડ ચીલા સંપૂર્ણપણે તૈયાર છે. તમે તેનો આનંદ માણી શકો છો.
જો તમને અમારી સ્ટફ્ડ મગની દાળના ચીલા બનાવવાની રીત પસંદ આવી હોય તો શેર કરજો. આવી અવનવી વાનગી જાણવા માટે રસોઈનીદુનિયા ફેસબુક પેજને ફોલો કરો.
