માલપુઆ એક પરંપરાગત ભારતીય વાનગી છે. તેનો સ્વાદ અને ટેક્ચર ખૂબ જ સારી લાગે છે. આ એક અનોખી મીઠાઈ છે, આ રેસીપીને ઇન્સ્ટન્ટ માલપુઆ રેસીપી તરીકે ઓળખવામાં આવે છે કારણ કે તે દૂધથી તૈયાર કરવામાં આવે છે.
માલપુઆ રેસીપી ઘણીવાર તહેવારો, ખાસ પ્રસંગો દરમિયાન બનાવવામાં આવે છે અને તે સ્ટ્રીટ ફૂડ પણ છે. માલપુઆ અંદરથી સોફ્ટ અને પોચા હોય છે. ચાલો માલપુઆ બનાવવાનું શરૂ કરીએ, સૌથી પહેલા તેની મુખ્ય સામગ્રી જાણીએ.
સામગ્રી
- મેદાનો લોટ – 1 કપ
- સોજી – 1/4 વાટકી
- મિલ્ક પાવડર – 2 ચમચી
- વરિયાળી – 1/2 ચમચી
- લીલી ઈલાયચી પાવડર – 1/4 ચમચી
- દૂધ – 1.5 કપ
- ખાંડ – 1 કપ
- કેસર
- ઘી
- પાણી – 1 કપ
~~
માલપુઆ બનાવવાની રીત :
એક બાઉલમાં મેદાનો લોટ અને સોજી લો. સોજી ઉમેરવાથી માલપૂઆ સારા બને છે. આ પછી મિલ્ક પાવડર નાખો. હવે વરિયાળીનો દાણાદાર પાવડર બનાવી તેમાં નાખો. છેલ્લે લીલી ઈલાયચી પાવડર નાખીને બરાબર સારી રીતે મિક્સ કરી લો.
હવે તેમાં ધીમે ધીમે દૂધ ઉમેરીને બેટર બનાવો. દૂધ ધીરે ધીરે જ ઉમેરો જેથી બેટરમાં કોઈ ગઠ્ઠો ન રહે. બેટરને મધ્યમ જ રાખો, ન તો બહુ જાડું કે ન તો બહુ પાતળું. હવે તેને 15 મિનિટ સેટ થવા માટે રહેવા દો.
હવે ખાંડની ચાસણી બનાવવા માટે, એક તપેલીને ગેસ પર મૂકો અને તેમાં એક કપ ખાંડ અને પાણી (250 મિલી) ઉમેરો. હવે ગેસ ફૂલ કરો અને ખાંડ ઓગળે ત્યાં સુધી હલાવતા રહો. હવે તેમાં કેટલાક કેસરના દોરાઓ ઉમેરો.
જ્યારે ખાંડ ઓગળી જાય તે માટે તેને વધુ 2 થી 3 મિનિટ સુધી પકાવો જેથી ચાસણી થોડી ચીકણી થઈ જાય કારણ કે આપણે અહીં કોઈ સ્ટ્રિંગી ચાસણી બનાવવા માંગતા નથી. હવે ચાસણી તૈયાર છે અને ગેસ બંધ કરી દો.
હવે બેટરને તપાસો, જો બેટર પહેલેથી જ ઘટ્ટ છે તો તેમાં થોડું દૂધ ઉમેરો અને તેને મધ્યમ બનાવો. જ્યારે બેટર તૈયાર થઈ જાય, ત્યારે પેનને ગેસ પર મૂકો અને તળવા માટે તેમાં ઘી નાખો. ઘી ગરમ થાય એટલે આંચ ધીમી કરો અને તેમાં થોડું બેટર નાખો અને લાઈટ બ્રાઉન થાય ત્યાં સુધી તળો.
આ રીતે બંને બાજુથી ફ્રાય કરો. જ્યાં સુધી બધા માલપુઆ તળાઈ ન જાય ત્યાં સુધી આ રીતે બધા માલપુઆ પાડીને તળી લો. હવે માલપુઆ પેનમાંથી બહાર કાઢીને સીધા ખાંડની ચાસણીમાં 2 થી 3 મિનિટ માટે રાખો અને પછી ચાસણીમાંથી કાઢી લો.
તમારા ટેસ્ટી માલપુઆ બનીને તૈયાર છે. તમે માલપુઆને ગરમ પણ ખાઈ શકો છો અને ઠંડાં કરેલા માલપુઆને મીઠાઈ તરીકે પણ સર્વ કરી શકો છો.
ખાસ ટીપ : તમે મિલ્ક પાવડરને બદલે મલાઈનો પણ ઉપયોગ કરી શકો છો. માલપુઆને તળવા માટે માત્ર ઘીનો ઉપયોગ કરો કારણ કે તે માલપુઆને ખૂબ જ સારો સ્વાદ અને સુગંધ આપે છે.
