મોટાભાગના લોકોને સંગીત સાંભળવું ગમે છે. તેનાથી આપણો મૂડ સુધરે છે. ઘણીવાર ખરાબ ગીત કે સૂર આપણને માયુસ કરી દે છે. અને સારું મ્યુઝિક મૂડને ફ્રેશ પણ કરે છે. મ્યુઝિક સાંભળવાથી માત્ર આપણા મૂડમાં સુધારો થતો નથી પણ આપણા સ્વાસ્થ્ય પર પણ સારી અસર પડે છે. આને મ્યુઝિક થેરાપી કહેવામાં આવે છે.
મ્યુઝિક થેરાપી એ એક પ્રકારની થેરાપી હોય છે જે આપણા શારીરિક અને માનસિક સ્વાસ્થ્યને સુધારી શકે છે. હૃદય અને દિમાગને આરામ આપવા માટે પણ મ્યુઝિક સારું માનવામાં આવે છે. ઘણીવાર આપણે તણાવમાં હોઈએ અથવા ચિંતા અનુભવીએ ત્યારે તેને દૂર કરવામાં મદદ કરી શકે છે.
સ્વસ્થ રહેવા માટે જેટલું સારું ખાવું અને પૂરતી ઊંઘ લેવી જરૂરી છે, તેટલું જ હૃદય અને દિમાગને આરામ મળવો પણ જરૂરી છે. આ લેખમાં અમે તમને મ્યુઝિક થેરાપીના સ્વાસ્થ્ય લાભો વિશે જણાવીશું.
શારીરિક સ્વાસ્થ્ય લાભો
સંગીત ચિકિત્સા, શારીરિક અને માનસિક સ્વાસ્થ્યને સુધારવામાં મદદ કરે છે. જો શરીરમાં ક્યાંય પણ દુખાવો થતો હોય તો તેને સંગીત દ્વારા નિયંત્રિત કરી શકાય છે. સંગીત સાંભળવાથી એન્ડોર્ફિન હોર્મોન્સ ઉત્પન્ન થાય છે. આ સુખી હોર્મોન છે, જે પીડા ઘટાડવામાં મદદ કરી શકે છે. આ ઉપરાંત, સંગીત દ્વારા આપણું મનોરંજન પણ થાય છે, અને તેના કારણે તે આપણું ધ્યાન પીડામાંથી હટાવવામાં મદદ કરી શકે છે.
માનસિક અને ભાવનાત્મક સ્વાસ્થ્ય લાભો
સંગીત માનસિક અને ભાવનાત્મક સ્વાસ્થ્ય માટે દવા જેવું કામ કરે છે. તે આપણા મૂડને સુધારે છે, ચિંતા અને હતાશામાં મદદ કરે છે. આ શરીરમાં સ્ટ્રેસ હોર્મોન કોર્ટિસોલનું સ્તર ઘટાડે છે. તેની આપણી નર્વસ સિસ્ટમ સારી રીતે કામ કરે છે. એટલું જ નહીં, સંગીત આપણી યાદશક્તિને સુધારે છે અને આપણી કુશળતા પર પણ સારી અસર કરે છે. તેનાથી મગજ માટે ઘણા ફાયદા થઈ શકે છે.
આ પણ વાંચો : બાળકોને શારીરિક અને માનસિક રીતે મજબૂત બનાવવા અપનાવી લો આ કેટલીક ટિપ્સ
મ્યુઝીક થેરાપીની સાચી રીત
મ્યુઝીકને તમારા જીવનનો એક ભાગ બનાવો. બધું છોડી દો અને દરરોજ 10 મિનિટ માટે સંગીત જરૂર સાંભળો. આ દરમિયાન જો તમારું ધ્યાન અહીં-ત્યાં ભટકવા લાગે તો સંગીત પર ધ્યાન કેન્દ્રિત કરવાનો પ્રયાસ કરો. દરરોજ 10 મિનિટ આમ કરવાથી તમે આપોઆપ બદલાવ અનુભવશો.
આ પણ વાંચો : માતાપિતાની આ 5 ભૂલો જ બાળકોના માનસિક સ્વાસ્થ્યને નુકસાન પહોંચાડે છે, જાણો કઈ છે ભૂલો
જો તમને અમારો આજનો આ લેખ પસંદ આવ્યો હોય તો શેર કરજો. આવા વધુ લેખો ઘરે બેઠા વાંચવા માટે રસોઈનીદુનિયા સાથે જોડાયેલા રહો.
