બાકીના દિવસોની સરખામણીમાં વરસાદી ઋતુમાં ઘણી વસ્તુઓ ખરાબ થઇ જાય છે. દાખલા તરીકે, ચણાનો લોટ, મેદાનો લોટ, મસાલા પાવડર વગેરે બે થી ત્રણ અઠવાડિયામાં જ બગડી જતું હોય છે. આ સ્થિતિમાં, આ વસ્તુઓને સાચવવા માટે વધારે ધ્યાન આપવું જરૂરી છે.
આ બધી વસ્તુઓ સિવાય પણ એક બીજી વસ્તુ છે જે ખૂબ જ ઝડપથી બગડી જતી હોય છે. અમે અહીંયા સોજી વિશે વાત કરી રહ્યા છીએ. સોજીનું પેકેટ ખોલ્યા પછી થોડા દિવસો કે મહિનાઓ પછી તેમાં જંતુઓ પડી જાય છે. ઘણી વાર સ્ત્રીઓ વરસાદની ઋતુમાં જંતુઓ ના પડે તેને કારણે ખૂબ જ ઓછી માત્રામાં ઘરમાં સોજી રાખતી હોય છે.
જો તમારી સાથે પણ આવું જ કંઈક થતું હોય તો અમે તમને રસોડાની કેટલીક ટિપ્સ જણાવવા જઈ રહ્યા છીએ જેનો ઉપયોગ કરીને તમે ચોમાસાની ઋતુમાં સોજીને જંતુઓથી દૂર રાખી શકો છો. તો ચાલો જાણીએ કેવી રીતે જાળવણી કરી શકાય.
તજ : તજની મદદથી પણ તમે ચોમાસાની ઋતુમાં સોજીમાં પડતા કીડાઓથી બચાવી શકો છો. આ માટે પણ સૌથી પહેલા સોજીને એર ટાઈટ બોક્સમાં રાખો. પછી તજનો પાવડર અથવા આખા તજના એક થી બે ટુકડાને કાગળમાં લપેટો. હવે તે બોક્સ અથવા ડબ્બામાં તજને નાખીને સારી રીતે બંધ કરો. તજના ઉપયોગથી એક થી બે મહિના સુધી સોજીને ખરાબ થતા બચાવી શકાય છે.
ઈલાયચી : ઈલાયચી આપણા રસોડાનો મહત્વનો મસાલો છે. ઘણા લોકો ઈલાયચી વગર તૈયાર કરેલી ચા પીવાનું પણ પસંદ કરતા નથી. ઠીક છે પણ જો તમારા ઘરમાં મોટી ઈલાયચી અથવા નાની ઈલાયચી હોય, તો તેની મદદથી તમે ચોમાસાના દિવસોમાં સોજીને ઝડપથી બગડતા બચાવી શકો છો.
આ માટે, સૌ પ્રથમ સોજીને એર ટાઈટ ડબ્બામાં રાખો, પછી, એક કાગળમાં 4 થી 5 ઈલાયચીને સારી રીતે લપેટી લો. પછી, તેને તે ડબ્બામાં રાખીને તેને સારી રીતે બંધ કરો. આમ કરવાથી, સોજીમાં ક્યારેય જંતુઓ પડતા નથી.
તેજપત્તા ની સાથે મોટી ઈલાયચી : જો કે ઘણા લોકો સોજીને જંતુઓથી બચાવવા માટે લીમડાના સૂકા પાનનો પણ ઉપયોગ કરતા હોય છે, તો પણ બગડવાનો ભય રહેતો હોય છે. આ સ્થિતિમાં લીમડાના સૂકા પાંદડાને બદલે તમે તેજપત્તા અને મોટી ઇલાયચીનો ઉપયોગ કરીને જંતુઓથી સોજી બચાવી શકો છો.
આ માટે તમે તેમને કાગળમાં લપેટી શકો છો અથવા તેને આ રીતે પણ સીધી મૂકી શકો છો,પણ પહેલા તમારે સોજીને એર ટાઈટ બોક્સમાં રાખવી પડશે. ધ્યાન રાખો કે સોજીનો ઉપયોગ કર્યા પછી હંમેશા બોક્સને યોગ્ય રીતે બંધ કરવાનું ભૂલશો નહીં. અમને આશા છે કે આ ટિપ્સને અપનાવ્યા પછી, તમે દરેક ચોમાસાની ઋતુમાં જંતુઓથી સોજીને સરળતાથી બચાવી શકો છો.
તમને અમારી આ પોસ્ટ પસંદ આવી હોય તો આગળ જરૂરથી કરજો, બીજા સુધી આ માહિતી પહોંચે. ગુજરાતી ભાષામાં આવી અવનવી ,સ્વાસ્થ્ય, ટિપ્સ અને ટ્રીક, રેસિપી જોવા અને નવી- નવી રેસિપી ઘરે બેસી જાણવા અને શીખવા માટે અમારાં Page” રસોઈ ની દુનિયા ને Like & Follow કરો. Follow કરવાં માટે અહી Click કરો રસોઈ ની દુનિયા.
