સોજી અને બટાકાના ચિલ્લા બનાવવાની રીત, બાળકોથી લઈને વડીલોને પણ ભાવશે
આ નાસ્તો વડીલોને પણ ખુબ જ પસંદ આવશે, કારણ કે આ એકદમ સોફ્ટ બને છે. મારા પર વિશ્વાસ કરો કે આ રેસિપી બાળકોને અને વડીલોને ખુબ જ પસંદ આવશે. તો ચાલો કોઈ પણ સમય બગાડ્યા વિના જાણીએ આલૂ સોજી ચિલ્લાની રેસીપી.
સામગ્રી
- બાફેલા બટાકા – 4
- સોજી – 200 ગ્રામ
- ચણાનો લોટ – 1/2 કપ
- અજમો – 1/2 ચમચી
- જીરું – 1/2 ચમચી
- હળદર પાવડર – 1/2 ચમચી
- જીણા સમારેલા ટામેટા – 1 પીસ
- જીણા સમારેલા લીલા મરચા – 2 નંગ
- કોથમીરના પાન
- ગરમ મસાલો – 1/4 ચમચી
- હીંગ – 1 ચપટી
- સ્વાદ અનુસાર મીઠું
- રસોઈ તેલ
ચિલ્લા બનાવવાની રીત
ઝડપી અને સ્વાદિષ્ટ બટેટા સૂજી ચિલ્લા બનાવવા માટે, એક બાઉલ લો, બાઉલમાં 4 બાફેલા બટેટા નાખો અને તેને સારી રીતે મેશ કરો. મેશ કરવા માટે તમે મેશર નો ઉપયોગ કરી શકો છો. હવે તેમાં 200 ગ્રામ સોજી, 1/2 કપ ચણાનો લોટ, 1/2 ચમચી અજમો, 1/2 ચમચી જીરું, 1/2 ચમચી હળદર પાવડર અને સ્વાદ મુજબ મીઠું ઉમેરો.
હવે એક ચપટી હિંગ, 1/4 ચમચી ગરમ મસાલો ઉમેરો અને બધું સારી રીતે મિક્સ કરો. હવે થોડું-થોડું પાણી ઉમેરીને જાડું બેટર તૈયાર કરો. બેટર એવું તૈયાર કરો કે તમે સરળતાથી ચિલ્લા બનાવી શકો.
હવે બેટરમાં, બારીક સમારેલા લીલા મરચાં, ઝીણી સમારેલી કોથમીર અને બારીક સમારેલા ટામેટાં ઉમેરો અને બધું સારી રીતે મિક્સ કરો. બેટર જાડું લાગે તો જરૂર મુજબ પાણી ઉમેરો, સારી રીતે મિક્સ કરો અને મધ્યમ જાડું બેટર બનાવો. હવે બેટરને ઢાંકીને 5 મિનિટ માટે બાજુમાં રાખો.
5 મિનિટ પછી બેટરને ચેક કરો, અને જો તમારું બેટર ઘટ્ટ થઈ જાય તો થોડું પાણી ઉમેરીને ફરી મિક્સ કરી લો. હવે શેકવા માટે, ગેસ પર નોન સ્ટિક પેન મુકો અને તેને તેલથી ગ્રીસ કરો અને તેને સારી રીતે ગરમ કરો. પેન ગરમ થયા પછી, પેનમાં બેટરથી ભરેલો 1 ચમચો રેડો અને તેને એક દિશામાં ગોળ ગોળ સારી રીતે ફેલાવો.
હવે ઉપરથી અને કિનારીઓમાં તેલના થોડા ટીપાં નાંખો. હવે ઢાંકણ બંધ કરો અને 2 મિનિટ માટે ધીમી આંચ પર સારી રીતે રાંધો. 2 મિનિટ પછી, ઢાંકણ હટાવીને ચીલાને ફેરવો. હવે ફરીથી તેલના થોડા ટીપાં છાંટો, અને 2 મિનિટ માટે સારી રીતે ફ્રાય કરો.
2 મિનિટ પછી ચીલાને એક પ્લેટમાં કાઢી લો અને બીજા ચીલાને આ રીતે શેકી લો. હવે તમારો સ્વાદિષ્ટ નાસ્તો આલૂ સુજી ચિલ્લા સંપૂર્ણપણે તૈયાર છે, અને તમે તેનો આનંદ માણી શકો છો. આ ચિલ્લા ડુંગળી અને ટામેટાની ચટણી સાથે ખુબ જ સરસ લાગે છે.
આ પણ વાંચો:
- સોજીનો આ રીતે બનાવો સ્વાદિષ્ટ નાસ્તો, ક્યારેય વજન નહીં વધે
- સોજી અને બટાકાનો આટલો સ્વાદિષ્ટ નાસ્તો, દરેક વ્યક્તિ પૂછશે કે કેવી રીતે બનાવ્યો
