Saturday, November 5, 2022
Homeગુજરાતીઈડલી સ્ટેન્ડ કે મોલ્ડ વગર સૂજી ઈડલી બનાવવાની આ રીત તમને આશ્ચર્યચકિત...

ઈડલી સ્ટેન્ડ કે મોલ્ડ વગર સૂજી ઈડલી બનાવવાની આ રીત તમને આશ્ચર્યચકિત કરી દેશે

ઈડલી સાઉથ ઇન્ડિયન ની એક ફેમશ ડીશ છે. પરંતુ હવે તેને સમગ્ર ભારતના દેશના લોકો ખુબ જ આનંદથી ઈડલીની મજા લે છે. ઈડલીની સૌથી સારી વાત એ છે કે તેને બનાવવામાં તેલનો ઉપયોગ કરવામાં આવતો નથી, માત્ર ઈડલીના મોલ્ડને તેલથી ગ્રીસ કરવામાં આવે છે.

જો કે ઈડલી દરેકના ઘરે અલગ રીતે બનાવવામાં આવે છે, પરંતુ આજની આ રેસિપીમાં આપણે મોલ્ડ વગરની સોજીની ઈડલી બનાવીશું. જો તમારા ઘરમાં ઈડલીનું સ્ટેન્ડ કે મોલ્ડ ન હોય તો તમે આ રીતે આ સોજીની ઈડલી ખૂબ જ સરળતાથી ઘરે બનાવી શકો છો. તો ચાલો જોઈએ તેને બનાવવાની રીત.

સામગ્રી : સોજી – 1 કપ, દહીં – 1/2 કપ, ઇનો -1 પાઉચ, સ્વાદ પ્રમાણે મીઠું અને પાણી. ચટણી માટે : મગફળીના દાણા – 100 ગ્રામ, લીલા મરચા – 3, લસણની કળી- 4, તેલ – 1 ચમચી, રાઈના દાણા – 1 ચમચી, સ્વાદ મુજબ મીઠું, મીઠા લીમડાના પાંદડા – 7 અને જરૂર મુજબ પાણી.

ઈડલી બનાવવાની રીત : સૌ પ્રથમ એક મોટા વાસણમાં સોજી અને દહીં નાખીને સારી રીતે મિક્ષ કરી લો. પછી લગભગ પોણો કપ પાણી ઉમેરીને તેને મિક્સ કરો. આ પછી, સોજીને 8 થી 10 મિનિટ માટે ઢાંકીને રાખો જેથી કરીને સોજી સારી રીતે ફૂલી જાય.

લગભગ 10 મિનિટ પછી, હવે સોજીમાં એક ઇનો પાઉચ, સ્વાદ મુજબ મીઠું અને થોડું પાણી ઉમેરીને સોજીનું ઘટ્ટ બેટર બનાવો. હવે કઢાઈમાં કે તપેલામાં બે કપ પાણી નાખીને તેમાં સ્ટેન્ડ અથવા ચાળણી મૂકીને પાણીને ગરમ કરવા માટે રાખો.

હવે ઈડલી બનાવવા માટે નાની નાની ડીશ લો અને તેમાં તેલ લગાવો જેથી ઈડલી રાંધ્યા પછી પ્લેટમાં ચોંટી ન જાય અને ડીશમાંથી ઈડલી સરળતાથી નીકળી જાય. હવે બધી ડીશમાં થોડું થોડું બેટર નાખીને ભરો. ડીશમાં બેટર વધારે ન ભરો કારણ કે ઈડલી રાંધતી વખતે ફૂલી જશે.

હવે બેટરથી ભરેલી ડિશને ચારણી પર રાખો અને પછી ઢાંકણ ઢાંકી દો અને ઈડલીને 5 થી 6 મિનિટ સુધી ઊંચી આંચ પર પકાવો. લગભગ 5 થી 6 મિનિટ પછી ઈડલીમાં છરી નાખીને તપાસો, જો છરી પર ચોંટતી નથી તો ઈડલી સારી રીતે ચડી ગઈ છે, અન્યથા થોડીવાર પકાવો.

હવે ઈડલીને બહાર કાઢીને ઠંડુ થવા માટે રાખો. ઠંડુ થયા પછી ઈડલીને છરીથી કાઢીને પ્લેટમાં કાઢી લો. તો તૈયાર છે ઈડલી. ઈડલી સંભાર સાથે ખાવામાં આવે છે પણ આપણે ચટણી સાથે આ ઈડલીને સર્વ કરીશું.

તો ચટણી માટે, સૌપ્રથમ મગફળીને કડાઈમાં નાખીને શેકી લો. પછી એક મિક્સર જારમાં શેકેલી મગફળી, લસણની કળીઓ, લીલા મરચાં અને થોડું પાણી ઉમેરીને ચટણીને સારી રીતે પીસી લો. ચટણીને પીસી લીધા પછી તેને એક વાસણમાં કાઢી લો અને પછી તેમાં સ્વાદ મુજબ મીઠું નાખીને મિક્સ કરો.

હવે ચટણીમાં તડકો કરવા માટે એક બાઉલમાં એક ચમચી તેલ નાખીને ગરમ કરો. તેલ ગરમ થાય એટલે તેમાં એક ચમચી રાઈના દાણા નાખીને તતડવા દો પછી તેમાં બે લીલાં મરચાં, થોડી મીઠા લીમડાના પત્તા નાખીને ફ્રાય કરી લો.

આ પછી, ગેસ બંધ કરો અને આ તડકાને ચટણીમાં ઉમેરો. હવે સોફ્ટ ઈડલી અને તેની સાથે સ્વાદિષ્ટ ચટણી પણ બનીને તૈયાર છે. હવે ઈડલી અને ચટણીને ખાવા માટે સર્વ કરો.

સૂચન : ઈડલી માટે બેટર થોડું જાડું બનાવો કારણ કે જો બેટર ઘટ્ટ હશે તો ઈડલી એકદમ સોફ્ટ અને સ્પોન્જી થઈ જશે. બેટર બનાવવા માટે તાજુ દહીં જ લો, ખાટા દહીંનો બિલકુલ ઉપયોગ ન કરો. જો તમે ઈચ્છો તો આ ઈડલીને ચારણીની જગ્યાએ નાના બાઉલમાં અથવા ઈડલી સ્ટેન્ડમાં બનાવી શકો છો.

રસોઇ ની દુનિયા
રસોઇ ની દુનિયા
ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા
RELATED ARTICLES
- Advertisment -

Most Popular

x