સવારથી સાંજ સુધી આપણે કોઈપણ સ્વરૂપે ડ્રાયફ્રૂટ્સનું સેવન કરીએ છીએ, જેમ કે ક્યારેક આપણે ડ્રાયફ્રૂટ્સમાંથી બનાવેલા લાડુ ખાઈએ છીએ, તો ક્યારેક ગાર્નિશ કરીને. આજે આપણે કાજુ વિશે વાત કરીશું.
કાજુ વજન ઘટાડવામાં, હૃદયને સ્વસ્થ રાખવામાં અને રોગપ્રતિકારક શક્તિ વધારવામાં મદદ કરે છે. પરંતુ જ્યારે પણ આપણે કાજુ ખરીદવા જઈએ છીએ ત્યારે આપણા મનમાં ઘણા પ્રશ્નો આવે છે જેમ કે સારી ગુણવત્તાના કાજુ કેવી રીતે ખરીદવા જોઈએ? હવે કેવી રીતે જાણવું કે તે કેવા પ્રકારના કાજુ છે અથવા તે તાજા છે?
આ બહુ સામાન્ય પ્રશ્નો છે, જે ચોક્કસ તમારા મનમાં પણ આવતા જ હશે. આવી સ્થિતિમાં, ચાલો જાણીએ કે સારા કાજુને કેવી રીતે ઓળખવું. ફક્ત નીચે આપેલા સ્ટેપ્સને અનુસરો. જો કે સારા કાજુની ઓળખ કરવી સરળ નથી, પરંતુ જો કેટલીક બાબતોનું ધ્યાન રાખવામાં આવે તો આપણે ખરાબ કાજુ ખરીદવાથી બચી શકીએ છીએ.
કાજુની ગુણવત્તા પર ધ્યાન આપો : બહુ ઓછા લોકો જાણતા હશે કે કાજુની ગુણવત્તા ઘણા પ્રકારના હોય છે, જેમ કે સફેદ કાજુ, મીઠા કાજુ , આખા કાજુ, જમ્બો કાજુ વગેરે. આ ઉપરાંત, રચનાની દ્રષ્ટિએ કાજુના ઘણા પ્રકારો છે, જેમ કે ગોળ કાજુ, અડધા કાપેલા કાજુ વગેરે. તેથી ગુણવત્તા અને કિંમતના આધારે કાજુ ખરીદો.
કાજુનું કદ : કાજુ ખરીદતા પહેલા તમારે તેની સાઈઝ પર પણ ધ્યાન આપવું જોઈએ કારણ કે બજારમાં દરેક સાઈઝના કાજુ મળે છે. મોટા અને આખા અને જમ્બો કાજુ ખરીદવું વધુ સારું છે કારણ કે તેનો સ્વાદ ખૂબ જ સારો હોય છે. જો તમે માત્ર ગાર્નિશિંગ માટે કાજુ ખરીદો છો તો તમે નાના કદના કાજુ ખરીદી શકો છો.
કાજુ રંગ : કાજુ શેકેલા છે કે નહીં તેના આધારે તેનો રંગ અલગ અલગ હોઈ શકે છે. પરંતુ આપણે તેના રંગના આધારે ગુણવત્તાને ચેક કરી શકીએ છીએ. જે કાજુ વધુ ગોલ્ડન બ્રાઉન હોય છે તે ઘણીવાર નિસ્તેજ, સફેદ-પીળા દેખાતા કાજુ કરતાં વધુ સ્વાદિષ્ટ હોવાનું કહેવાય છે. ઉપરાંત, ઘેરા બદામી કાજુને ખરીદવાનું ટાળવું જોઈએ.
તાજા કાજુ ખરીદો : કાજુ ખરીદતી વખતે સૌથી મહત્વની બાબત એ છે કે તે તાજા હોવા જોઈએ. જો કાજુમાંથી ગંધ આવી રહી હોય તો સમજવું કે તે જૂના છે. ધ્યાનમાં રાખો કે તમે હંમેશા પેક્ડ કાજુ ખરીદો. પેક કરેલા કાજુને એવી રીતે પેક કરવામાં આવે છે કે તે લાંબા સમય સુધી તાજા રહે અને બગડે નહીં.
પરંતુ જો તમે જથ્થાબંધ કાજુ ખરીદો છો, તો તમારી આ આદતમાં સુધારો કરો અને જો તમે કાજૂનો ઉપયોગ થોડો કરો છો તો નાનામાં નાના પેકિંગવાળા કાજુના પેકેટો ખરીદો. જો તમે રોજ કાજુ ખાઓ છો, તો જ તમારે એક મોટું પેકેટ ખરીદવું જોઈએ.
કાજુને આ રીતે તાજા રાખો : કાજુને લાંબા સમય સુધી તાજા રાખવા માટે તેને હવાચુસ્ત પાત્રમાં રાખો. જ્યારે કાજુનું પેકિંગ ખોલવામાં આવે છે, ત્યારે તેમ ભેજ લાગી જવાનો ડર પણ વધી જાય છે. એટલા માટે તેમને આવા બોક્સની અંદર રાખો જેમાં હવા ન લાગે.
જો કાજુને હવા મળે છે ત્યારે તે ક્રિસ્પી રહેશે નહીં અને જંતુઓ પણ પડી શકે છે. આશા છે કે તમને આ જાણકરી ઉપયોગી સાબિત થશે. જો તમને આવી જ જાણકરી વાંચવી ગમતી હોય તો રસોઈનીદુનિયા સાથે જોડાયેલા રહો.
