ભારતમાં મધ્યમ વર્ગના પરિવારમાં ટુ વ્હીલર સૌથી વધુ લોકપ્રિય છે, જેના પરિણામે મોટાભાગના ઘરોમાં એક કે બે ટુ વ્હીલર છે. લોકો ટ્રાફિકથી બચવા માટે ટુ વ્હીલર પસંદ કરે છે અને ટુ વ્હીલર કાર કરતા વધુ માઈલેજ આપે છે. એટલા માટે ટુ વ્હીલરનો સૌથી વધારે ઉપયોગ થાય છે.
આજની યુવા પેઢીમાં પણ ટુ વ્હીલરનો ઘણો ક્રેઝ ચાલે છે, જેના કારણે ટુ વ્હીલરના નવા મોડેલ દરરોજ આવતા રહે છે અને લોકો કઈ પણ વિચાર્યા વગર ટુ વ્હીલર ખરીદે છે. પછીથી તેમને ઘણી સમસ્યાઓ નડે છે, કારણ કે તેઓ નથી જાણતા કે ટુ-વ્હીલર ઘણા પ્રકારના છે. તો તમે પણ નવું ટુ વ્હીલર ખરીદવા માંગો છો તો કેટલીક ટિપ્સ જાણી લો.
બજેટ કેવી રીતે નક્કી કરવું : ટુ વ્હીલર ખરીદતા પહેલા તમારું બજેટને ખાસ ધ્યાનમાં રાખો અને સાથે જ તમારે એ પણ જોવું પડશે કે તમે કયા હેતુથી ટુ વ્હીલર ખરીદવાનું છે. જો તમે ટુ વ્હીલર પર દરરોજ 50-100 કિલોમીટર મુસાફરી કરવાની હોય તો 60 હજારથી શરૂ થતા ટુ વ્હીલર ખરીદી શકો છો.
તે જ સમયે જો તમે દરરોજ 100-150 કિલોમીટરની મુસાફરી કરવાની હોય તો તમારે એક લાખથી વધુની કિંમતનું ટુ વ્હીલર ખરીદવું જોઈએ. જો તમે 500 km લાંબી મુસાફરી માટે ટુ વ્હીલર ખરીદી રહ્યા છો તો તમે 2 લાખથી વધુની કિંમતનું ટુ વ્હીલર ખરીદી શકો છો.
સીસી શું છે ? ટુ વ્હીલર ખરીદતી વખતે સૌથી પહેલા CCનું પણ ખાસ ધ્યાન રાખો. તમારા મનમાં પહેલો પ્રશ્ન આવે છે કે સીસી શું હોય છે? વાસ્તવમાં દરેક બાઇકમાં CC અલગ-અલગ હોય છે. તે તમને ટુ વ્હીલરની એન્જિન તાકાત જણાવે છે.
સરળ શબ્દોમાં સમજવું હોય તો, જો તમારું ટુ વ્હીલર વધારે સીસીનું છે તો તે ઓછા સીસીના ટુ વ્હીલર કરતાં વધુ ઝડપથી ચાલશે અને વધુ ઇંધણનો વપરાશ કરશે. અને તે જ સમયે, જો ઓછી સીસીનું ટુ વ્હીલર હોય તો તે ઉચ્ચ સીસીના ટુ વ્હીલર કરતાં ઓછી ઝડપે દોડશે અને તેમાં ઓછા ઇંધણનો વપરાશ થશે.
ફીડબેક પર ધ્યાન આપો : જો તમે નવું ટુ વ્હીલર ખરીદવા જઈ રહ્યા છો તો ફીડબેક પર ધ્યાન આપો, કારણ કે તે ખૂબ જરૂરી છે. તમને જાહેરાત અથવા છાપું, ટીવી દ્વારા બધી સુવિધાઓ વિશે માહિતી મળી જાય છે, તેમ છતાં તરત જ ટુ વ્હીલર ખરીદવું જોઈએ નહીં.
તમારે પહેલા તે ટુ વ્હીલર વિશે ફીડબેક લેવો જોઈએ અથવા શોરૂમમાં જઈને તેની ટ્રાયલ લેવી જોઈએ. ટુ વ્હીલરની સલામતીના દૃષ્ટિકોણથી, વ્યક્તિએ ટુ વ્હીલરના માલિક સાથે વાત કરવી જોઈએ. તે પછી તમારે વિચારીને ટુ વ્હીલર ખરીદવું જોઈએ.
લોકલ વિસ્તારમાં સર્વિસ સેન્ટર : ટુ વ્હીલર ખરીદતી વખતે કંપનીનું સર્વિસ સેન્ટર લોકલ વિસ્તારમાં છે કે નહીં તે તપાસવું જોઈએ, કારણ કે ટુ વ્હીલર ખરીદ્યા પછી શરૂઆતના મહિનાઓમાં તમારે કંપનીના સર્વિસ સેન્ટરમાંથી સર્વિસિંગ કરાવવી પડે છે. ઘણી વખત જો લોકલ વિસ્તારમાં કંપનીનું સર્વિસ સેન્ટર ના હોય તો તમારે દૂર જવું પડે છે, જેના પછી તમારો આખો દિવસ બગડે છે.
EMI માટે દસ્તાવેજો તૈયાર રાખો: જો તમે EMI પર ટુ વ્હીલર ખરીદી રહ્યા છો તો તમારે કેટલાક દસ્તાવેજોની જરૂર પડશે. આ પછી તમારી લોન મંજૂર થઈ જાય છે, જેમ કે ઓળખના પુરાવા જેવા કે પાન કાર્ડ, ચૂંટણી કાર્ડ, આધાર કાર્ડ, પાસપોર્ટ વગેરે વગેરે. તેમજ એડ્રેસ પ્રૂફમાં આધાર કાર્ડ, વીજળીનું બિલ, પાસપોર્ટ, રેશન કાર્ડ વગેરેની પણ જરૂર પડે છે.
આવકના પુરાવામાં છેલ્લા એક વર્ષનું બેંક સ્ટેટમેન્ટ લઇ શકે છે, જેના પછી લોન આપનાર કંપની ડોક્યુમેન્ટ ચેક કરીને તમને લોન આપશે. જો તમે ટુ વ્હીલર ખરીદવાનું વિચારી રહ્યા છો તો ઉપર જણાવેલી આ બાબતો પર ધ્યાન આપો, જેનાથી તમને ઘણો ફાયદો થઇ શકે છે. જો તમને આ માહિતી પસંદ આવી હોય તો રસોઈનીદુનિયા સાથે જોડાયેલા રહો.
