શું તમે દુબરાપણાથી પરેશાન છો? શું તમે હિરોઈન જેવી બોડી ઈચ્છો છો ? ઘણા ઉપાયો અજમાવી લીધા છતાં કોઈ ફરક નથી દેખાતો? તો તમારે હવે ચિંતા કરવાની કોઈ જરૂર નથી કારણ કે તમે કેટલાક યોગ આસનોથી સરળતાથી તમારું વજન વધારી શકો છો.
જો કે, આપણે વિચારીએ છીએ કે વજન ઓછું કરવું મુશ્કેલ છે અને આ માટે ખૂબ મહેનત કરવી પડશે. પરંતુ વજન વધારવું તેના કરતા પણ વધુ મુશ્કેલ કામ છે. દુબળી મહિલાઓ લાખો પ્રયત્નો કરવા છતાં વજન નથી વધારી શકતી. હા, વજન ઘટાડવા કરતાં વજન વધારવું વધારે મુશ્કેલ છે.
આસનો સ્નાયુઓની લંબાઈમાં વધારો કરે છે, મજબૂત બનાવે છે, સહનશક્તિમાં વધારો કરે છે અને આપણા ચયાપચયને વેગ આપે છે અને આપણે દિવસભર કેલરી બર્ન કરીએ છીએ. યોગ વજન ઘટાડવાની સાથે વજન વધારવામાં પણ મદદ કરે છે.
યોગનો સૌથી મોટો ફાયદો એ છે કે મશીનો કે કોઈપણ સાધનોની જરૂર નથી પડતી, જે લોકો સારું સ્વાસ્થ્ય મેળવવા માંગે છે તે લોકો માટે એક સારો વિકલ્પ છે. એક્ટિવ અને ઉર્જાવાન રહેવા માટે સવારે યોગ કરો.તો ચાલો વજન વધારવાના યોગ વિશે જણાવીએ.
માલાસન : બંને હાથને તમારી બાજુમાં સીધા રાખીને ઉભા રહો. ઘૂંટણ વાળો અને નીચે બેસી જાઓ. ખાતરી કરો કે પગ જમીન પર સપાટ રહે. હથેળીઓને પગની નજીક જમીન પર અથવા પ્રાર્થનાની મુદ્રામાં બેસી શકાય છે. આ યોગ કરતી વખતે તમારી કરોડરજ્જુને સીધી રાખો.
સર્વાંગાસન : પ્રથમ પીઠ પર સૂઈ જાઓ. હાથને શરીરની બાજુમાં રાખો. ધીમે ધીમે બંને પગને ફ્લોર પરથી ઉઠાવો અને આકાશ તરફ રાખો. ધીમે ધીમે કમરના ભાગને પણ ઉપર ઉઠાવો અને ટેકો રાખવા માટે હથેળીઓને પીઠ પર મૂકો. દાઢી છાતીને સ્પર્શ થાય એવો પ્રયાસ કરો અને આંખોને પગ તરફ કેન્દ્રિત કરો.
મત્સ્યાસન : સૌ પ્રથમ પીઠ પર સૂઈ જાઓ. કોણી અને હાથના આગળના ભાગને જમીન અથવા ફ્લોર પર ધકેલતી વખતે શ્વાસ લો. માથું અને ખભાને ઉપર ઉઠાવવા માટે હથેળીઓનો ઉપયોગ કરો. પછી, શ્વાસ લેતી વખતે, ખભાના ભાગને પાછળની તરફ દબાણ કરો. શરીરના ઉપરના ભાગને ઉપરની તરફ ઉંચો કરો. માથાને જમીનથી દૂર રાખો. આ માટે તમે પગને સીધા પણ કરી શકો છો અથવા ઘૂંટણને વાળી પણ શકો છો.
સંતુલાસન : સૌ પ્રથમ પેટ પર સૂઈ જાઓ. હથેળીઓને ખભાની બાજુમાં લાવો અને શરીર, કમરનો ભંગ અને ઘૂંટણે ઉપર ઉઠાવો. હાથ પંજાથી ફ્લોર પકડો અને ઘૂંટણને સીધા રાખો. ધ્યાન રાખો કે ઘૂંટણ, પેલ્વિસ અને કરોડરજ્જુ એકદમ સીધી રેખામાં હોય. કાંડા ખભાની નીચે અને હાથ સીધા હોવા જોઈએ. 20 થી 30 સેકન્ડ સુધી આ મુદ્રામાં રહો.
આપણે યોગ સિવાય પણ ખાતરી કરો કે આહાર પણ સારો હોવો જોઈએ. માત્ર વજન પર ધ્યાન કેન્દ્રિત કરવાને બદલે, આપણું લક્ષ્ય શરીરને તંદુરસ્ત ખોરાકથી પોષણ આપવાનું હોવું જોઈએ. તમારા આહારમાં ફાઈબરયુક્ત ખોરાકનો સમાવેશ કરીને વજન વધારી શકાય છે.
ભારે પ્રોસેસ પેકેજ્ડ ફૂડ્સને બદલે તાજું અને ઘરે બનાવેલું ખાવાનું પસંદ કરો. તમે પણ આ યોગ કરીને તમારું વજન ઝડપથી વધારી શકો છો. યોગ સંબંધિત આવી વધુ માહિતી મેળવવા માટે રસોઈનીદુનિયા સાથે જોડાયેલા રહો.
