બધા જાણીએ છીએ કે વધતું વજન બીજા ઘણા રોગોને આમંત્રણ આપે છે. સ્થૂળતાના કારણે લોકો અનેક ગંભીર બીમારીઓનો શિકાર બનવાની શક્યતા ખુબ જ વધી જાય છે. જો તમે પણ વજન ઓછું કરવા માંગતા હોય તો સૌથી પહેલા તમારે તમારા આહારમાં કેટલાક ફેરફાર કરવાની જરૂર છે.
આજની બદલાતી જીવનશૈલી સાથે, આપણા શરીરની કામ કરવાની રીત પણ બદલાઈ ગઈ છે. દોડધામથી ભરેલી આ જિંદગીમાં બહુ ઓછા લોકો એવા હોય છે જે પોતાના માટે વજન ઓછું કરવા માટે અને કસરત કરવા માટેનો સમય કાઢી શકતા હોય છે. અથવા બીજા શબ્દોમાં કહીએ તો, તેઓ પોતાની અને તેમના ખાવા-પીવાની કાળજી લેતા હોય છે.
આજકાલ વધતું વજન અનેક લોકોની સૌથી મોટી સમસ્યા બની ગઈ છે, કારણ કે જે રીતે વજન વધારવું અઘરું છે તેવી જ રીતે વજન ઓછું કરવું પણ થોડું મુશ્કેલ હોય છે. જેનું સૌથી મોટું કારણ છે આજની આપણી જીવનશૈલી. જેમાં ન તો આપણે સારી રીતે ખાઈએ છીએ અને ન તો સારો અને પોષક તત્વોથી ભરપૂર ખોરાક ખાઈએ છીએ.
બજારમાંથી મળતા નાસ્તા અને ફાસ્ટફૂડ, લોકોના શરીર પર ચરબી વધવાનું કારણ છે. વજન વધવાથી તમને શ્વાસ લેવામાં તકલીફ અને લોહીના પરિભ્રમણ પર ખરાબ અસર કરે છે. સ્થૂળતાના કારણે તમે ઘણી ગંભીર બીમારીઓનો શિકાર પણ બની શકો છો.
જો તમે વજન ઓછું કરવા માંગતા હોય તો,સમયસર વધતા વજનને ઓછું કરવું ખૂબ જ જરૂરી છે. જો તમે આમાં આજનું કાલ કરો છો તો તમારે તમારું વજન ઘટાડવામાં ઘણી મુશ્કેલીઓનો સામનો કરવો પડી શકે છે. પરંતુ શું તમે જાણો છો કે તમે ઈચ્છો તો એક મહિનામાં જ વજન ઘટાડી શકો છો? હા, તમે સાચું સાંભળ્યું.
વજન એક મહિનામાં ઓછું કરી શકાય છે. પરંતુ આ માટે તમારે એક રૂટિન ફોલો કરવું પડશે અને તમારા આહારમાં પણ થોડો ફેરફાર કરવો પડશે. આવો જાણીએ તમારે શું કરવાનું છે.
પ્રોટીનવાળો ખોરાક – વજન ઘટાડવા માટે શરીરમાં ભરપૂર માત્રામાં પ્રોટીન હોવું ખૂબ જ જરૂરી હોય છે. એટલા માટે તમે દિવસની શરૂઆત એટલે કે સવારના નાસ્તાની શરૂઆત માત્ર પ્રોટીનથી કરો. તમારે તમારા ભોજનમાં ચીઝ, દહીં અને દાળ જેવી વસ્તુઓનો સમાવેશ કરી શકો છો.
મીઠાઈથી દૂર રહો – જો તમને મીઠાઈ ખાવાનું વધારે પસંદ છે પરંતુ જો તમે ખરેખર સ્થૂળતાથી છૂટકારો મેળવવા માંગતા હોવ તો પહેલા તમારે મીઠાઈ સાથેનો સંબંધ તોડવો પડશે. એટલે કે મીઠાઈઓ સાથે શક્ય તેટલું દૂર રહો અને તેનું સેવન કરવાનું ઓછું કરો.
સવારે અને સાંજે 30 મિનિટ કસરત – વજન ઘટાડવા માટે ખાવાની સાથે કસરત પણ એટલી જ જરૂરી હોય છે. જો તમે ડાઈટ પ્લાન અપનાવો છો અને કસરત નથી કરતા તો પરિણામ મળતું નથી. જો તમારું શરીરનું હલનચલન નથી તો આહારમાં ફેરફાર કરવાથી કોઈ ફર્ક પડતો નથી. તેથી દરરોજ લીપનો ઉપયોગ ઓછો કરી અને સીડીઓ ચઢવાનો પ્રયાસ કરો, દરરોજ ઝડપી ચાલવાનો પ્રયાસ કરો.
ગરમ પાણી – શરીરને હાઇડ્રેટ રાખવા માટે દિવસ દરમિયાન ભરપૂર પાણી પીવું ખૂબ જ જરૂરી હોય છે. પરંતુ વજન અને શરીરની ચરબી ઘટાડવા માટે ગરમ પાણી એ વધુ સારો વિકલ્પ છે. આ તમારા શરીરને ડિટોક્સ કરશે અને ચયાપચયને પણ ઝડપી બનાવશે. તેથી દિવસ દરમિયાન થોડું ગરમ પાણી જરૂર પીવો.
તો તમે પણ આ 4 નિયમોનું પાલન કરીને ઝડપી વજન ઘટાડી શકો છો. તમે કોઈપણ ડાઈટ ફોલો કરો છો પરંતુ આ 4 રૂટિનને તમારી દિનચર્યામાં જરૂર સામેલ કરવા જોઈએ. જો તમને જાણકારી ગમી હોય તો રસોઈનીદુનિયા સાથે જોડાયેલા રહો.
