વજન ઘટાડવા માટે હવે ભૂખ્યા રહેવાની કોઈ જરૂર નથી, પેટ ભરીને ખાઓ આ વેજ રેસિપી

ઘણીવાર લોકો વજન ઘટાડવા માટે ભૂખે મરવા લાગે છે. વજન ઘટાડવા માટે ભૂખ્યા રહેવાની કોઈ જરૂર નથી. વજન ઘટાડવા માટે ફક્ત તમારે બિનઆરોગ્યપ્રદ આહારની આદતો છોડી દેવી પડશે. વજન ઘટાડવા માટે તમારે તમારા આહારમાં એવી વસ્તુઓનો સમાવેશ કરવો જોઈએ જે તમે ભરપૂર માત્રામાં ખાઈ પણ શકો અને તમારું વજન પણ વધે નહીં.

આ વસ્તુઓ હેલ્દી પણ હોય છે અને તે તમારી ભૂખ પણ દૂર કરે છે. વજન ઘટાડવા માટે, તમારે તમારા આહારમાં આવી વસ્તુઓનો સમાવેશ કરવા પર ધ્યાન કેન્દ્રિત કરવું જોઈએ.

જો તમને લાગતું હોય કે હેલ્ધી ડાયટ ખાવામાં ટેસ્ટી નથી હોતું તો એવું બિલકુલ નથી. આજે અમે તમને એવા જ કેટલાક વેજ ઓપ્શન વિશે જણાવવા જઈ રહ્યા છીએ જેને તમે પેટ ભરીને ખાઈ શકો છો અને તે તમારું વજન નહીં વધારે, પરંતુ વજન ઘટાડવામાં મદદ કરશે.

બેસન ચીલા

વજન ઘટાડવા માટે આ ખૂબ સારો વિકલ્પ છે. ચણાના લોટમાં પ્રોટીનની માત્રા ખૂબ હોય છે. જો ઘઉંના લોટ સાથે સરખામણી કરવામાં આવે તો ચણાના લોટમાં કેલરી અને ચરબી ઘઉંના લોટ કરતા ઓછી હોય છે. શાકાહારી લોકોમાં પ્રોટીનની ઉણપને પૂરી કરવા માટે ચણાના લોટના ચીલાને સારું માનવામાં આવે છે. તમે તેને શાક અને પનીર સ્ટફિંગ સાથે બનાવી શકો છો. તેનાથી તમારું પેટ પણ ભરાશે અને તમારું વજન પણ નહિ વધશે. ચીલાને શેકવા માટે રિફાઈન્ડ તેલનો ઉપયોગ કરશો નહીં. હળવું ઘીનો ઉપયોગ કરો.

પનીર વેજ રૈપ

પનીર વજન ઘટાડવામાં મદદરૂપ થાય છે. તે પ્રોટીનનો સારો સ્ત્રોત માનવામાં આવે છે. હેલ્દી શાકભાજી અને પનીર સ્ટફિંગ સાથે પનીર રૈપ બનાવો. લોટમાં રિફાઈન્ડ લોટ ન લો, તેના બદલે તમે હેલ્ધી મલ્ટી ગ્રેન લોટ લઈ શકો છો. તમે તેને લંચ કે ડિનરમાં આરામથી ખાઈ શકો છો.

રાગી ઈડલી

રાગીમાં ઘણા પોષક તત્વો હોય છે. જો તમે વજન ઘટાડવાનો પ્રયાસ કરી રહ્યા હોય તો આનાથી સારો વિકલ્પ ભાગ્યે જ હોઈ શકે. રાગીના લોટની ઈડલી ખૂબ આરોગ્યપ્રદ હોય છે. તેમાં તેલનો ઉપયોગ બિલકુલ થતો નથી. તે પચવામાં પણ સરળ હોય છે. તે ગ્લુટેન ફ્રી હોય છે. તમે ઈડલીને બદલે રાગીની દાળ પણ ખાઈ શકો છો.

આ પણ વાંચો: હવે તમારું વજન સડસડાટ ઘટી જશે, હવે ભૂખ્યા રહયા વગર આ ચાટ ખાઈને વજન ઓછું કરો

નિષ્ણાતની પોસ્ટ અહીં જુઓ

 

View this post on Instagram

 

A post shared by Dt.Radhika Goel (@dt.radhikagoel)

આ પણ વાંચો: કાબુલી ચણા ખાઈને મહિનામાં 5 કિલો વજન ઘટાડી શકાય છે, તેનું આ રીતે સેવન કરો

સોયા પુલાવ

સોયાબીનમાં પ્રોટીન ભરપૂર માત્રામાં હોય છે. જો તમે વજન ઓછું કરવા માંગતા હોય તો તમારા આહારમાં સોયાબીનનો સમાવેશ કરો. સોયા પુલાવ તમને વજન ઘટાડવામાં મદદ કરી શકે છે. તે ઓછી ચરબીનું છે. તમે પુલાવ બનાવવા માટે બ્રાઉન રાઈસનો ઉપયોગ કરી શકો છો અથવા વધુ માત્રામાં સોયાબીન અને ઓછા પ્રમાણમાં ચોખા ઉમેરીને બનાવી શકો છો.

જો તમને આ લેખ પસંદ આવ્યો હોય તો શેર કરજો. આવી વધુ જાણકારી ઘરે બઠા મેળવવા માટે રસોઈનીદુનિયા સાથે જોડાયેલા રહો.