આ લેખમાં વાત કરીશું પેટની ચરબી ઘટાડવા માટે 5 આસનો. ભુજંગાસન, નૌકાસન, ઉસ્ત્રાસન, ધનુરાસન, ચક્કી ચાલનાસન. અત્યારના સમયમાં કોણ નથી ઇચ્છતું કે તે પણ સ્લિમ દેખાય, પરંતુ મોટાભાગની મહિલાઓ જિમ જવાનું પસંદ નથી કરતી અને ઘરે સરળતાથી કરી શકાય તેવા વ્યાયામની કે યોગની શોધમાં હોય છે.
જો તમે પણ આવી મહિલાઓમાંની એક મહિલા છો જે વજન ઓછું કરવાનું વિચારી રહયા છે તો આજે અમે તમારા માટે એવા જ કેટલાક અસરકારક આસન લાવ્યા છીએ જે તમારા પેટની ચરબીને માખણની જેમ પીગળીને ટોન કરવામાં મદદ કરે છે અને સાથે જ તે તમારા સારા સ્વાસ્થ્ય માટે પ્રોત્સાહિત કરશે.
આ યોગને મહિલાઓ સરળતાથી ઘરે કરી શકે છે અને આજે વર્કઆઉટના ઘણા પ્રકારો ઉપલબ્ધ હોવા છતાં યોગ એ સમગ્ર અર્થમાં શરીરને પોષણ અને ટોનિંગ કરવાની સૌથી વિશ્વસનીય અને અસરકારક રીત છે.
કારણ કે યોગ દરેક આસન આખા શરીર પર ઊંડાણપૂર્વક કામ કરવાનો પ્રયાસ કરે છે, તેથી નીચે કેટલાક યોગ પોઝ જણાવવામાં આવેલા છે જે ખાસ કરીને શરૂઆતના લોકો માટે છે, જે પેટને મજબૂત કરવાની સાથે પેટ સંબંધિત ઘણી સમસ્યાઓ જેમ કે કબજિયાત, અપચો અને પેટનું ફૂલવું દૂર કરવામાં મદદ કરશે.
પેટની ચરબીના કારણો : આખો દિવસ બેસી રહીને કામ કરવું, કસરતનો અભાવ, બિનઆરોગ્યપ્રદ આહાર અને તણાવ પેટની ચરબીનું નિર્માણ કરી શકે છે. જો કે પેટની ચરબીથી છુટકારો મેળવવો થોડો મુશ્કેલ છે. કેટલીકવાર તંદુરસ્ત જીવનશૈલી જાળવી રાખવા છતાં અને દરરોજ કસરત કરવું છતાં પણ પેટની ચરબી ઓછી થતી નથી.
પેટની ચરબી ઘટાડવા અને પેટને સપાટ પેટ બનાવવા માટે તમારે કોઈપણ જંક ના ખાવું જોઈએ અને હેલ્ધી ખોરાક ખાવો જોઈએ અને તમારી કસરતોની સાથે યોગનો અભ્યાસ કરવો જોઈએ. યોગ તમને પેટની ચરબી ઘટાડવા અને તમારા શરીરની ચરબી પર નિયંત્રિત કરવામાં મદદ કરશે. તે તમારા ચયાપચયને પણ વેગ આપશે અને તમને સ્લિમ બોડી જાળવવામાં મદદ કરશે.
દરરોજ યોગ તમને તણાવને દૂર કરવામાં અને લવચીકતા વધારવામાં મદદ કરે છે. આ તમારા પેટના સ્નાયુઓને બીજી કોઈપણ મુખ્ય કસરત કરતાં કરતા વધારે અસર કરશે. તમારા એબ્સને બનાવવા માટે સૌથી અસરકારક યોગ પોઝ જાણવા માટે આ લેખ વાંચો.
1. ભુજંગાસન : આ આસનને કોબ્રા પોઝ તરીકે પણ ઓળખવામાં આવે છે. આ આસાન મુહ્યત્વે પેટની મસલ્સને મજબૂત બનાવે છે અને પીઠના ભાગને આરામ આપવામાં મદદ કરે છે. તો ચાલો જોઈએ તેને કેવી રીતે કરવું.
રીત : આ યોગ કરવા માટે મોઢું નીચે ની તરફ રાખીને સૂઈ જાઓ. તમારા હાથને ખભાની બાજુમાં ફ્લોર પર લંબાવો. પગને પાછળની તરફ લંબાવો. પગની ટોચ સાથે ફ્લોરને સ્પર્શ કરો અને ધીમે ધીમે શ્વાસ લો. શરીરના ઉપરના ભાગને ઉપરની બાજુ ઉઠાવો. ખાતરી કરો કે તમારા પ્યુબિસ અને અંગૂઠા એક સીધી રેખા બનાવે અને ફ્લોરને સ્પર્શ કરે. આ સ્થિતિમાં 25-30 સેકન્ડ માટે રહો. હવે શ્વાસ બહાર કાઢતી વખતે સુતા હતા તે સ્થિતિમાં પાછા આવો.
2. નૌકાસન : આ આસનને બોટ પોઝ તરીકે પણ ઓળખવામાં આવે છે. આ એવું એક આસન છે જે તમારી બાજુની અને પેટના સ્નાયુઓ પર અદ્ભુત રીતે કામ કરે છે અને તમારા કોરને મજબૂત બનાવાનું કામ કરે છે.
રીત : આ યોગ કરવા માટે છતની સામે મોં રાખીને જમીન પર સૂઈ જાઓ. તમારા હાથને તમારી બાજુમાં રાખો અને તમારા ખભાને આરામ આપો. પગ સીધા રાખો. હવે ધીમે ધીમે તમારા હાથ અને પગને એકસાથે જમીન પરથી ઉંચા કરો. પેટને હંમેશા જમીનથી ઉપર રાખો. જ્યાં સુધી તમારું શરીર V-આકાર ન બનાવે ત્યાં સુધી 45-ડિગ્રીનો ખૂણો બનાવો. તેને 60 સેકન્ડ સુધી રાખો અને ઊંડા શ્વાસ લેવાની પ્રેક્ટિસ કરો.
3. ઉષ્ટ્રાસન : આ આસનને ઉંટ પોઝ તરીકે પણ ઓળખવામાં આવે છે. આ આસન કરવું થોડું અઘરું છે. તેથી જો તમે પીઠની કોઈ સમસ્યાથી પીડાતા ના હોય તો જ આ આસાન કરવાનું સુનિશ્ચિત કરો. કોઈપણ પ્રકારની પીઠની સમસ્યા હોય તો તેને કરવાનું ટાળવું જોઈએ.
રીત : પહેલા તમારા ઘૂંટણ વાળીને ફ્લોર પર નીચે બેસી જાઓ. હિપ્સની પહોળાઈ અને તમારી જાંઘ ફ્લોર પર સીધી હોવી જોઈએ. તમારા હાથને હિપ્સની ટોચ પર મૂકો અને આંગળીઓ નીચેની તરફ રાખો. તમારી પીઠને સહેજ અંદરની તરફ વાળો અને ધીમે ધીમે પાછળ ઝુકાવો અને સ્પર્શ કરો અને પછી તમારી એડીને તમારા હાથથી પકડો. કરોડરજ્જુને સીધી કરો પરંતુ તમારી ગરદન પર જોર ના આપો. થોડીવાર આ મુદ્રામાં રહો.
4. ધનુરાસન : આ આસનને ધનુષ્ય પોઝ તરીકે પણ ઓળખવામાં આવે છે. જો કે તમને આ યોગ પોઝ સરળ લાગે છે પરંતુ આ પોઝ તમારા એબ્સ માટે ખૂબ જ પડકારજનક હોઈ શકે છે, જે વાસ્તવમાં તેમને મજબૂત બનાવે છે.
રીત : પહેલા ચટ્ટાઈ પાથરીને તમારા પેટ પર સૂઈ જાઓ. ઘૂંટણ વાળો અને પગને હાથથી પકડી રાખો. શ્વાસ લેતી વખતે બંને હાથ અને પગને ઉપર ઉઠાવો. સાથે તમારી છાતીને પણ ઉંચી કરો.
30 સેકન્ડ માટે આ મુદ્રામાં રહો, આમ ધીમે ધીમે તેને 90 સેકન્ડ સુધી વધારી દો. શ્વાસ છોડો અને મુદ્રામાંથી બહાર આવો.
5. ચક્કી ચાલનાસન : આ કરવા માટે તમે આરામદાયક સ્થિતિમાં બેસો. પછી તમારા પગ સીધા આગળની બાજુ લાંબા કરો. પગને ઘૂંટણ વાળ્યા વગર સીધી સ્થિતિમાં રાખો. પછી તમારા બંને હાથ ભેગા કરીને તેને તમારા પગ ઉપર ગોળ ગતિમાં ફેરવો. જે રીતે તમે ગંટીનો લોટ દરતા હોય. આને ઘડિયાળની દિશામાં 10 વખત અને ઘડિયાળની વિરુદ્ધ દિશામાં 10 વખત કરો.
ઉપર જણાવ્યા મુજબ આ યોગાસનો કરીને તમે પણ તમારા પેટની ચરબીને માખણની જેમ ઓગાળી શકો છો. તો જો તમને આ લેખ લાગ્યો હોય તો વજન ઓછું કરવા માંગતા લોકો સુધી પહોંચાડો. યોગ સંબંધિત આવી જ વધુ માહિતી મેળવવા માટે રસોઈનીદુનિયા સાથે જોડાયેલા રહો.
