ઋતુ ગમે તે હોય, ચટણી આપણી થાળી માં હોય જ. ચટણી માટેનો ક્રેઝ એ વાત પરથી જાણી શકાય છે કે કોઈ શાક ન હોય ત્યારે તેને રોટલી સાથે પણ ખાઈ શકાય છે. ચટણીનું નામ સાંભળતા જ મોંમાં પાણી આવી જાય છે. કેમ ના આવે, ભાગ્યે જ કોઈ હશે જેને ચટણી ખાવાનું પસંદ ન હોય.
એટલા માટે ભારતના લોકો અલગ અલગ વસ્તુઓની ચટણી બનાવે છે. મહિલાઓ ફળોથી લઈને શાકભાજી સુધીની ચટણી બનાવે છે. કેટલાક રાજ્યોની ચટણી તો આખી દુનિયામાં પ્રખ્યાત છે.
ઉનાળાની ઋતુમાં ઠંડી વસ્તુઓનું સેવન કરવું જોઈએ. દહીં પેટને ઠંડક આપવાની સાથે શરીર માટે ફાયદાકારક છે. શું તમે ક્યારેય દહીંની ચટણી ખાધી છે? કદાચ ના. આજે આ આર્ટીકલમાં અમે તમને દહીંની ચટણીની 2 રેસિપી જણાવીશું, જેને ખાધા પછી બધા તમારા વખાણ કરશે.
દહીં અને લસણની ચટણી
લસણનો ઉપયોગ કોઈપણ વાનગીનો સ્વાદ વધારવા માટે થાય છે. તમે લસણની ચટણી ખાધી હશે? ખાસ કરીને રાજસ્થાની સ્ટાઈલની ચટણી. દહીં સાથે લસણનું કોમ્બિનેશન પરફેક્ટ છે. આ બંને વસ્તુઓની મદદથી તમે દહીંની ચટણી બનાવી શકો છો.
સામગ્રી
- 1 કપ દહીં
- ફુદીના ના પત્તા
- સ્વાદ માટે મીઠું
- લસણની 5-6 કળી
ચટણી કેવી રીતે બનાવવી?
- સૌ પ્રથમ ફુદીનાના પાનને ધોઈ લો.
- હવે લસણની છાલ કાઢી લો.
- ફૂદીનાના પાન અને લસણને મિક્સરમાં પીસી લો.
- હવે એક બાઉલમાં દહીં નાખો અને બધી વસ્તુઓને મિક્સ કરો.
- લો તૈયાર છે દહીં અને લસણની ચટણી.
આ પણ વાંચોઃ 3 અલગ અલગ રીતે બનાવો લસણની સ્વાદિષ્ટ ચટણી, એકવાર બનાવી જુઓ, વારંવાર બનાવશો
દહીં અને આદુની ચટણી
આદુનો ઉપયોગ પણ ખોરાકને હેલ્દી અને સ્વાદિષ્ટ બનાવવા માટે થાય છે. તમે આદુની ચટણી ખાધી જ હશે? પરંતુ દહીં અને આદુની ચટણીનો સ્વાદ પણ અદ્ભુત આવે છે. દહીં-આદુની ચટણી બનાવવા માટે નીચે આપેલા સ્ટેપ્સને અનુસરો.
સામગ્રી
- દહીં
- આદુ
- કોથમીર પાન
- લીંબુ રસ
- સ્વાદ માટે મીઠું
- જીરું પાવડર
- ચાટ મસાલા
આ પણ વાંચોઃ માત્ર 4 મહિના ચામાં આ એક વસ્તુને ઉમેરીને પીવાતું પીણું, 12 મહિના નાખીને પીવાનું શરુ કરો
દહીં અને આદુની ચટણી કેવી રીતે બનાવવી?
- સૌથી પહેલા કોથમીર અને આદુને પાણીથી ધોઈ લો, જેથી તેમાં ચોટેલી ગંદકી સાફ થઈ જાય.
- હવે બંને વસ્તુઓના જીણા ટુકડા કરી લો.
- હવે મિક્સરમાં દહીં અને આદુ નાખો.
- જીરું પાવડર, ચાટ મસાલો અને સ્વાદ મુજબ મીઠું ઉમેરીને બધું પીસી લો.
- હવે આ ચટણીને એક બાઉલમાં લઈ લો અને તેના પર લીંબુનો રસ નીચોવો.
- તમારી દહીં અને આદુની ચટણી તૈયાર છે .
આ બાબતો ધ્યાનમાં રાખો
દહીંની ચટણી બનાવવા માટે દહીં ઘટ્ટ હોવું જોઈએ. જો દહીં ઘટ્ટ નહીં હોય તો ચટણી રસ જેવું લાગશે. જો દહીં ઘટ્ટ ન હોય તો, દહીંને ચાળણીમાં નાખી દો. હવે તેની નીચે એક બાઉલ મૂકો. હવે આ દહીંને રેફ્રિજરેટરમાં 2-3 કલાક માટે રાખો. તમે જોશો કે દહીં ઘટ્ટ થઈ ગયું છે.
એ વાતનું પણ ધ્યાન રાખો કે દહીં વધારે ખાટું ન હોવું જોઈએ. તેનાથી ચટણીનો સ્વાદ બગડી શકે છે. ચટણીમાં મીઠું અને મરચાનું ખાસ ધ્યાન રાખો. તમે પાઉડરને બદલે લીલા મરચાનો ઉપયોગ કરી શકો છો. આ ચટણીનો સ્વાદ અદભુત બનાવશે.
આશા છે કે તમને આજની આ રેસિપી ગમી હશે. આવી જ અવનવી રેસિપી અને કિચન ટિપ્સ જાણવા માટે રસોઈનીદુનિયા સાથે જોડાયેલા રહો.
