ભારતના લોકોનો સૌથી લોકપ્રિય ખોરાક કયો છે? તો આપણે કહીશું કે દાળ ભાત, આપણા દરેક ના ઘરે બપોર ના ભોજનમાં દાળ ભાત તો અવશ્ય હોય જ છે. કદાચ તે દરેક પ્રાંતમાં અલગ અલગ રીતે બનાવવામાં આવે છે. જોકે ઘણા લોકો દાળ ભાત ખાવા માટે ખુબ આતુર હોય છે, પણ શું તમે દરરોજ એક સરખો ખોરાક ખાઈને કંટાળી શકો છો.
દાળ – ભાત પણ અલગ અલગ રીતે બનાવી શકાય છે, પણ તેમાં સમય પણ લઇ શકે છે. પણ જો દરરોજ બનાવવામાં આવતા દાળ ભાતને માત્ર 5 મિનિટની આ ટિપ્સની મદદથી અલગ સ્વાદ આપવામાં આવે તો?
જો તમે દરરોજ દાળ ભાત ખાવાનું ગમે છે તો થોડું ફેરફાર કરીને તમે તેને દરરોજ ઘરે અલગ રીતે બનાવી શકો છો. આજે અમે તમને તેને બનાવવા માટે 5 અલગ અલગ ટિપ્સ વિશે જણાવીશું.
1. દાળમાં ઉમેરો લસણનો ફ્લેવર
મોટાભાગની મહિલાઓ દાળ બનાવતી વખતે લસણનો ઉપયોગ વગાર માટે કરે છે. આપણને એવું લાગે છે કે આ રીતે દાળ બનાવવાની સૌથી સહેલી રીત છે, પરંતુ વાસ્તવમાં એક એવી રીત છે જે આનાથી પણ વધુ સરળ છે અને જો તમે વજન ઘટાડવા માટે પરેશાન હોય તો તમને મદદ કરી શકે છે.
શુ કરવુ? દાળને ઉકાળતી વખતે તેમાં લસણની બે કળી, 1 લીલું મરચું (સમારેલું), થોડી હિંગ ઉમેરો. સાથે સાથે હળદર, મીઠું જેટલી માત્રામાં ઉમેરતા હોય તેટલી જ માત્રામાં ઉમેરવું.
આમ કરવાથી તમે દાળમાં લસણનો સ્વાદ પણ લાવી શકશો, હિંગનો સ્વાદ પણ આવશે અને વગર માટે વધારાનું તેલ ઉમેરવાની પણ જરૂર રહેશે નહીં. હવે આ દાળ બની ગયા પછી તેમાં 1 ચમચી ઘી ઉમેરો અને તેનો આનંદ માણો.
2. વધારમાં લાવો એક વળાંક
દાળનો સ્વાદ જેટલો સારો હોય છે, તેટલો જ સારો હોય છે દાળના વધારનો સ્વાદ. જો તમે દરરોજ એ જ રીતે વધાર કરો છો, તો ઉભા રહો અને દરરોજ જુદી જુદી વસ્તુઓનો ઉપયોગ કરો જેમ કે એક દિવસે જીરું, બીજા દિવસે રાઈ, ત્રીજા દિવસે મીઠા લીંબડાના પાન, ચોથા દિવસે મરચાં અને આજ રીતે વિવિધ પ્રકારના વધાર કરવાનો પ્રયત્ન કરતા કરો. આ બધાને ઘી ફ્રાય કરો, દાળનો સ્વાદ ખૂબ જ સરસ આવશે.
3. ભાત બનશે છુટા છુટા અને ખીલેલા
જો તમે ઇચ્છો છો કે ભાત હંમેશા છુટા ચૂત બને અને વધારે સ્ટાર્ચ પણ ના રહે , તો તમારે આ ટીપ્સનું પાલન કરવું જોઈએ. ચોખાને સૌથી પહેલા સારી રીતે ધોઈ લો. ચોખાને ઉકાળતી વખતે તેને વચ્ચે હલાવો નહીં (જો ખુલ્લા વાસણમાં રાંધવામાં આવે છે તો).
ચોખાની સાથે તેલના બે ટીપાં નાખો. ફક્ત બે ટીપાં જ નાખવાથી કામ થઇ જશે તેનાથી વધુની જરૂર રહેશે નહીં. આ પછી મોટા ચોખા પણ એક સાથે ચોંટી જશે નહીં.
4. ભાતમાં અલગ સ્વાદ લાવવા માટે
જો તમે ભાતમાં થોડો અલગ સ્વાદ લાવવા માંગતા હોય, તો ચોખાને ધોઈ લો અને 1 ચમચી ઘી અને 2 લવિંગથી સાથે થોડું ફ્રાય કરી લો. ધ્યાન રાખો કે તેને વારંવાર હલાવવાની જરૂર નથી કારણ કે એવામાં ચોખા તૂટવા લાગશે.
આપણે તેને માત્ર 1 મિનિટ માટે ફ્રાય કરવા પડશે. આ પછી તેમે તેને દરરોજ જેમ રાંધો છો તેવી જ રીતે રાંધશો. ચોખા થોડા ઝડપથી રંધાશે અને સાથે સાથે તેનો સ્વાદ પણ અલગ આવશે.
5. જો ભાતમાં વધારે પાણી હોય તો
જો ભાતમાં વધારે પાણી હોય અને તમને લાગે છે કે તે હવે ભાત ખાવા માટે યોગ્ય નથી, તો તેને વધારે રાંધવાને બદલે તેમાં બ્રેડની સ્લાઈસ ઉમેરી દો. આ ભાતમાંથી વધારાનું પાણી શોષી લેશે અને તમારે તેને લાંબા સમય સુધી રાંધવું પણ નહિ પડે.
જો જોવામાં આવે તો આ બધી ટિપ્સ તમારા માટે ઘણી સારી સાબિત થઈ શકે છે. જો તમે તેને પહેલા કોઈ દિવસ ટ્રાય નથી કર્યો, તો એકવાર વિચારો અને એકવાર જરૂર ટ્રાય કરો. જો તમને આ ટિપ્સ ગમી હોય અને આવા જ બીજા લેખ વાંચવા માટે રસોઈનીદુનિયા સાથે જોડાયેલા રહો.
