પેટ હોય કે શરીરનો દુખાવો હોય કે પછી ખાંસી અને શરદી આપણને પરેશાન કરતી હોય છે, આવી સમસ્યાઓ માટે આપણે દાદીમા દ્વારા જણાવવામાં આવેલા ઘરેલું ઉપાય અજમાવીએ છીએ. આ ટિપ્સ ઘરે સરળતાથી મળી જાય છે અને કુદરતી રીતે સમસ્યાને પણ દૂર કરે છે. તેથી જ અમેતમારા માટે આવો જ નુસખો લઈને આવ્યા છીએ.
જો કે મોટાભાગની મહિલાઓ વધતા વજનથી પરેશાન હોય છે. પરંતુ કેટલીક મહિલાઓ એવી છે જે પાતળા થવાથી પરેશાન હોય છે. તેનું કારણ એ છે કે તેના ઓછા વજનને કારણે લોકો તેની મજાક ઉડાવે છે અને તે કુપોષણની દર્દી હોવાનું કહેવામાં આવે છે. જો તમે પણ આવી મહિલાઓમાંથી એક છો, તો આજે અમે તમને વજન વધારવાનો એક ઘરેલું ઉપાય જણાવવા જઈ રહ્યા છીએ.
નિષ્ણાતો કહે છે કે, “જો તમે હેલ્ધી રીતે વજન વધારવા માંગતા હોવ તો ડાયટમાં ઘી અને ગોળનો સમાવેશ કરો.” આપણે બધા જાણીએ છીએ કે ઘી વજન વધારવામાં મદદ કરે છે. પરંતુ અમે તમને તેનો ઉપયોગ કરવાની સાચી રીત જણાવીશું.
વજન વધારવાના ઘરગથ્થુ ઉપચાર
સામગ્રી
- દેશી કેમિકલ મુક્ત ગોળ – 1 ચમચી (4-5 ગ્રામ)
- દેશી ગાયનું ઘી – 1 ચમચી (5 મિલી)
પદ્ધતિ
- ગોળ અને ઘી સમાન માત્રામાં ભેળવીને ખાઓ.
- તેનું સેવન કરવાનો શ્રેષ્ઠ સમય ભોજન સાથે અથવા ભોજન પછી છે.
- 2 અઠવાડિયા પછી તમે તેની માત્રા પણ વધારી શકો છો.
- વજન વધારવાની સાથે આ રેસીપી તમને ઈન્સ્ટન્ટ એનર્જી પણ આપશે.
આ જરૂર વાંચો : વજન વધારવા માટે અપનાવો આ ઘરેલું ટીપ્સ
વજન વધારવા માટે ઘીના ફાયદા
- દરેક રસોડામાં હાજર ઘી કુદરતી વજન વધારનાર છે.
- ઘી મીઠું હોય છે.
- તેની પ્રકૃતિ ઠંડી હોય છે.
- તે વાત અને પિત્તને ઘટાડે છે.
- તે પાચનમાં સુધારો કરે છે .
- પેશીઓને પોષણ આપે છે.
- સ્નાયુઓને મજબૂત બનાવે છે.
- વાળ, ત્વચા, ફર્ટિલિટી, ઇમ્યુનીટી અને માનસિક સ્વાસ્થ્ય સુધારે છે.
કયા ઘીનો ઉપયોગ કરવો?
- મજબૂત મેટાબોલિઝમ ધરાવતી મહિલાઓ વજન વધારવા માટે ભેંસના ઘીનો ઉપયોગ કરી શકે છે.
- ચયાપચયમાં ખલેલથી પીડાતી સ્ત્રીઓ માટે A2 દેશી ગાયનું ઘીનો ઉપયોગ કરવો જોઈએ. A2 એક પ્રોટીન હોય છે જે જે દેશી ગાયના દૂધમાં જોવા મળે છે. આ માં ના દૂધમાં પણ હોય છે. તેથી A2 દૂધથી બનેલું ઘી ફાયદાકારક માનવામાં આવે છે. તેમાં એમિનો એસિડ પણ વધારે હોય છે. કારણ કે તે ભેંસના ઘી કરતાં પચવામાં સરળ છે.
વજન વધારવા માટે ગોળના ફાયદા
- ગોળ એ સ્વસ્થ મીઠાશમાંથી એક છે, જે સફેદ ખાંડ કરતાં વધુ સારી છે.
- તે સ્વાદમાં મીઠો હોય છે અને વાત અને પિત્તને સંતુલિત કરે છે .
- તે રોગપ્રતિકારક શક્તિ વધારવામાં મદદ કરે છે.
- તે મીઠાઈ ખાવાની લાલસાને પણ દૂર રાખે છે.
- આદુ અને કાળા મરી સાથે ગોળ ખાવાથી શરદી અને ખાંસી મટે છે.
આ જરૂર વાંચો : જો તમારે 1 મહિનામાં વજન વધારવું હોય તો આ 10 ડાયટ ટિપ્સ ફોલો કરો
કયો ગોળ વાપરવો?
આયુર્વેદમાં સ્વાસ્થ્ય સંબંધિત સમસ્યાઓ દૂર કરવા માટે એક વર્ષ જૂના ગોળનું સેવન કરવાની સલાહ આપવામાં આવે છે.
સાવધાની : જે મહિલાઓ ઘી પચાવી શકતી નથી અથવા જેમને ડાયાબિટીસ છે તેમણે આ ભેળવીને ના ખાવું જોઈએ.
તમે પણ આ નુસખાથી વજન વધારી શકો છો. જો તમને આ લેખ ગમ્યો હોય તો શેર કરજો. આવા વધુ લેખો ઘરે બેઠા વાંચવા માટે રસોઈનીદુનિયા સાથે જોડાયેલા રહો. ફેસબુક પેજ અને વોટ્સએપ ગ્રુપમાં પણ જોડાઈ શકો છો.
