ભારતીય રસોડામાં ઘણા ઉપકરણો નો ઉપયોગ કરવામાં આવે છે અને એમાંય પ્રેશર કૂકરનો ઉપયોગ લગભગ દરેકના ઘરે દરરોજ કરવામાં આવે છે તેથી તેને રસોડાનો એક મહત્વપૂર્ણ ભાગ કહે છે. પ્રેશર કૂકરનો ઉપયોગ ઘણી બધી વસ્તુઓમાં બનાવવા માટે કરવામાં આવે છે.
જેમ કે ખાટી, મીઠી, મસાલેદાર વગેરે, પરંતુ આપણે ઘણી વખત પરંપરાગત રીતે પ્રેશર કૂકરનો ઉપયોગ કરતા આવ્યા છીએ તેથી આપણે ધ્યાન રાખતા નથી કે તેનાથી બીજા ઘણા ઉપયોગો પણ કરી શકાય છે.
તો આજે અમે તમને એવી જ કેટલીક ટિપ્સ વિશે જણાવવા જઈ રહ્યા છીએ જે પ્રેશર કૂકરનો ઉપયોગ કરતી વખતે તમારો સમય પણ બચાવશે અને તેની સાથે સાથે રસોઈ ગેસની પણ બચત કરશે. તો ચાલો જાણીએ કે કઈ છે આ કુકર માટેની ટિપ્સ.
1. એક સાથે ઘણી વસ્તુઓ બાફો : જો તમે અત્યાર સુધી પ્રેશર કૂકરનો ઉપયોગ એક સમયે માત્ર એક જ વસ્તુને બાફવા માટે કરો છો તો તે ખોટું છે. કૂકરમાં એક પછી એક સામગ્રીને બાફવાં આવે તો ગેસ અને સમય બંનેનો બગાડ થાય છે. તો આ માટે તમે એક સમયે એક નહિ પણ ઘણી વસ્તુઓને અલગ બાઉલમાં રાખીને બાફવા માટે મુકો.
આ તમે ખૂબ જ સરળતાથી કરી શકો છો અને આનાથી તમારો ઘણો સમય પણ બચશે અને ગેસ પણ બચશે. તમે એક વખતનું શાક બનાવવા માટે બધી જ સામગ્રીને એકસાથે બાફી શકો છો. જો તમે ઇચ્છો તો પ્રેશર કૂકર બોક્સનો પણ ઉપયોગ કરીને પણ ગણી વસ્તુઓને એકસાથે બાફી શકો છો.
2. હંમેશા શાકભાજીને ફ્રાય કરો : ઘણીવાર કેટલાક લોકો ઉતાવળમાં પહેલા કૂકરમાં બધા મસાલા નાખીને શાકભાજી નાખી દે છે અને તેનાથી શાક સ્વાદિષ્ટ બનતું નથી. આને કારણે તે લોકો કહે છે કે આ પ્રેશર કૂકરની ભૂલ છે, પરંતુ એવું નથી હોતું હોતું.
પ્રેશર કૂકરમાં પણ શાક ખૂબ જ સ્વાદિષ્ટ બનાવી શકાય છે, ફક્ત તમારે તેને 1 થી 2 મિનિટ માટે ફ્રાય કરવાનું રહે છે. પ્રેશર કૂકરમાં શાક બનાવતી વખતે તેમાં મસાલાનો ઉપયોગ કરો અને પછી શાકભાજી ઉમેરો અને તેને 1 થી 2 મિનિટ ફ્રાય કરો અને પછી પાણી ઉમેરો. આમ કરવાથી કૂકર બંદ કર્યા પછી તેને રાંધવામાં ઓછો સમય લાગશે અને શાક ખૂબ જ સ્વાદિષ્ટ બનશે.
2. પ્રેશર કૂકરની એસેસરીઝને પર હંમેશા ધ્યાન રાખો : ઘણા ભારતીય ઘરોમાં 5 લીટરનું મોટું કૂકર હોય છે અને તેમાં અલગ અલગ રસોઈ માટેના કમ્પાર્ટમેન્ટ હોય છે. તે ફક્ત તમારા કામને સરળ બનાવતા નથી પરંતુ તે એક સાથે ઘણી વસ્તુઓ રાંધવા માટે ઉપયોગી થઈ શકે છે.
ઉદાહરણ તરીકે જોઈએ તો, જો તમે બે લોકો માટે ખાવાનું બનાવો છો તો દાળ અને ચોખા બંને એકસાથે બનાવી શકાય છે. એક ડબ્બામાં ઈડલી અને બીજા ડબ્બામાં ઢોકળા રાખીને તમે તેને એકસાથે સ્ટીમ કરી શકો છો. એ જ રીતે ઘણી વાનગીઓને અલગ અલગ રીતે બનાવી શકાય છે. આ કમ્પાર્ટમેન્ટ્સની મદદથી તમે કેક, આથોવાળી વસ્તુઓ વગેરે ઘણું બધું બનાવી શકો છો.
3. દાળનું પાણી હવે કૂકરના ઢાંકણમાં નહિ ચોંટે : જો તમે કૂકરમાં માત્ર દાળ જ રાંધવા માટે રાખી છે તો ઘણી વખત તેનું પાણી સીટી વગાડતા બહાર આવવા લાગે છે અને આસપાસનો ભાગ ગંદો થઈ જાય છે. તેના કારણે કૂકરનું ઢાંકણું પણ ગંદુ થઈ જાય છે. આ સમસ્યાથી બચવા માટે તમે એક નાની ટ્રીક કરી શકો છો.
એટલે કે જ્યારે પણ તમે દાળ રાંધો ત્યારે દાળની ઉપર એક સ્ટીલની ખાલી વાટકી રાખો. કૂકરમાં પાણી ભર્યા પછી તમારે કૂકરમાં ખાલી વાટકી મુકવાની છે, એટલું ધ્યાન રાખો કે આ વાટકી સીધી હોવી જોઈએ ઉલટી નહિ. તમને આ વાટકીમાં બધું એકઠું થયેલું વધારાનું પાણી મળી જશે અને તમને દાળ ફેલાવવાની કે ચોંટવાની કોઈ સમસ્યા નહીં થાય.
5. સ્ટીમ રીલીઝીંગ થતા પોઈન્ટનું ધ્યાન રાખો : પ્રેશર કૂકરમાં મોટાભાગની સમસ્યાઓ હંમેશા વરાળ બહાર નીકળી નથી શકતી તેના કારણે જ થાય છે. તમારે ધ્યાન રાખવું પડશે કે આ વરાળ નીકળવાનું બિંદુ હંમેશા સ્વચ્છ હોવું જોઈએ અને જો તે સ્વચ્છ નહિ હોય તો તે તમારા પ્રેશર કૂકર માટે સારું રહેશે નહીં. હાઈકત છે કે આના કારણે કૂકરની વરાળ છોડવામાં અને બનાવવામાં સમસ્યા આવે છે.
આવી સ્થિતિમાં ગેસનો ઉપયોગ વધારે થાય છે અને કૂકરમાં ખૂબ ઓછું અથવા વધારે દબાણ બનવાની સમસ્યા પણ થઈ શકે છે. આ સ્થિતિમાં ઘણી વખત ઢાંકણની અંદરથી પાણી બહાર નીકળવા લાગે છે અને તમારા કૂકરનું રબર બગડી જાય છે. તેથી ધ્યાન રાખીને તેને સાફ કરતા રહો.
આ પાંચ ટિપ્સ તમારા રસોઈનો સમય બચાવી શકે છે અને તમારો ગેસ પણ બચાવી શકે છે. આ ટિપ્સને યાદ રાખો. જો તમને આ માહિતી પસંદ આવી હોય તો, આવી જ વધુ રસોઈ સબંધિત માહિતી મેળવવા માટે રસોઈનીદુનિયા સાથે જોડાયેલા રહો.
